Difference between revisions 18679 and 18684 on blkwiki

< previous diff
next diff >
၁၃၃၉-ဗာႏ ဒဲဉ်သီႏလာဗွေ မွူးနီꩻခွိုꩻပအိုဝ်ႏ (၂)
၁၃၃၉-ဗာႏ၊ ဒဲဥ်သီႏဗွေ နောင်ယာသုဲင်ꩻ (၂)

နီသံႏဃာႏ ကထီႏလွဉ်ဒါႏ အချက်(၄)ချက်အကိုနဝ်ꩻ လိတ်တဲမ်းသား ကရိုꩻနဝ်ꩻ မဉ်ႏလွိုက်လွဉ်စွဉ်ႏ နီပွယ်ꩻကိုလဲင်ႏခါတဲ့ လိတ်တဲမ်းသား အီႏပါသော့ꩻမား ခွုင်းမုဲင်ꩻပါꩻ၊ အဝ်ႏမားကားမုဲင်ꩻပါꩻ၊ မဉ်ႏထွာ နီတကာႏလိုꩻလမ်းတဲ့ အီႏတဲမ်းနွောင်ꩻမား ကားမုဲင်ꩻဖြာꩻနေးနဝ်ꩻတဲ့ အီႏလွိုက်သမ်းတသူႏသေတဝ်း၊ ကွပ်ပွိုးနဝ်ꩻမꩻ အဝ်ႏပွယ်ꩻကိုယို မဉ်ႏထွူနဝ်ꩻနဝ်ꩻ ပထမကဏ္ဍအရေꩻနဝ်ꩻ မဉ်ႏအောင်ႏမျင်ႏသွူ လဲင်ႏခါတဲင်တွော့ꩻ နီသံႏဃာႏကိုနဝ်ꩻနဝ်ꩻ ဂွိုင်ꩻအဝ်ႏပငါပရာꩻ၊ ဂွိုင်ꩻအဝ်ႏပငါပရာꩻတွော့ꩻ ဂွိုင်ꩻချုပ်အဝ်ႏ၊ ဂွိုင်ꩻအုပ်အဝ်ႏ၊ ဂွိုင်ꩻထောက်အဝ်ႏ ။
အဝ်ႏနဝ်ꩻထွူတွော့ꩻ အဝ်ႏအွိုးဗဟိုႏ၊ ဥပမာႏခန်း နီသွဉ်းသီး ပထမကျောင်ꩻတန် တဲမ်းသဲင်ꩻလိတ် ဂွိုင်ꩻချုပ်ထျꩻတရိုꩻတဝ်း၊ ဂွိုင်ꩻအုပ်ထျꩻတရိုꩻတဝ်း၊ ဂွိုင်ꩻထောက်ထျꩻတရိုꩻတဝ်း တဲမ်းသဲင်ꩻခန်းလိတ်တွော့ꩻ ကွီသဲင်ꩻခန်း - နီဗွေႏသီးနယ်ႏကို၊ နီဗွေႏသီး ဧရိယာႏကိုနဝ်ꩻ စိမ်စွဉ်ႏလိုꩻကျောင်ꩻတရိုꩻတဝ်း၊ စိမ်စွဉ်ႏ ပုဂ္ဂိုလ်ႏလိုꩻလမ်းတရိုꩻတဝ်း ကအီႏတဲမ်းနွောင်ꩻလိတ်၊ ကအီႏထေနွောင်ꩻလိတ်၊ ကအီႏထုတ်နွောင်ꩻလိတ် ပုဂ္ဂိုလ်ႏနဝ်ꩻနဝ်ꩻ တွမ်ႏအမဉ်ꩻ၊ တွမ်ႏအသက်၊ တွမ်ႏအထာꩻမာꩻ၊ တွမ်ႏအရပ်ရာႏဒေႏသ၊ ဌာႏနစုံႏစုံႏလင်ႏလင်ႏ ယံဖေႏနေးကပသာထင်ႏဗာႏ နီသွဉ်းသီး ဗဟိုႏဌာႏနယို ဗွေႏသြ - လဝ်းသဲင်ꩻနုဲင်းနဝ်ꩻ ။
မဉ်ႏလဝ်းသဲင်ꩻနုဲင်းနဝ်ꩻလဲင်ႏခါ ဆဲင်ႏရာꩻဒေႏသ ပငါပရာꩻနဝ်ꩻ မဲ့ꩻအီႏဖေႏထင်ႏ တဲမ်းလိတ်ဆရာႏဖုံႏ၊ မဉ်ႏဖေႏထင်ႏစာႏရင်ꩻ နုဲင်းနဝ်ꩻလဲင်ႏခါ ကထွာဒါႏ ဝွေꩻဗွေႏသီး  ပထမကဏ္ဍကို ကပါဒါႏ ပုဂ္ဂိုလ်ႏလိုꩻတန်ဖုံႏနဝ်ꩻ မဲ့ꩻအီႏဖစ်ပင်ꩻယင်းတလဲင်ႏ၊ ဖစ်ပင်ꩻထင်ႏထွူ လိတ်တဲမ်းသားဖုံႏနဝ်ꩻတဲင်တွော့ꩻ ထင်ႏစုခန်း၊ ဥပမာႏခန်း- ဌာႏနတထွောင်းထွောင်း၊ ဥပမာႏခန်း- အွဉ်ႏဒေါ့ꩻယိုꩻယိုꩻ နုဲင်းနီသွဉ်းသီး ကျောင်ꩻတန်။
