Revision 1641088 of "Вэлком" on bewiki

{{Кампанія 
|Назва = ЗПУП "Вэлком"
|Лагатып = [[Выява:Velcom.png|200px|center|Лагатып velcom™]]
----
[[Выява:Logo privet.gif|center|Лагатып PRIVET™]]
|Тып = Унітарнае прадпрыемства
|Лістынг на біржы = 
|Дзейнасць = 
|Дэвіз = І заўтра будзе тваім
|Заснавана = 1999
|Дата=16 красавіка
|Ранейшыя назвы = "Мабільная Лічбавая Сувязь"
|Заснавальнікі = 
|Размяшчэнне = [[Беларусь]]
|Ключавыя фігуры = 
|Галіна = Паслугі сотавай сувязі
|Сайт = [http://www.velcom.by/be/home www.velcom.by]
}}
Замежнае прыватнае ўнітарнае прадпрыемства па аказанні паслуг "Вэлком" (гандлёвыя маркі velcom™ і PRIVET™) з'яўляецца першым аператарам сотавай сувязі стандарту GSM і другі па колькасці абанентаў у Беларусі. З'яўляецца афіцыйным прадстаўніком аператара спадарожнікавай сувязі Globalstar у Рэспубліцы Беларусь. Падае паслугі сувязі стандарту [[GSM|GSM 900/1800]], [[UMTS]] ([[WCDMA]]/[[HSDPA]]/[[HSUPA]]/[[HSPA+]]) і высокахуткасны Інтэрнэт EV-DO (супрацоўніцтва разам з кампаніяй [[БелСел]]).

== Гісторыя ==

Кампанія пачала ажыццяўляць камерцыйную дзейнасць [[16 красавіка]] [[1999]] года пад назвай «Мабільная лічбавая сувязь» і стала першай сотавым аператарам стандарту [[GSM]] у Беларусі (першы аператар сотавай сувязі стандарту [[NMT]] у Беларусі - [[БелСел]]) 
У красавіку [[1999]] года сотавая сувязь ад "МЛС" пачала дзейнічаць у Мінску, міжнароднага аэрапорта "Мінск-2" і дарогі ў аэрапорт. Тады ў распараджэнні кампаніі было ўсяго 10 базавых станцый. 

У пачатку [[2002]] года сотавая сувязь ад "МЛС" працавала ў каля 44 населеным пункце і абслугоўвала 120 тысяч абанентаў. У пачатку 2003 - больш за 70 населеных пунктаў (87% гарадскога насельніцтва) былі пакрытыя сеткай velcom. 

З ліпеня [[2003]] года ў камерцыйную эксплуатацыю ўведзена тэхналогія GPRS. 27 кастрычніка [[2004]] года кампанія падключыла мільённага абанента. 30 сакавіка [[2006]] года кампанія пачала теставую эксплуатацыю сеткі [[3G]]. 

Да студзеня [[2005]] году 69,9% акцый кампаніі належыла кіпрскай фірме Samauwi Brothers Telecom (SB Telecom Ltd.), беларускай кампаніі «Белтэхэкспарт» — 30%, РУП «Белтэлекаму» — 0,1%. У студзені [[2005]] году размеркаванне акцый змянілася: SB Telecom валодаў 49%, дзяржава — 30,9%, «Белтэлекам» — 0,1%, «Белтэхэкспарт» — 20%. У красавіку [[2007]] кіпрская кампанія «SB Telecom» выкупіла 100 % акцый прадпрыемства за $556 мільёнаў.

[[3 кастрычніка]] [[2007]] года аўстрыйская кампанія "Telekom Austria Group" купіла ў «SB Telecom» 70 адсоткаў акцый прадпрыемства за 702 мільёнаў эўра (1 млрд. долараў).

[[Выява:Velcom old.gif|thumb|right|Лагатып кампаніі з 1999 па 2008]]
У мае 2008 года кампания правяла [[рэбрэндынг]], змяніўшы лагатып і назву (з "Мабільная Лічбавая Сувязь" на "Вэлком").

== Статыстыка ==
На [[1 красавіка]] [[2009]] года паслугамі кампаніі карыстаюцца больш за 3 762 000 абанентаў. Зона дзеяння сеткі velcom ахапляе больш 88% тэрыторыі краіны, на якой пражывае звыш 96% насельніцтва Беларусі (100% гарадскіх жыхароў).
 
Сувязь velcom забяспечваюць 27 223 прыёмаперадатчыкаў, устаноўленых у 1 296 населеных пунктах па ўсёй рэспубліцы, у сетцы працуе 3 078 базавая станцыя, а таксама восем камутатараў: тры ў Мінску і па адным у кожным абласным цэнтры.

Роўмінгавыя пагадненні ў кампаніі velcom сёння заключаны з 362 аператарамi ў 159 краінах свету. Гэта самая вялікая колькасць роўмінгавых партнёраў сярод беларускіх аператараў сотавай сувязі. 
Колькасць партнераў velcom па GPRS-роўмінгу налічвае 138 аператараў ў 60 краінах.
Абаненты PRIVET маюць магчымасць карыстацца роўмінгам для ўваходных званкоў у сетках 362 аператараў у 159 краінах свету, а роўмінгам для выходных званкоў у сетках 47 аператараў у 35 краінах свету. 
Velcom размяшчае ўласнай сеткай фірмовых цэнтраў продажаў і абслугоўвання, якая складаецца з 60 офісаў у 28 гарадах Беларусі. Дылерская сетка - 645 салонаў у 154 населеных пунктах. ЗП "Вэлком" забяспечыла больш за 1100 рабочых месцаў і садзейнічала з'яўленню яшчэ больш чым 3000 вакансій па ўсёй краіне.

== Нумар абанента velcom ==

+375-29-1**-**-**

+375-29-3**-**-**

+375-29-6**-**-**

+375-29-9**-**-** (нумар абанента PRIVET)

+375-44-4**-**-** (нумар абанента PRIVET)

+375-44-5**-**-** (нумар абанента ТП "Усе на velcom" і абанента высокахуткаснага Інтэрнэту)

+375-44-7**-**-**

==Спасылкі ==
* [http://www.velcom.by/by/ Афіцыйны сайт кампаніі]
* [http://www.privet.by PRIVET]
* [http://www.letozovet.by Прома-сайт летніх канцэртаў і тарыфа "Лета кліча"]
* [http://www.vsenavelcom.by Прома-сайт летніх канцэртаў і тарыфа "Усе на вэлком"]
* [http://www.telekomaustria.com/ Telekom Austria Group]

{{Сотавая сувязь у Беларусі}}

[[Катэгорыя:Аператары мабільнай сувязі Беларусі]]