Revision 346483 of "Wikipedia:Archiv/Gaude/Einwohna" on barwiki

{{Vorlage:Dialekt-oben|Westmittlboarisch|Obaboarisch}}

==Wiaso und Warum überhaupt´s==
so ham a moi zwoa Bergbauern gsogt, wies grod so über´d Alm grennt san und auf oa moi a Hütt´n gseng ham. Da hod da Franz plead: Ein Dorf, da Xver bloss: wo? und da Franz: Na is doch blos a Hütt´n. So hot ma damals scho in de Berg s Wort erfund´n für des wo ma sogt wenn ohne wo wohnt. I moan wenn bloss oana irgendwo wohna duad. Oiso wennst jetz du, sogn ma moi, am Stachus wohna dad´st, dann warst a Einwohna vom Stachus, host mi? Des is oiso nachad a Einwohna

==Wo find i jetz an Einwohna? ==
Oiso wennst aussa gehst bei da Stub´n, zua Düa naus, dann rechts an Berg oba, oiso wennst do bist, dann kannst scho a boar seng. Vui vo dene Einwohna, wenns a moi drauss´n san, wern ganz komisch und 
giftig sans nachad meistens a. Z seng a typisch Bayerisch´s Dorf in Oberbayern, wo wen ma Glück hod, a boar Einwohna zum seng san. Sans ned do, so hockans im [[Bierzelt]], dann muasst hiod do nei schaugn, wenns´t jetza wirklich undbedingt an Einwohna seng mechst.

==Wia schaugt a so oana eigentlich aus?==
[[Bild:Goasslschnalzer_in_Tracht.jpg|thumb| a typischer Einwohna]]
ja, des is a guade frog, oiso ausschaugn deans eigentlich wias meng. Soiddens zwar net, aber de deans hoit einfach a so. Oiso des ko ma wirklich ganz schlecht sogn, wia a so a typischer Einwohna ausschaugt. Bei uns da rennans olle a so rum. Woanders wieda ned, do schaugns dann glei ganz anders aus. Ma ko a sogn, das olle richtig vaschiedn san. Oiso bunt gemischt sozusagen. Bis auf so kloane Deafa, do ko´s da scho  amoi bassiern, das de hoibade Ortschaft ausschaugt wia da Pfarra.

==Wo kemmans her?==
[[Bild:Aying_bayern_karte.png|thumb|100px|Des is bayern und da Punkt is Brunndhoi]]
Oiso de Einwohna, de scho länger do san, de warn scho oiwei do und keman a mit ziemlicher Sicherheit vo do, weil sonst warn´s ja ned do. sondern wo ganz wo anders. Und da Rest, der kimmt bei uns Bayern 
zum Beispui, vo de Preiss´n. Weil do bei uns hot ma des ganz einfach gmacht, ab da Grenz san ois 
Preiss´. Kimmt jetza zum Beispui a Chines an Marienplotz, dann is des a Saupreiss a Japanischer aber kenna duad er ja a nix dafür, weil er is hoit a moi a Einwohna von die Chinesen do in Japan.

== Sann´s g´fährlich?==

* Na überhaupt´s ned!
* Spinnan bloss olle a weng
* Aba nix wos ma ned wieda richt´n kannt
* aussa wennst eana zvui Bier gibst, dann drahns durch

[[Kategorie:Geographie]]

[[eo:Loĝantaro]]