Difference between revisions 13766 and 13767 on blkwiki

< previous diff
next diff >
၁၃၃၉-ဗာႏ ဒဲဥ်သီႏလာဗွေ မွူးနီꩻခွိုꩻပအို၀်ႏ (၂)
၁၃၃၉-ဗာႏ၊ ဒဲဥ်သီႏဗွေ နောင်ယာသုဲင်ꩻ (၂)

နီသံႏဃာႏ ကထီႏလွဥ်ဒါႏ အချက်(၄)ချက်အကိုန၀်ꩻ လိတ်တဲမ်းသား ကရိုꩻန၀်ꩻ မဥ်ႏလွိုက်လွဥ်စွဥ်ႏ နီပွယ်ꩻကိုလဲင်ႏခါတဲ့ လိတ်တဲမ်းသား အီႏပါသော့ꩻမား ခွုင်းမုဲင်ꩻပါꩻ၊ အ၀်ႏမားကားမုဲင်ꩻပါꩻ၊ မဥ်ႏထွာ နီတကာႏလိုꩻလမ်းတဲ့ အီႏတဲမ်းနွောင်ꩻမား ကားမုဲင်ꩻဖြာꩻနေးန၀်ꩻတဲ့ အီႏလွိုက်သမ်းတသူႏသေတ၀်း၊ ကွပ်ပွိုးန၀်ꩻမꩻ အ၀်ႏပွယ်ꩻကိုယို မဥ်ႏထွူန၀်ꩻန၀်ꩻ ပထမကဏ္ဍအရေꩻန၀်ꩻ မဥ်ႏအောင်ႏမျင်ႏသွူ လဲင်ႏခါတဲင်တွော့ꩻ နီသံႏဃာႏကိုန၀်ꩻန၀်ꩻ ဂွိုင်ꩻအ၀်ႏပငါပရာꩻ၊ ဂွိုင်ꩻအ၀်ႏပငါပရာꩻတွော့ꩻ ဂွိုင်ꩻချုပ်အ၀်ႏ၊ ဂွိုင်ꩻအုပ်အ၀်ႏ၊ ဂွိုင်ꩻထောက်အ၀်ႏ ။
အ၀်ႏန၀်ꩻထွူတွော့ꩻ အ၀်ႏအွိုးဗဟိုႏ၊ ဥပမာႏခန်း နီသွဥ်းသီး ပထမကျောင်ꩻတန် တဲမ်းသဲင်ꩻလိတ် ဂွိုင်ꩻချုပ်ထျꩻတရိုꩻတ၀်း၊ ဂွိုင်ꩻအုပ်ထျꩻတရိုꩻတ၀်း၊ ဂွိုင်ꩻထောက်ထျꩻတရိုꩻတ၀်း တဲမ်းသဲင်ꩻခန်းလိတ်တွော့ꩻ ကွီသဲင်ꩻခန်း - နီဗွေႏသီးနယ်ႏကို၊ နီဗွေႏသီး ဧရိယာႏကိုန၀်ꩻ စိမ်စွဥ်ႏလိုꩻကျောင်ꩻတရိုꩻတ၀်း၊ စိမ်စွဥ်ႏ ပုဂ္ဂိုလ်ႏလိုꩻလမ်းတရိုꩻတ၀်း ကအီႏတဲမ်းနွောင်ꩻလိတ်၊ ကအီႏထေနွောင်ꩻလိတ်၊ ကအီႏထုတ်နွောင်ꩻလိတ် ပုဂ္ဓိုလ်ႏန၀်ꩻန၀်ꩻ တွမ်ႏအမဥ်ꩻ၊ တွမ်ႏအသက်၊ တွမ်ႏအထာꩻမာꩻ၊ တွမ်ႏအရပ်ရာႏဒေႏသ၊ ဌာႏနစုံႏစုံႏလင်ႏလင်ႏ ယံဖေႏနေးကပသာထင်ႏဗာႏ နီသွဥ်းသီး ဗဟိုႏဌာႏနယို ဗွေႏသြ - လ၀်းသဲင်ꩻနုဲင်းန၀်ꩻ ။
မဥ်ႏလ၀်းသဲင်ꩻနုဲင်းန၀်ꩻလဲင်ႏခါ ဆဲင်ႏရာꩻဒေႏသ ပငါပရာꩻန၀်ꩻ မဲ့ꩻအီႏဖေႏထင်ႏ တဲမ်းလိတ်ဆရာႏဖုံႏ၊ မဥ်ႏဖေႏထင်ႏစာႏရင်ꩻ နုဲင်းန၀်ꩻလဲင်ႏခါ ကထွာဒါႏ ၀ွေꩻဗွေႏသီး  ပထမကဏ္ဍကို ကပါဒါႏ ပုဂ္ဂိုလ်ႏလိုꩻတန်ဖုံႏန၀်ꩻ မဲ့ꩻအီႏဖစ်ပင်ꩻယင်းတလဲင်ႏ၊ ဖစ်ပင်ꩻထင်ႏထွူ လိတ်တဲမ်းသားဖုံႏန၀်ꩻတဲင်တွော့ꩻ ထင်ႏစုခန်း၊ ဥပမာႏခန်း- ဌာႏနတထွောင်းထွောင်း၊ ဥပမာႏခန်း- အွဥ်ႏဒေါ့ꩻယိုꩻယိုꩻ နုဲင်းနီသွဥ်းသီး ကျောင်ꩻတန်။
