Difference between revisions 13825 and 13826 on blkwiki

< previous diff
next diff >
၄၁-လဲင်ႏလꩻ
'''"(၄၄)လဲင်ႏလꩻ မွူးနီꩻအာႏဇာႏနီႏနီꩻ"'''
ပအိုဝ်ႏစွိုးခွိုꩻအစွိုꩻ (P.N.O)စွိုးခွိုꩻခေါင်းဆောင်တန် ဖြားဗွာလှဖေနောဝ်ꩻ အောဝ်ႏထိန်းထံႏ ခမ်းထီတွမ်ႏလိုꩻမျိုꩻထာꩻမာꩻတွင်ꩻ နေင်ႏ ၁၃၃၇-ဗာႏ၊ လာတောႏလင်ꩻလောင်း(၅)နီꩻ မွူးရောဝ်ꩻခိုႏ (၁း၃၀)နားရီႏအခိန်ႏ နေးတွမ်ႏလိုꩻဖြားရောႏဂါႏတဲင် သက်(၆၆)နေင်ႏကို အနိစ္စခန္ဓာႏပြောင်ꩻထိုꩻနောဝ်ꩻသွူ။
စွိုးခွိုꩻခေါင်းဆောင်တန်ဖြားဗွာလှဖေ အနိစ္စကပြောင်ꩻထိုꩻနောဝ်ꩻ မဥ်ႏတွိုႏနေင်ႏ ၁၃၇၈-ဗာႏ၊ လာတောႏလင်ꩻလောင်း (၅)နီꩻ လာစက်တင်ဘာ (၂၁)နီꩻယို လꩻလဲဥ်းနေင်ႏပေါင်ꩻ (၄၁)နောဝ်ꩻသွူ။
စွိုးခွိုꩻခေါင်းဆောင်တန် ဖြားဗွာလှဖေ အနိစ္စခန္ဓာႏကပြောင်ꩻထိုꩻမွူးနီꩻယို နေင်ႏ ၁၉၇၆-ဗာႏ၊ လာဇန်နဝွရီကို ဝေင်ꩻနယ်ႏသီႏသဲင်ႏ၊ အွိုင်ႏနာသံ၊ ဒုံလုံးဒါ ဗွေႏဆရာႏတောႏကျောင်ꩻကို ကမာꩻလွေꩻဒါႏ ပအိုဝ်ႏစွိုးခွိုꩻအစွိုꩻ (P.N.O) ပထမလဲင်ႏ ပွယ်ꩻညီႏလာႏခံႏတန်ကို ကကျွꩻထင်ႏလွဥ်ဒါႏ ပုဂ္ဂိုလ်ႏလိုꩻတန်ဖုံႏ ကားကအောဝ်ႏ (ကန့်ကွက်)သားအဲဥ်ထောဝ်းတဲင် အွဥ်ႏထွော့လွေꩻ ပအိုဝ်ႏနီꩻအာႏဇာႏနီႏနီနောဝ်ꩻသွူ။
နောဝ်ꩻမꩻ လာတောႏလင်ꩻလောင်း(၅)နီꩻယို ထွာဒျာႏ ပအိုဝ်ႏမွူးနီꩻအာႏဇာႏနီႏနီꩻဒျာႏ၊ တနယ်ꩻ မဥ်ႏဒေါ့ꩻဗာႏနောဝ်ꩻ စွိုးခွိုꩻလွစ်ထန်ႏရေꩻ၊ နမ်းပဲင်ႏပျဌာန်းခွင်ꩻ ယံလꩻရေꩻတွမ်ႏ ဒီမိုကရေစီအတာႏ စွိုးခွိုꩻခေါင်းဆောင်တန်တွမ်ႏ သွꩻဟောဝ်ရုဲင်းဖက်သားဖုံႏ ခံႏစွဥ်ꩻသွီႏသက်မွူးနီꩻ အာႏဇာႏနီႏနီꩻဒျာႏနောဝ်ꩻသွူ။
ခြဲ့ꩻနယ်ႏလွိုဆန်ရေꩻစိုးကို ဗွေႏဆရာႏတောႏ မရမ်းခြောင်တွမ်ႏ ပိုႏခံꩻ (ခမ်းဒွမ်)သီးလဲ့သင်၊ ခမ်းကောင်ဖဲ့ꩻ ခွန်အိုးတွမ်ႏ ပိုႏပန္တထွဥ်ꩻသီးလဲ့သင်၊ ခြဲ့ꩻနယ်ႏလွိုဆန်ရေꩻတွိုက်ꩻပွယ်ꩻကို ထွာအာႏဇာႏနီႏ ခေါင်းဆောင်တန်ဖုံႏဒျာႏနောဝ်ꩻသွူ။
ပဒေႏသရာဇ်လွိုရေꩻတွိုက်ꩻပွယ်ꩻကို ဖြားတန်ကျောင်ꩻတိယွုံꩻ(ဟဲ့ꩻ)ဖြားတန်ကောင်ခယ်ႏ၊ ဖြားတန်ကောင်ပြုဲင်၊ ဖြားတန်နာသီးသောက်၊ စောက်ꩻဖါးခွန်ကြည်၊ ဖြားဗွာဦးဖြူ(တောင်ႏကီꩻ)၊ အမတ်အောင်ႏသာႏ၊ ဗိုလ်ချန်ဖုံ၊ ဗိုလ်ဟိန်မောင်၊ ဖြားဗွာလှဖေ၊ ဗိုလ်ချုပ်စံသိန်း-စတဲင် အွဥ်ငါခေါင်းဆောင်တန်ဖုံႏနောဝ်ꩻ နွို့သမဲင်ꩻအာႏဇာႏနီႏ ပုဂ္ဂိုလ်ႏတန်ဖုံႏဒျာႏနောဝ်ꩻသွူ။
(contracted; show full)ႏကေꩻဇူꩻ၊ ဖြော်ဆပ်ချာအာႏဇာႏနီႏပုဂ္ဂိုလ်ႏကေꩻဇူꩻတရာꩻတဲင် မဥ်ႏတွိုႏမွူးနီꩻအာႏဇာႏနီႏနီꩻနောဝ်ꩻ ဆဲင်ႏရာꩻတာႏဝွန်ႏအောဝ်ႏ ပုဂ္ဂိုလ်ႏအရန်းရန်း တမာနိုꩻဆောႏလွေꩻ ခမ်းသားမွိုးဖါတွော့ꩻ ဒုံ၊ အွိုင်ႏ၊ ဝေင်ꩻနယ်ႏ၊ ခမ်းအလွောက်ꩻ ယံကမာꩻလွေꩻဖေႏသွော့ မွူးနီꩻအာႏဇာႏနီႏနီꩻ အခန်ꩻအနာꩻ၊ နေးတွမ်ႏစေႏတနာႏဟောဝ်ဟောဝ်တဲင် ပင်ꩻမော်၊ ပင်ꩻသင်္ဃာႏ ကပ်လူႏဖေႏပါဒဲဥ်သွမ်ꩻအကျောင်ꩻ ဖေႏသေလွေꩻဗာႏ တွမ်ႏဖြုဲင်ꩻယိုနောဝ်ꩻသွူ။<ref>အယ်ဒီတာ</ref><ref>မောင်းမွူးခံꩻ အမုဲင်-၄၂</ref>
===အာႏကွိုꩻ===
<references />
[[ကဏ္ဍ:ပအိုဝ်ႏသမဲင်ꩻ]]