Difference between revisions 3801 and 3802 on gomwiki

< previous diff
next diff >
Dn/आसगांव

'''आसगांव''' हो सुंदर सोबीत गांव शापोरा न्हंयेचे देगेर वसला. म्हापसा शारा पासून चार किलो मिटर पयस आशिल्लो, तिनूय वाटेन पाचव्याचार दोंगरानी नटिल्लो आनी चवथ्या वाटेन वागातूर दर्या आशिल्लो हो सोबीत शांत गांव॰ ह्या गांवच्या उत्तरेकडेन शिवोली, दक्षिणेकडेन पर्रा, पूर्वेक खोर्लीं आनी पक्षिमे कडेन अंजुना गांव आसा॰

==आसगांव नांवाचे अर्थ==
ह्या गांवची एक लोक कथा आसा. अशें म्ह्णटात एक राजकूवर आसागांवच्या दोंगरार कासाक आयिल्लो॰ रात जाल्ल्या कारणान तांका खंयच आसरो मेळूंक ना॰ देखून ताका एका झाडा सकयल रावचें पडलें॰ सकाळ फुडें कोंब्यान जेन्ना साद घालो तेन्ना ताणी "आसा रे गांव " अशें म्ह्णून आपणाल्या शिपायांक सांगलें॰ तेन्ना पासून ह्या गांवाक आसगांव हें नांव पडलें म्ह्ळ्यार आसा गांव ॰ तशेंच ह्या गांवान खूब असनाचीं झाडां आशिल्ल्यान आदल्या काळार ह्या गांवाक 'असणाचो गांव' अशें म्ह्णटाले॰ तशेंच ह्या गांवाक फुलांचो गांव वा फुलांचो मळो ह्या नांवान वळखतात कारण हांगा आबोलीं, जांयो, जुंयो, गुलाब, रोजां, शेंवतीं सारकीं फुलांचे मळे आशिल्ले॰

==भूगोल विद्याशास्त्र सापेक्ष रेशा==
आसगांव हो गांव १५°३५′५१″ उत्तर अक्षांश आनी ७३°४६′३८″ पूर्व रेक्षांश मदी आसा आनी हो गांव दर्याचे स्थरे पासून ८ मिटर वयर आसा.

==क्षेत्रफळ==
आसगांव ह्या गांवची पूर्ण क्षेत्रफळ ९.६०४ चौरस मिटर आसा. आसगांवची सीमा घाटेश्वराच्या देवळा पर्यंत आसा. तशेंच ८६१.०६७५ चौरस मिटरार शेत रोयतात ही म्हायती १९७० च्या नोंदणीतल्यान मेळ्ळा.

==इगर्ज==

== सांत कायतानाची इगर्ज  ==
सांत कायतानाची इर्गज १६६५ वर्सा बांदिल्ली आनी १७७५ वर्सा आसगांवकारांनी परतून दुरुस्थ केली॰ इगर्जेक तीन लाकडाचे आलतार आसा. जाका भांगराच्या रंगाचो पेण्ट काडला आनी ताच्या कुशीक संग्मरवरीचे मेज आसा. मदलो आलतार सांत कायतानाक भेटयला जाल्यार उजवेकडलो आलतार बाँ सायबिणी पारतो आनी दावेकडलो आलतार रूजाय सायबिणीक भेटयला.
ह्या इगर्जेची घांट १९१० वर्सा इंग्लंडच्यान मारमागांवा देवयली आनी तीं आसगांवान शापोरा न्ह्ंय्ेतल्यान हाडिल्ली. त्या घांटचे वजन सुमार ४५३॰६० किलोग्राम आसा॰ हीं घांट आजून ब-या स्थीतीन आसा. ह्या इर्गजेची गोंयच्या संवर्धन खात्यान नोंदिल्ली जाल्ली आसा॰

==== सांत आनाचें कपेल  ====
हें कपेल १७६७ वर्सा आसागांवकरांनी बांदील्लें॰ आतां ह्या कपेलान दर वर्सा २६ जुलयाक सांत आनाच्या फेस्ताच्या दिसा मीस जाता॰

==== सांत जोसफाचें कपेल ====
हें कपेल १७ ऑक्टोबर १८६८ वर्सा बांदला, आज हांगा १९ मार्च ह्या दिसा सांत जोसफाच्या फेस्ता दिसा मीस अरतात॰

(contracted; show full)

=='''संदर्भ'''==



[[Category:!Main category]]	
[[Category:Geochim Xharam, Ganv ani Zage]]