Revision 32734 of "من آرازین آدی‌لان" on azwikisource

{{Başlıq
| başlıq             = من آرازین آدی‌لان
| müəllif            = 
| keçidsiz müəllif   = [[Müəllif:بولود قاراچورلو|بولود قاراچورلو]]
| tərcüməçi          = 
| keçidsiz tərcüməçi = 
| bölmə              = 
| əvvəlki            = 
| növbəti            = 
| il                 = 
| qeydlər            = 
| vikipediya_keçidi  = 
| vikisitat_keçidi   = 
| commons_keçidi     = 
}}{{لاتین|Mən Arazın Adıylan}}
{{ساغدان}}
من آرازین آدی‌لان چوخ زامان‌دیر تانیشام

ان کیچیک یاشلاریم‌دان اونو روانلامیشام


قوجا بابام نه واقت‌کن بوغازیم آغرییاردی

آراز کئچمیشم دییه بوغازیمی سیغاردی


سوروشاردیم آی بابا آراز نه دیر کئچمیسن

نه کیمی شئی‌دیر او کی سویون‌دان دا ایچمیسن؟


سوالیمدان بابامین یاشالاردی گؤزلری

اوزونون چین‌لرینده گیزله‌نه‌ردی کدری


اوزومه مأیوس مأیوس  باخیب دئمه‌زدی بیر سؤز

گؤرردیم آنجاق اولوب  اونون توک‌لری بیز بیز


سونرا دا قارداشیمین  آدین قویدولار آراز

لاکین اؤندا دا منه آیدینلاشمادی بو راز


آنجاق آراز بئشیکده  یاتیب ییرغانان زامان

بؤ سؤزلری دینلردیم  آنامین لایلاسیندان


آرازی آییردی‌لار  قوم‌ایلن دویوردولار

من سندن آیریلمازدیم  ظولمولن آییردیلار.

[[Kateqoriya:Bulud Qaraçorlu]]
[[Kateqoriya:Ərəb əlifbalı yazılar]]