Revision 719729 of "Guerra fría" on astwiki

{{1000}}
[[Archivu:Cold War Map 1959.svg|thumb|300px|Mapa del mundu na Guerra Fría en 1959, en tonos bermeyos la [[URSS]] y los sos aliaos [[comunismu|comunistes]], y nos tonos d'azul y verdosu la [[OTAN]] y los sos aliaos [[capitalismu|capitalistes]].]]

Denómase '''Guerra Fría''' al enfrentamientu ideolóxicu que tuvo llugar mientres el [[sieglu XX]], dende [[1945]] (fin de la [[Segunda Guerra Mundial]]) hasta'l fin de la [[URSS]] (qu'asocedió ente [[1989]] cola [[cayida de la muria de Berlín]] y [[1991]] col [[golpe d'Estáu]] na [[URSS]]), ente los bloques [[Hestoria del capitalismu|occidental-capitalista]] llideráu por [[Estaos Xuníos]], y [[Hestoria del comunismu|oriental-comunista]] llideráu pola [[Unión Soviética]].

Esti enfrentamientu tuvo llugar a los niveles [[políticu]], [[ideoloxía|ideolóxicu]], [[Economía|económicu]], [[Socioloxía|social]], [[Teunoloxía|tecnolóxicu]], [[Exércitu|militar]], [[Mediu de comunicación de mases|informativu]] ya inclusive [[Deporte|deportivu]].

Dengún de los dos bloques tomó nunca aiciones direutes escontra l'otru, razón pola que se denominó al conflictu "guerra fría".

Estes dos potencies llimitáronse a actuar como «exes» influyentes de poder nel contestu internacional y a la cooperación económico y militar colos países aliaos o satélites d'unu de los bloques escontra los del otru.

Magar qu'estos enfrentamientos nun llegaron a desencadenar una [[guerra mundial]], la entidá y la gravedá de los conflictos económicos, políticos ya ideolóxicos, que se comprometieron, marcaron significativamente gran parte de la [[hestoria]] de la segunda metada del [[sieglu XX]]. Les dos superpotencies braeramente deseaben afitar el so modelu de [[gobiernu]] en tol [[planeta]].

Les llendes temporales del enfrentamientu allúguense ente [[1945]] y [[1947]] (fin de la [[Segunda Guerra Mundial]] y fin de la posguerra, respeutivamente) hasta [[1985]] (entamu de la [[Perestroika]]) y [[1991]] (disolución de la [[Xunión Soviética]]).

[[Categoría:Guerra fría| ]]