Difference between revisions 698323 and 698324 on alswiki

'''Gotischi Kirche''' sind d Kirchebaute, wo mit em [[Gotik|gotische]] Bauschtil vor allem im [[Hochmittelalter]] erbaut worde sind.

Während d Kirche-Architektur von dr [[Romanik]] en wuchtige, gedrungene Bauschtil mit dicke Muure ghaa het (z.B. [[Romainmôtier-Envy#Sehenswürdikaite|Romainmotier]]), het d Gotik en Uuflösig von dr Masse, en fiinglidrige Bau in d Senkrechte angschtrebt: Zum Lobe Gottes muess me möglichscht hoch gege Himmel uufe baue. D Kathedrale händ zuedem schtark liechtdurfluetet, mit grosse Fenschterflächine, müesse sii.

Die ideelle Ziel händ denn allerdings zu [[Baustatik|bauschtatische]] Problem gfüehrt: D [[Gewölbe|Gwölb]] vom Hauptschiff händ en schtarke physikalische Schub nach usse uusgüebt, wo d Wänd nit hättet chönne trage. Deshalb het me in Form vo sog. Schtrebeböge, wo von senkrechte Schtrebepfiiler ghalte worde sii, es üssers schtatischs Grüscht gschaffe, wo de Gwölbe-Schub uufgfange het. Das ganze Schtützgebilde isch bii viilne Kathedrale gliichziitig au s Siiteschiff - uus [[Symmetrie]]-Gründ beidsiitig vom Hauptschiff.

En zuesätzlichi schtatischi Druckentlaschtig für d Ussewänd het d Umschtellig vom romanische ''Rundboge'' vom obere Fenschterteil zum gotische ''Schpitzboge'' brocht.

D Bauschtatik vo damals het nur uus Überliiferig und individueller Erfahrig/[[Intuition]] beschtande, "dem Willen Gottes anvertraut".

Im Jahr 1144 isch in dr [[Abtei]] St. Denis in Frankriich in Gegewart vom König die erscht grösseri gotischi Kathedrale [[Basilika Saint-Denis]] gweiht worde. In dr Folg sind viili Meischterwärk entschtande, nur z.B. dr [[Kölner Dom]], [[Notre Dame]] in Paris oder dr [[Mailänder Dom]].

==Literatur==
* ''dtv-Atlas zur Baukunst'', Band 1
* K. Schib et al.: ''Weltgeschichte vom Mittelalter bis zur Frühneuzeit''

[[Kategorie:Chille]]
[[Kategorie:Bauwerk]]
[[Kategorie:Christetum]]