Revision 56853 of "Λουκιανού επιγράμματα" on elwikisource

{{Πολυτονικό}}

{{Συγγραφέας2|όνομα =Λουκιανός
|βικιπαίδεια = Λουκιανός}}

Τοῖσι μὲν εὖ πράττουσιν ἅπας ὁ βίος βραχύς ἐστιν,
:τοῖς δὲ κακῶς μία νύξ ἄπλετός ἐστι χρόνος.
(Παλατινή Ανθολογία, Χ 28)




Εἰς τὶ μάτην νίπτεις δέμας Ἰνδικὸν ; ἴσχεο τέχνης·
:οὐ δύνασαι δνοφερὴν νύκτα καθηλιάσαι.
(Παλατινή Ανθολογία, ΧΙ 428)




Εἰ τὸ τρέφειν πώγωνα δοκεῖς σοφίαν περιποιεῖν,
:καὶ τράγος εὐπώγων αἶψ’ ὅλος ἐστὶ Πλάτων.
(Παλατινή Ανθολογία, ΧΙ 430)


	

Εἰ ταχὺς εἰς τὸ φαγεῖν καὶ πρὸς δρόμον ἀμβλὺς ὑπάρχεις,
:τοῖς ποσί σου τρῶγε καὶ τρέχε τῷ στόματι.
(Παλατινή Ανθολογία, ΧΙ 431)
 


::<small>(ή ΑΡΧΙΑ)</small>
᾿Ηχὼ πετρήεσσαν ὁρᾷς, φίλε, Πανὸς ἑταίρην,
:ἀντίτυπον φϑογγὴν ἔμπαλιν ᾀδομένην, 
παντοίων στομάτων λάλον εἰκόνα, ποιμέσιν ἡδὺ 
:παίγνιον. ὅσσα λέγεις, ταῦτα κλύων ἄπιϑι.
(Παλατινή Ανθολογία, ΧVΙ 154)




Εἰς τὸ κενόν με τέθεικε, νόμου χάριν, ὧδε Πρίηπον 
:Εὐστοχίδης ξηρῶν κληματίδων φύλακα•
καὶ περιβέβλημαι κρημνὸν βαθύν. ὃς δ' ἂν ἐπέλθη, 
:οὐδὲν ἔχει κλέψαι πλὴν ἐμὲ τὸν φύλακα.
(Παλατινή Ανθολογία, ΧVΙ 238)
:''Άδικα μ' έβαλεν εδώ ο Ευτυχής στ' αμπέλι''
:''τον Πρίαπο δραγάτη του στη στύπη την ξερή.''
:''Γκρεμό τριγύρω έχω βαθύ κι όποιος να κλέψει θέλει''
:''άλλο απο εμέ το φύλακα να πάρει δε μπορεί.''
:::μετάφρ. Σίμος Μενάρδος (''Στέφανος'', 1924)



[[Κατηγορία:Αρχαία και Κλασική γραμματεία]]
[[Κατηγορία:Επιγράμματα]]