'''ایکینجی شاه اسماعیل''' صوفیه شاهی (دوغی 943 ه.ق (1537 میلادی مه ین 28ی)) (باتی ۲۵ نوامبر ۱۵۷۷ میلادی (۹۸۴ ه ق)) صفویه نین اوچونجی شاهی تکجه ایل یاریم شاه اولدی .1576 دان 1577 جان شاه اولدی .
== شاه و قیزیل باشلار ==
شاه اسماعیل حکومته یتیشندن سورا قیزیل باشلارین خانلارین وباشچیلارین ایشدن سالدی و اولارین یرینه جوان و تازا باشچیلار سئچدی و یوزباشیلاری و مین باشیلاری جوان و اوز آداملاریندان ائتدی کی بونا گوره قیزیل باشلار و خانلار شاه اسماعیلی سومه دیلر واونون ضدینه چالیشدیلار .شاه اسماعیل حکومته یتیشندن سورا بوتون شاه اوغلانلارین وقیزلارین ئولدوردی ویا تبعید ائتدی وحکومتی ساخلاماق اونا چوخ مهمیدی واوزمقامیندان قورخاردی شاه اسماعیل اونون باجی سی پریخان خانیم کی تبعید اولموشدی شاهین دوشمانی اولدی .
== شاه و سنی مذهبلر ==
شاه قیزیل باشلارین قورخوسوندان کی هامی سی شیعه مسلکیدی سنی لری عزیزلدی و سنی عالملرین مقامه یتیردی و عمره یامان دئماقی حرام بولدی و شاه طهماسب قیزیلباشلارین قورخوسوندان سنیلره قدرت وئردی و آتاسی شاه طهماسبین آداملارین وخانلارین ایشدن سالدی و آتاسینین سیاستین چوندریب ومملکتده باشسیز و کوک سوز آداملاری ایش اوسته گتدی چون آتاسینین سیاستیندن آجیغی گلیردی .
== شاه اسماعیل وآتاسی ==
شاه طهماسب اوغلی شاه اسماعیلی بی لیاقت بولوب و اونا هئچ ایش وئرمه دی اونون آتاسی اسماعیلی هرات دا خان ائتدی امما شاه اسماعیل هراتدا قزیلباشلار آراسیندا وروشما سالدی واونا گوره اونی هرات حکومتیندن گوتوردی . سوندا کی القاص بیمیرزا شیرواندا خیان ائتدی و عثمانلی لار قوشونون آزربایجانا گتدی عثمانلی لار وروشماسینا یوللادی امما شاه اسماعیل شکست یدی و تبریزی الدن وئردی شاه طهماسب عثمانی لرینن باریشاندان سورا شاه اسماعیلی شیروان خانی ائتدی امما شیرواندا عثمانلی لار اونی شکست وئردیلر و یاخچی حکومت ساخلیا بولمه دی اونا گوره آتاسی اونی بی کفایت بولدی وقهقهه کایاسیندا 20 ایل زنداندا قالدی او قیزیل باشلاری بو ایشده خائن بولردی و شاه اولاندان سورا قیزیل باشلاری بیربه بیر ایشدن سالدی و مملکتی خام آداملارا و کوکسوز آداملارا وئردی .
== شاهین ئولدورلمه سی ==
شاهی باجی سی پریخان خانیم ئولدوتدوردی .او کی شاهین بی لیاقتلیقین گوردی قیزیلباشلاری اونون ئولدورماقا تشویق ائتدی و قیزیل باشلار شاهی ئولدوردولر .و قزوین امامزاداسیندا قورلادیلار .
== شاهین یرین توتانلار ==
شاه اسماعیل اولندن سورا اونون کور اوغلون کی محمدخدابنده آدی واریدی شیرازدان قزوینه گتدیلر و قیزیلباشلار اونی شاه ائتدیلر امما نچه نفر یالانچی اوزلرین شاه اسماعیل بولدوردولر کی شاه لیق ائتسینلر امما آخیرده قیزیل باشلار محمدخدابنده نی شاه ائتدیلر.
[[Category:wp/azb]]
This site is not affiliated with or endorsed in any way by the Wikimedia Foundation or any of its affiliates. In fact, we fucking despise them.
|