စိန်ႏဖျော်သွူနုဲင်းန၀်ꩻတဲင်တွော့ꩻ နီဗွေႏသီးန၀်ꩻ ပုထုဇဥ်ႏက မွေးနီႏ၊ စိန်ႏပုထုဇဥ်ႏနုဲင်းန၀်ꩻတဲင်တွော့ꩻ ထာꩻမာꩻန၀်ꩻ ၀င်ꩻမဥ်ႏတအပ်တ၀်း တဲးတဲး၀ါး၀ါး၊ ၀င်ꩻအသိအမှတ် မဥ်ႏတပျုတ၀်း၊ ၀င်ꩻမဥ်ႏထွဥ်ႏဖွီတဲ့ အကုဲင်းမာꩻဖွီဒါႏထာꩻ၊ ကွပ်ပွိုးန၀်ꩻမꩻ ၀ွေꩻဗွေႏသီးန၀်ꩻ ဖေႏနေးကတွမ်ႏမာꩻဖွီမွုန်းထာꩻ၊ ဖေႏနေးအထီကထွူႏ အစွူႏကအ၀်ႏတဲင်တွော့ꩻ ကေားကထွာဒါႏ ၀ွေꩻဗွေႏသီး နာယကလိုꩻတန်ဖုံႏ၊ ပထမဥက္ကဋ္ဌ၊ ဒုတိယဥက္ကဋ္ဌ၊ ကျောင်ꩻနင်းပုဂ္ဂိုလ်ႏဖုံႏန၀်ꩻ နေးနေးစေးလာႏပေႏတရိုꩻတ၀်း၊ လိတ်မတ်ပေႏတရိုꩻတ၀်းတဲင်တွော့ꩻ ဥပမာႏခန်း- လိတ်တဲမ်းသား အ၀်ႏ(၁၅၀)ဒေါ့ꩻခန်းနုဲင်းန၀်ꩻ ။
ဟန်ႏနီꩻ နီသွဥ်းသီး ကဟဲ့ꩻထင်ႏဗာႏ နီဗွေႏသီးန၀်ꩻ နီသွဥ်းသီး အီႏအပ်ထာꩻမာꩻ၊ နီသွဥ်းသီး အသိအမှတ်ပျု- အီႏပျုနီဗွေႏသီး၊ တယ်ႏစွဥ်ႏဟန်ႏနီꩻမာꩻတငါ နီဗွေႏသီး အပါꩻ (`၁၅၀)ယိုန၀်ꩻ နီပအို၀်ႏအမျိုꩻသာꩻခကီ ဖေႏနေးကတိုꩻတက်၊ လိတ်လုဲင်ꩻဖဲ့ꩻတရိုꩻတ၀်း၊ စိမ်စွဥ်ႏ ဘာႏသာႏရေꩻ၊ သာႏသာနာႏရေꩻ တရိုꩻတ၀်း အ၀်ႏနီဗွေႏသီးစူကို၊ နီဗွေႏသီးဖေႏနေးကဆောင်ႏရွက်လွေꩻဗာႏ  ဖေႏတာႏ၀ွန်ႏတဲ့မွေးမွေး၊ မျောက်ဖေႏ အဘုံꩻအကံႏတဲ့မွေးမွေး၊ န၀်ꩻမꩻ ဒင်ႏဖေႏ အကျက်သရေႏတဲ့မွေးမွေးတဲင် ထွိုင်ႏကပ်ခန်း အွို အသိအမှတ်ပျုလွှာ မန်းကရိုꩻန၀်ꩻ၊ ထွိုင်ႏကပ်ခန်းနေးန၀်ꩻတပါꩻတစောင်ႏတစောင်ႏတဲင် အမဥ်ႏလꩻသဲင်ꩻသွူနုဲင်းန၀်ꩻပေႏန၀်ꩻ အွိုး အဗွေႏနမ်းသူꩻတဲ့ အသꩻထွာအီနုဲင်းမုဲင်ꩻပေႏတဲင် -
အား - နီယိုန၀်ꩻ လိုꩻတန်ဖုံႏ၊ သံႏဃာႏဖုံႏ အသိအမှတ်ပျု လဲဥ်းသွူ၊ နီယို တဲမ်းလိတ်ဆရာႏ-တဲ့ တဲႏဟန်ႏနီꩻမာꩻတငါ ခွေအုံဖွီထာꩻ၊ အ၀်ႏဖွီထာꩻ ထွာတ၀်းဒွုမ်။ နီအမျိုꩻသာꩻ ဖေႏနေးကတိုꩻတက်၊ ဖေႏနေးကထင်ႏထို၊ နီလိတ်လုဲင်ꩻ ဖေႏနေးကထင်ႏထို၊ ပွိုင်း၀ွို့န၀်ꩻန၀်ꩻ ခွေတာႏ၀ွန်ႏအ၀်ႏလဲဥ်းသွူမွော့-  သꩻန၀်ꩻ ပရူးအီႏထွာလွဥ်နုဲင်းန၀်ꩻ။