စိန်ႏဖျော်သွူနုဲင်းနဝ်ꩻတဲင်တွော့ꩻ နီဗွေႏသီးနဝ်ꩻ ပုထုဇဉ်ႏက မွေးနီႏ၊ စိန်ႏပုထုဇဉ်ႏနုဲင်းနဝ်ꩻတဲင်တွော့ꩻ ထာꩻမာꩻနဝ်ꩻ ဝင်ꩻမဉ်ႏတအပ်တဝ်း တဲးတဲးဝါးဝါး၊ ဝင်ꩻအသိအမှတ် မဉ်ႏတပျုတဝ်း၊ ဝင်ꩻမဉ်ႏထွဉ်ႏဖွီတဲ့ အကုဲင်းမာꩻဖွီဒါႏထာꩻ၊ ကွပ်ပွိုးနဝ်ꩻမꩻ ဝွေꩻဗွေႏသီးနဝ်ꩻ ဖေႏနေးကတွမ်ႏမာꩻဖွီမွုန်းထာꩻ၊ ဖေႏနေးအထီကထွူႏ အစွူႏကအဝ်ႏတဲင်တွော့ꩻ ကေားကထွာဒါႏ ၀ွေꩻဗွေႏသီး နာယကလိုꩻတန်ဖုံႏ၊ ပထမဥက္ကဋ္ဌ၊ ဒုတိယဥက္ကဋ္ဌ၊ ကျောင်ꩻနင်းပုဂ္ဂိုလ်ႏဖုံႏနဝ်ꩻ နေးနေးစေးလာႏပေႏတရိုꩻတဝ်း၊ လိတ်မတ်ပေႏတရိုꩻတဝ်းတဲင်တွော့ꩻ ဥပမာႏခန်း- လိတ်တဲမ်းသား အဝ်ႏ(၁၅၀)ဒေါ့ꩻခန်းနုဲင်းနဝ်ꩻ ။
ဟန်ႏနီꩻ နီသွဥ်းသီး ကဟဲ့ꩻထင်ႏဗာႏ နီဗွေႏသီးနဝ်ꩻ နီသွဥ်းသီး အီႏအပ်ထာꩻမာꩻ၊ နီသွဥ်းသီး အသိအမှတ်ပျု- အီႏပျုနီဗွေႏသီး၊ တယ်ႏစွဥ်ႏဟန်ႏနီꩻမာꩻတငါ နီဗွေႏသီး အပါꩻ (၁၅၀)ယိုနဝ်ꩻ နီပအို၀်ႏအမျိုꩻသာꩻခကီ ဖေႏနေးကတိုꩻတက်၊ လိတ်လုဲင်ꩻဖဲ့ꩻတရိုꩻတဝ်း၊ စိမ်စွဥ်ႏ ဘာႏသာႏရေꩻ၊ သာႏသာနာႏရေꩻ တရိုꩻတဝ်း အဝ်ႏနီဗွေႏသီးစူကို၊ နီဗွေႏသီးဖေႏနေးကဆောင်ႏရွက်လွေꩻဗာႏ  ဖေႏတာႏဝွန်ႏတဲ့မွေးမွေး၊ မျောက်ဖေႏ အဘုံꩻအကံႏတဲ့မွေးမွေး၊ နဝ်ꩻမꩻ ဒင်ႏဖေႏ အကျက်သရေႏတဲ့မွေးမွေးတဲင် ထွိုင်ႏကပ်ခန်း အွို အသိအမှတ်ပျုလွှာ မန်းကရိုꩻနဝ်ꩻ၊ ထွိုင်ႏကပ်ခန်းနေးနဝ်ꩻ တပါꩻတစောင်ႏတစောင်ႏတဲင် အမဥ်ႏလꩻသဲင်ꩻသွူနုဲင်းနဝ်ꩻပေႏနဝ်ꩻ အွိုး အဗွေႏနမ်းသူꩻတဲ့ အသꩻထွာအီနုဲင်းမုဲင်ꩻပေႏတဲင် -
အား - နီယိုနဝ်ꩻ လိုꩻတန်ဖုံႏ၊ သံႏဃာႏဖုံႏ အသိအမှတ်ပျု လဲဥ်းသွူ၊ နီယို တဲမ်းလိတ်ဆရာႏ-တဲ့ တဲႏဟန်ႏနီꩻမာꩻတငါ ခွေအုံဖွီထာꩻ၊ အဝ်ႏဖွီထာꩻ ထွာတဝ်းဒွုမ်။ နီအမျိုꩻသာꩻ ဖေႏနေးကတိုꩻတက်၊ ဖေႏနေးကထင်ႏထို၊ နီလိတ်လုဲင်ꩻ ဖေႏနေးကထင်ႏထို၊ ပွိုင်းဝွို့နဝ်ꩻနဝ်ꩻ ခွေတာႏဝွန်ႏအဝ်ႏလဲဥ်းသွူမွော့-  သꩻနဝ်ꩻ ပရူးအီႏထွာလွဥ်နုဲင်းနဝ်ꩻ။
