Gavotenn, ton doubl.
<poem>
Me ’m eus un inkane gwenn
weskela bibawe
zo ur brid arc’hant d’e benn
weskela biba biba
weskela bibabiba, weskela bebawe
’Benn ’vezan pignet war e gein
e vez aet ma marc’h en hent
E vez aet ma marc’h el lev
’Vit mont tramek ar c’hêrioù
Pa oan o vont da gêr Pleiben
’Strinke ’n tan a-raok ar vein
Pa oan o vont da Veilh ar Wern
’strinke ’n tan a-raok e hern
Pa oan o vont da Gastellin
’Strinke ’n tan a-raok e vin
Pa oan aet da Bont ar Veuzenn
Chomet ma marc’h er vouilhenn
Ha me o vonet da glask tud
Da sikour tennañ ma loen mut
Aet e oan da gaout ar forn
Ha ’m boa kavet ur rozell-forn
Ha dre ma skoen war ma loen
Er vouilhenn ’c’h ae donoc’h-don
Ha dre ma skoen war e benn
Donoc’h-don ’c’h ae er vouilhenn
P’oan ket ’vit e dennañ er-maez
Oa kollet an inkane kaezh
Hag o tont ac’hane d’ar gêr
’m boa gwelet kalz a bezhioù kaer
Gwelet ’m boa c’hwibu o tornañ
Hag ar c’helien o tibellañ
Ar c’hazh oc’h ober tro al leur
triwec’h logodenn ’vont d’e heul
Triwech logodenn naontek razh
’rafe ur pred mat d’am c’hazh
Pignet ar c’hoz war ar bern teil
Ar c’hazh a hope “hei” warnezhi
Gwelet ’m boa al laouenan
O ya ’walc’h a zo bihan
’Tougen ur vazh a zaou benn
Triwec’h mil lur ouzh pep penn
Gwelet ’m boa un annoar vloaz
’Tougen Kemper war he skoaz
An divizoù war he lost
’Oa bet kaset ganti d’ar post
Gwelet ’m boa ur gazeg wenn
’Touesk al lann ’kribat he fenn
Gant un horzh o lazhañ laou,
Pezh a laran n’eo ket gaou
</poem>
[[Rummad:Kan ha diskan]]
[[Rummad:Testennoù hep mammenn]]
This site is not affiliated with or endorsed in any way by the Wikimedia Foundation or any of its affiliates. In fact, we fucking despise them.
|