စိန်ႏထွာလွဥ်သွူနုဲင်းန၀်ꩻတဲင်တွော့ꩻ ကားတဲင် လိတ်တဲမ်းဆရာႏန၀်ꩻလဲင်ႏခါ တွိုင်ႏပင်ႏယင်းလို့၀င်ꩻ၊ တွိုင်ႏပင်ႏ၀င်ꩻ နုဲင်းမုဲင်ꩻနဲးတဲင် - အား ယိုလဲင်ႏခါ နီလိတ်ဖတ်သား ပရိသတ်န၀်ꩻန၀်ꩻ လိုꩻပေႏပေႏတဲ့ အ၀်ႏတရန်း၊ န၀်ꩻမꩻ မူႏနမ်ꩻခိုဗင်ႏယွဲး လိုꩻတလောင်ꩻတဲ့ အ၀်ႏတရန်း၊ န၀်ꩻမꩻ ပိုဖါ စီꩻပွာꩻရေꩻသား ကတောႏလမ်းတောႏပါႏစ ကလွူးနမ်းမွေးသက်သားတဲ့ အ၀်ႏတရန်း၊ န၀်ꩻမꩻ ပုဂ္ဂိုလ်ႏလိုꩻကျောင်ꩻဖုံႏတွမ်ႏ မော်ဖုံႏ လိုꩻဖြားဖုံႏန၀်ꩻတဲ့ အ၀်ႏတရန်း၊ တိန်ႏအ၀်ႏနုဲင်းန၀်ꩻတဲင်တွော့ꩻ လိုꩻပေႏတဲ့ လိုꩻပေႏလိတ်မꩻ၊ လိုꩻတလောင်ꩻတဲ့ လိုꩻတလောင်ꩻလိတ်မꩻ၊ လိုꩻဖြားတဲ့ လိုꩻဖြားလိတ်မꩻ၊ လိုꩻဖြားလိတ်န၀်ꩻ လိုꩻပေႏအမျိုꩻသꩻ၀င်ႏစာꩻ မွေးတ၀်း၊ န၀်ꩻမꩻ လိုꩻပေႏလိတ်တဲ့ လိုꩻဖြားသꩻမျိုꩻ၀င်ႏစာꩻမွေးတ၀်း ။
ကွပ်ပွိုးန၀်ꩻမꩻတဲင် လိုꩻအဆင်ႏအရန်း ပငါပရာꩻန၀်ꩻ အ၀်ႏလိုႏဗွူႏဒျာႏ အဆာႏပငါပရာꩻ၊ အ၀်ႏလိုႏဖေႏဒျာႏ အလိတ်ပငါပရာꩻ၊ ကွပ်ပွိုးန၀်ꩻမꩻတဲင် နီသွဥ်းသီး လိတ်တဲမ်းသားအစွိုꩻကိုယိုန၀်ꩻ ပတ်သဲတ်တွမ်ႏ လိုꩻပေႏလိတ်လုဲင်ꩻန၀်ꩻ ပါꩻမုဲင်ꩻ အီႏထူႏတာႏ၀ွန်ႏ၊ ပတ်သဲတ်တွမ်ႏ လိုꩻယွဲးလိတ်လုဲင်ꩻယိုန၀်ꩻ ပါꩻမုဲင်ꩻအီႏထူႏတာႏ၀ွန်ႏ၊ ပတ်သဲတ်တွမ်ႏလိုꩻကျောင်ꩻလိုꩻလမ်း စီꩻပွာꩻရေꩻကိစ္စ၊ လိုꩻလမ်းစီꩻပွာꩻရေꩻကိစ္စဖုံႏန၀်ꩻ ပါꩻမုဲင်ꩻအီႏတဲမ်းနွောင်ꩻ၊ ပတ်သဲတ်တွမ်ႏ လိုꩻကျောင်ꩻလိုꩻလမ်း မော်ဖုံႏတရာꩻပဲင်ꩻဆဲင်ႏရာꩻယိုန၀်ꩻ တမုဲင်ꩻအီႏထူႏတာႏ၀ွန်ႏ ။

( 20 - 9 - 2021 ) ဗွေႏမဟိန္ဒ - ဇ၀နာရာမလိတ်သွဥ်တွိုက်၊ ဝေင်ꩻသထုင်ႏပေႏသီႏသဲင်ႏ ။⏎
⏎
⏎
⏎
<ref>ဒဲဥ်သီႏလက်ဆောင်ႏလိတ်စောင်ႏ</ref>⏎
⏎
<ref>သံႏဃာႏနမ်းခြောင်ꩻတင် တိတ်ခွေႏဟော်ꩻတရာꩻကို</ref>
===အာႏကွိုꩻ===
<references>⏎
⏎