Difference between revisions 693629 and 693631 on alswiki

'''Fridolin von [[Säckingen]]''' (''Friedli vo Segginge''; * z Irland; † 538 z Segginge) isch en Glaubensbote gsi wo s [[Kloster Säckingen|Chloschter Segginge]] gründet het. Bi de Chatholike un de Orthodoxe wird er as Heilige vaährt. S git ä paa Chille wo em Friedli gweiht sin.

===Lääbe===

''Friedli'' isch en Wandermönch us Irland gsi wo zärscht in [[Poitiers]] z [[Gallien|Gallie]] d Bei vom [[Hl.Hilarius|heilige ''Hilarius'']] in ere von em neu bauti Chille gleit hät. Ob a sicher us Irland cho isch cha ma it sääge, wil sin Name usm Germanische chunnt. Enere Legendi nooch hät de Hilarius em Friedli de Ufftrag gää, er söll doch uff enere Insel im Rii ä Chloschter baue. Uffm Wääg vo Poitiers uff Segginge hät er ä paar Chille gründet un se em Hilarius gweiht, zum Bispiel z [[Straßburg|Strassburg]] odr a de Mosel. Siini erschti Gründig isch wahrschiins Eller (alt: Helera, vo Hilarius abgleitet) gsi.

Weil er s Chloschter Segginge gründet het, was es ältischti Chloster vo ganz Süddütschland gsi isch, un vo dööt us s hüttigi [[Baden-Württemberg|Bade-Würteberg]] missioniert wore isch, hät ma de Friedli as Aposchtel vom ganze Badische Oberland gnennt. Im 10. Johrhndert hät de Mönch Balther (au en Segginger) in de ''Fridolinsvita'' em Friedli siini Lääbensgschicht uffschriibe.

Friedli isch de Schutzpatron vo Segginge un vom Chanton [[Glarus]] i dä Schwyz.

===Verehrung===
Au hüt gönn no vieli uf Segginge ge '''Wallfahre'''. I de ehemalige Chille vom Chloschter, im [[Fridolinsmünster|'''Münschter''']] sin die Bei vom Friedli innem prächtige, barocke Schrein us Silber ufbwahrt. Jedes Johr um de 6. März umme wird dä dann innere große Prozzession durch d Altstadt vo Segginge treit. Viele Chapelle, Trachteträger, Ritter un Chind in mittelalterliche Choschtüm laufe au mit.

===Gedenktag===
Bi de Chatolike: 6. März (it bottene Gedenkdag im regionale Chalender fürs düschi Sprochgebiet), nur i de Diözese Strassburg wird de Heilig am 7. März gfiert.
Bi de Orthodoxe: 6. März
D Prozession durch d Stadt Seggine findet jedes Johr am Sunntig noch em 6. März statt (wird bi schlechtem Wetter abgesait, dass de Schrein it hiigoht)

Ma rueft de Friedli bi Beileide, Viehseuchene un für guets Wetter aa.

===Uff Bilder===
Fridli wird oft zämme mit enem Skelett abbildet. De Legende noch hät de Friedli de Urso vom Tod erweckt (dewääge s Skellett), dass er em des Stuck Land, wo ner em z Lääbzitte gschänkt hät, vor em Gricht nommel bezügt.