Revision 16668 of "أمين التيفراتين" on arywiki

{{معلومات شخص}}

'''أمين التيفراتين''' (بلأمازيغية: ⴰⵎⵉⵏ ⵜⵉⴼⵔⴰⵜⵉⵏ - تولد ف 30 ماي 1981 ف [[فاس]]) هو إحصائي وويكيپيدي مغريبي وواحد من لمؤسسين د ويكيپيديا بالدارجة ومن الناس اللي حطًوا لقواعد ديالها وكتبو فيها بزاف د لمقالات.

==حياتو==
تولد أمين التفراتين ففاس ف 30 ماي 1981 وهو المتوسط مابين ختو لكبيرة وختو الصغيرة. عاش اللول د الصغر ديالو مابين فاس ومكناس (اللي هي لمدينة د واليديه). ف 1992، رحل 
مع دارهم لطنجة وتما فين كبر. قرا أمين لإعدادي والثانوي سيونس ماط فطنجة، وموراها دار لأقسام التحضيرية (لپريپا) ودخل بيها لمعهد الإحصاء والاقتصاد التطبيقي فالرباط (INSEA)، اللي تخرًج منًو مهندس دولة فلإحصاء ف 2004.

من بعد ماتخرًج، خدم أمين بين 2004 و 2006 ف الإدارة العامة للضرائب، اللي استاقل منها ومشا للبنك المغربي للتجارة الخارجية (BMCE) ف"القيادة الإحصائية". ف 2008 بدًل للقرض الفلاحي، اللي بقا فيه 6 سنين، تال 2014، فين أسس مكتب دراسات إحصائية ديالو: إيپًيستيم - Episteme<ref>[https://episteme.ma/ar/%d9%85%d9%86-%d9%86%d8%ad%d9%86%d8%9f/ لمكتب د لإحصائيات - إيپًيستيم]</ref>  ، اللي تيدير فيه داراسات إحصائية على بزاف د لمواضيع، منها لكورة فلمغريب<ref>[https://ledesk.ma/arabia/%D8%A7%D9%84%D9%85%D8%BA%D8%B1%D8%A8%D8%8C-%D8%A3%D9%88%D9%84-%D9%85%D8%B3%D8%AA%D9%88%D8%B1%D8%AF-%D9%81%D9%8A-%D8%A7%D9%84%D9%82%D8%A7%D8%B1%D8%A9-%D9%84%D9%86%D8%AE%D8%A8%D8%AA%D9%87-%D8%A7%D9%84/ المغرب، أول “مستورد” في القارة لنخبته الكروية]</ref>.

دخل أمين للعالم د ويكيپيديا ف 2011، وخدم فاللول فويكپبيديا بلعربية، اللي كتب فيها على بزاف د لمواضيع اللي عندها علاقة بلمغريب والتاريخ والرياضيات ولإحصاء، ودار خبرة كبيرة فلموسوعة. ف 2019، دخل كعضو ل[[ويكيميديا لمغريب]]، فين ولاُ تيخدم كثر على مشاريع ميديانية فلمغريب، بحال لورشات التكوينية. هو من لمؤسسين د ويكيپيديا بالدارجة، ومن الناس اللي حطًو لقواعد ديالها.

أمين التفراتين مجوج من 2008 وعندو بنت سميتها راضية، خلاقت ف 2013.

== لمصادر ==
{{مراجع}}

[[تصنيف:ويكيميديين مغاربة]]
[[تصنيف:بيوغرافيا د رجال]]