Difference between revisions 23122 and 75171 on bewikisource

< previous diff
next diff >
Пахаваньне
{{Загаловак
 | назва     = Пахаваньне
 | аўтар     = Янка Купала
 | сэкцыя    = Верш
 | папярэдні = 
 | наступны  = 
 | крыніца   = http://rv-blr.com/vershu/view/31573
}}

<poem>
Пахаваў я сярод злому
      Ў пушчы песьню аб шчасьці —
Так глыбока, скуль нікому
      І ніколі ня ўкрасьці.

А каб хто аб гэтай справе
      Не сказаў дрэнным сказам, —
Хаўтуры-памінкі справіў
      З пушчай, з ночкаю разам.

Быў і вецер на магіле
      На абрадку бядачым,
І русалкі не забылі -
      Шчырым плакалі плачам.

А цяпер адно паставіць
      Толькі памятку важну,
Каб нябожчыцу праславіць,
      Каб праславіць, як княжну.

Хай прыходзіць ка мне тая
      Чараўніца-дзяўчына,
Празь якую так спраўляў я
      Гэты сховы-ўспаміны,

І з грудзей маіх гарачых
      Няхай выдзярэ сэрца,
Ды на трох нажах стаячых
      Хай нясе і сьмяецца.

Як паложыць на магіле,
      Дзе аб шчасьці сьпіць песьня,
Само сэрца ў той жа хвілі
      Загарыцца, ускрэсьне.

І гарэці вечна будзе
      На тым схове-пасадзе,
І дадуцца дзіву людзі,
      Як кахаў я папраўдзе!

(''1915'')
</poem>

[[Катэгорыя:Спадчына#REDIRECT [[Спадчына (1922)/IV/Пахаваньне]]