Revision 14546 of "ကားကအဝ်ႏ" on blkwiki

== * နောင်တောင်ꩻ လာဘမုနိ စေႏတီႏ  ==
ကျောင်ꩻနောင်တောင်ꩻယိုခါ ဆကီကွဥ်ႏထင်ꩻ သုဲင်ꩻကောင်လောင်းနဝ်ꩻ ဘုရာꩻစေႏတီႏအေဝ်ႏ ၃ ဆူႏသွူ ၊ စေꩻတီႏသွံဆူႏယိုနဝ်ꩻ အောဝ်ႏစဲဥ်ႏနဝ်ထင်ꩻဝင်ꩻသွူ၊  အထာႏဝ အဆူႏတန်နဝ်ꩻ တဲႏအွဥ်ရီးသွတ်တဲင် ထွာမူလပထမစေႏတီႏ၊ ဖဲ့ꩻနဝ်တဆူꩻနဝ်ꩻ တဲယ်ႏဆုဲင်တဲင် ထွာဒုတိယစေႏတီႏ၊ ဖဲ့ꩻထင်ꩻနဝ်ꩻတယ်ႏဆုဲင်ꩻတဲင်ထွာ တတိယ စေႏတီႏသွူ၊ စေႏတီးယိုသွံဆူႏ ကဟဲဒါႏ လာဘမုနိစေႏတီႏနဲင်းယိုနဝ်ꩻ ဗွေႏဗွန်နောင်တောင်ꩻယိုခါ ဖန်ဖေႏဒျာႏသွူ၊ ခါးလာႏဝွေꩻဗွေႏကတယ်ႏ နောင်တောင် ပရဟိတ ကျောင်ꩻယိုနဝ်ꩻ စေႏတီးမဲဥ်နဝ် အောဝ်ႏသုဲင်ကောင်လောင်းတဲင် ဖန်ဒျာႏ စေႏတီႏသုဲင်ကောင် နဲင်းနဝ်ꩻသွူ၊ 
စေႏတီးအထဝယိုတဆူႏနဝ်ꩻ ပါမုဲင်ꩻတယ်ႏလူႏသေꩻခါလဲ့ꩻ ကွပ်တသေထွꩻတေဝ်းတဲင် ပထမ စေႏတီးသမဲင်ꩻနဝ်ꩻ သေထွစဲင်းလို့ꩻတောဝ်းသွူ ၊ ကွယ်တွော့ꩻ စေႏတီႏလောင်း ကအောဝ်းဒါႏ ဟိန်းခေါင်လောင်ꩻပေႏလောင်းနဝ်ꩻ အောဝ်ႏတဲမ်ႏခါꩻ ခုနစ်နဝ်ꩻထွာဒျာႏ တယ်ႏစလွေꩻ ၁၂၆၁ ဒဲဉ်သီႏလာဗွေ အောဝ်ႏတဲမ်းခါꩻနဲင်နဝ်တဲင်တွော့ꩻ မဲဉ်ႏထွားနဲင်းခု နိန်းယိုနဝ်ꩻ ညလဲဥ်းသွူ နေင်ႏပေါင်ꩻ တရျှာꩻလွိုသွူ၊ 
ကတယ်ႏဗာႏ စေႏတီး ဒုတိယ တဆူႏနဝ်ꩻ ပွိုင်ႏလဲင်ႏစခါ လိုꩻဖြားတယ်ႏသေꩻခါꩻ စေႏတီႏအောဝ်ႏတဆူႏတဲင် စေႏတီႏကထွိုင်ႏကုဲင်ပြင်တွော့ꩻ နေင်ႏ ၁၃၄၂ ဗာႏ ဝါႏဆိုးလာကို ့ည ဗွေႏဆရာတော်ႏ ကျောင်ꩻနောင်တောင်ꩻတွမ်ႏ ဗွေႏဆရာႏတော်ႏ ကျောင်ꩻဟိုနာꩻ ဘဒ္ဒန္တနန္ဒဝံသ အွဉ်တယ်ႏကော်ႏဖေႏယင်ႏစေႏတီႏ ဒုတိယ တစ်ဆူႏသွူ၊ စေႏတီႏထျသွောင်ယို ဖေႏကထွာ သာႏသနာႏဟံႏတဲင် ၁၃၄၉ ဗွေႏဆရာႏတော်ႏ ဘဒ္ဒန္တနန္ဒဝံသ ကျွထင်ႏဆို့ဝါႏ သတင်ꩻသုံꩻလွေꩻဖရာꩻကောင်လောင်းသွူ၊ 

ဖဲ့ꩻထင်ꩻတဆူႏ ဂျိုဟ်ႏ ၈ ခွင်ႏစေႏတီႏနဝ်ꩻ ဗွေႏဗွန်နောင်တောင်ꩻ အွဉ်တယ်ႏလူႏဒျာႏသွူ၊ စေႏတီႏအလူႏတကာႏနဝ်ꩻထွာဒျာႏ ဝေင်ႏနမ်းစင် ဦးစိုင်းလူ+ ဒေါ်နန်းဆွမ်း သီႏခံႏထွာဖေႏအလူႏတကာႏ အထျꩻတဲင် ပါတွမ်း ရ မွူးနီꩻသာ အမျာꩻဖုံႏသွူ၊