Difference between revisions 10475 and 11506 on guwikisource

અમે  જોગી   બધા   વરવા  સ્મશાનો  ઢુંઢનારાઓ<br/>
તહીંના   ભૂતને   ગાઈ    જગાવી     ખેલનારાઓ<br/>

જહાં  જેને   કરી   મુર્‌દું   કબરમાં   મોકલી  દેતી<br/>
અમે   એ   કાનમાં    જાદુ   અમારું    ફૂંકનારાઓ<br/>

જહાંથી  જે   થયું  બાતલ  અહીં  તે  થયું  શામિલ<br/>
અમે  તો   ખાકની  મૂઠી   ભરી   રાજી  થનારાઓ<br/>

જહીં  જખ્મો  તહીં  બોસા તણો  મરહમ  અમે દેતાં<br/>
બધાંનાં   ઈશ્કનાં   દરદો   બધાંએ  વહોરનારાઓ<br/>

અમે  જાહેરખબરો  સૌ  જિગરની  છે  લખી  નાખી<br/>
ન  વાંચે  કોઈ  યા  વાંચે  ન  પરવા  રાખનારાઓ<br/>

ગરજ  જો   ઈશ્કબાજીની   અમોને   પૂછતા  આવો<br/>
બધાં  ખાલી  ફિતુરથી   તો   સદાએ   નાસનારાઓ<br/>

જહીં સ્પર્ધા તણી જગની દખલ ના પ્હોંચતી ત્યાં ત્યાં<br/>
જમીં   ને    આસમાનોના     દડા    ઉડાવનારાઓ<br/>

ગમે   તે   બેહયાઈને    દઈ   માથું    ધરી   ખોળે<br/>
અમે   આરામમાં   ક્યાંએ    સુખેથી    ઊંઘનારાઓ<br/>

સનમની  બેવફાઈથી   નથી   સુખ  કાંઈએ   કરતાં<br/>
અમે  જાણ્યું  અમે  માણ્યું    ફિકરને     ફેંકનારાઓ<br/>

જખ્મથી જે ડરી રહેતા  વગર  જખ્મે  જખ્મ  સહેતા<br/>
અમે  તો  ખાઈને  જખ્મો  ખૂબી  ત્યાં  માનનારાઓ<br/>

બની   ઉસ્તાદ  આવો તો  થશો  આંહી  તમે  ચેલા<br/>
મગર મુરશિદ  કરો  તો  તો  અમે  ચેલા થનારાઓ<br/>

અમારા  આંસુથી   આંસુ    મિલાવો  આપશું ચાવી<br/>
પછી  ખંજર   ભલે   દેતાં   નહિ   ગણકારનારાઓ<br/>

[[શ્રેણી:ગુજરાતી]]⏎
[[શ્રેણી:સુરસિંહજી તખ્તસિંહજી ગોહિલ - કલાપી]]
[[શ્રેણી:કલાપીના કાવ્યો]]