Revision 47358 of "Unuaj agordoj/Al la Amikoj" on eowikisource

{{paĝokapo
 | titolo     = Al la Amikoj
 | aŭtoro     = Wiktor Elski
 | sekcio     = 
 | antaŭa     = [[Al la Celo]]
 | posta      = [[En Revoj Mi Foje...]]
 | notoj      = Aperis en [[Unuaj agordoj]].
 | kvalito = 2
 | jaro = 1912
}}

{{Neglekto de aŭtororajto}}

<poem>
Al agado, al laboro!
   Kvankam ĉie malfavoro,
Kvankam homoj nin ne fidas,
   Nek la celon nian vidas.

Al agado, al laboro
   Kun kuraĝo en la koro!
Malgraŭ baroj sur la vojo,
   Stel' espera nia ĝojo.

Jen ĝi lumas verda stelo,
   Lumas hele sur ĉielo,
Ne permesas al ni plori,
   Sed ordonas: plu labori!

Stelo lumas sur ĉielo,
   Vojon montras ĝi al celo.
Nur persiste, nur konstante,
   Pri la venko ne dubante.

Do ne dormu, sed leviĝu,
   Koroj viaj ekflamiĝu
Kaj ekkriu per fervoro:
   Fratoj, ĉiuj al laboro!
</poem>
[[Kategorio:Esperantlingva poezio]]