စိန်ႏထွာလွဥ်သွူနုဲင်းနဝ်ꩻတဲင်တွော့ꩻ ကားတဲင် လိတ်တဲမ်းဆရာႏနဝ်ꩻလဲင်ႏခါ တွိုင်ႏပင်ႏယင်းလို့ဝင်ꩻ၊ တွိုင်ႏပင်ႏဝင်ꩻ နုဲင်းမုဲင်ꩻနဲးတဲင် - အား ယိုလဲင်ႏခါ နီလိတ်ဖတ်သား ပရိသတ်နဝ်ꩻနဝ်ꩻ လိုꩻပေႏပေႏတဲ့ အဝ်ႏတရန်း၊ နဝ်ꩻမꩻ မူႏနမ်ꩻခိုဗင်ႏယွဲး လိုꩻတလောင်ꩻတဲ့ အဝ်ႏတရန်း၊ နဝ်ꩻမꩻ ပိုဖါ စီꩻပွာꩻရေꩻသား ကတောႏလမ်းတောႏပါႏစ ကလွူးနမ်းမွေးသက်သားတဲ့ အဝ်ႏတရန်း၊ နဝ်ꩻမꩻ ပုဂ္ဂိုလ်ႏလိုꩻကျောင်ꩻဖုံႏတွမ်ႏ မော်ဖုံႏ လိုꩻဖြားဖုံႏနဝ်ꩻတဲ့ အဝ်ႏတရန်း၊ တိန်ႏအဝ်ႏနုဲင်းနဝ်ꩻတဲင်တွော့ꩻ လိုꩻပေႏတဲ့ လိုꩻပေႏလိတ်မꩻ၊ လိုꩻတလောင်ꩻတဲ့ လိုꩻတလောင်ꩻလိတ်မꩻ၊ လိုꩻဖြားတဲ့ လိုꩻဖြားလိတ်မꩻ၊ လိုꩻဖြားလိတ်နဝ်ꩻ လိုꩻပေႏအမျိုꩻသꩻဝင်ႏစာꩻ မွေးတဝ်း၊ နဝ်ꩻမꩻ လိုꩻပေႏလိတ်တဲ့ လိုꩻဖြားသꩻမျိုꩻဝင်ႏစာꩻမွေးတဝ်း ။
ကွပ်ပွိုးနဝ်ꩻမꩻတဲင် လိုꩻအဆင်ႏအရန်း ပငါပရာꩻနဝ်ꩻ အဝ်ႏလိုႏဗွူႏဒျာႏ အဆာႏပငါပရာꩻ၊ အဝ်ႏလိုႏဖေႏဒျာႏ အလိတ်ပငါပရာꩻ၊ ကွပ်ပွိုးနဝ်ꩻမꩻတဲင် နီသွဥ်းသီး လိတ်တဲမ်းသားအစွိုꩻကိုယိုနဝ်ꩻ ပတ်သဲတ်တွမ်ႏ လိုꩻပေႏလိတ်လုဲင်ꩻနဝ်ꩻ ပါꩻမုဲင်ꩻ အီႏထူႏတာႏဝွန်ႏ၊ ပတ်သဲတ်တွမ်ႏ လိုꩻယွဲးလိတ်လုဲင်ꩻယိုန၀်ꩻ ပါꩻမုဲင်ꩻအီႏထူႏတာႏဝွန်ႏ၊ ပတ်သဲတ်တွမ်ႏလိုꩻကျောင်ꩻလိုꩻလမ်း စီꩻပွာꩻရေꩻကိစ္စ၊ လိုꩻလမ်းစီꩻပွာꩻရေꩻကိစ္စဖုံႏနဝ်ꩻ ပါꩻမုဲင်ꩻအီႏတဲမ်းနွောင်ꩻ၊ ပတ်သဲတ်တွမ်ႏ လိုꩻကျောင်ꩻလိုꩻလမ်း မော်ဖုံႏတရာꩻပဲင်ꩻဆဲင်ႏရာꩻယိုနဝ်ꩻ တမုဲင်ꩻအီႏထူႏတာႏဝွန်ႏ ။

( 20 - 9 - 2021 ) ဗွေႏမဟိန္ဒ - ဇဝနာရာမလိတ်သွဥ်တွိုက်၊ ဝေင်ꩻသထုင်ႏပေႏသီႏသဲင်ႏ ။<ref>ဒဲဥ်သီႏလက်ဆောင်ႏလိတ်စောင်ႏ</ref><ref>သံႏဃာႏနမ်းခြောင်ꩻတင် တိတ်ခွေႏဟော်ꩻတရာꩻကို</ref>⏎
==အာႏကွိုꩻ==
<references/>