Revision 57777 of "Krepusko" on eowikisource

'''[[Aŭtoro:Penka Batoeva|Penka Batoeva]]'''<br /><br /><hr>
<small style="color:grey;">Vidu ankaŭ • See also • Vois aussi • Siehe auch: [[Aŭtoro:Penka Batoeva/Licence]]</small>
----

Jen, estas horo de l'krepusko, <br/>
post la subiro de la suno,<br/>
nek estas nokto, nek plu lumo,<br/>
nun estas horo de la revoj.

La longa tago jam forpasis<br/>
Per paŝoj paŝoj, malrapidaj,<br/>
nebuloj grizaj kaj humidaj<br/>
la gajan venton ie kaŝas.

Kaj niaj lacigitaj homoj<br/>
eniras trans la hejmajn sojlojn,<br/>
etendas la soifajn brakojn<br/>
por ies pura, varma mano.

Kiu ilin atendas ene?<br/>
Ĉu la fajrujo ĵetas flamon,<br/>
aŭ miragoj mortaj ludas,<br/>
aŭ silento muta muĝas?

Ho, bela horo de l'krepusko,<br/>
per milda mano, per favoro<br/>
brakumu vi la tuthomaron<br/>
por la benita nokta ĝojo!

[[Kategorio:Penka Batoeva]]