Difference between revisions 10508 and 11538 on guwikisource

આવી આવી વગડા વીંધી વેલ્ય જો !
ઘૂઘરીએ ઘમઘમતા આવ્યા ઘોડલા;
આજ ફળી અંતરની એકલ આશ જો,
મીઠલડી માવડીએ આણાં મોકલ્યાં.

મેં જાણ્યું જે ભૂલી મુજને માત જો,
બાપુને અંતરથી છૂટી બેટડી;
ભાભલડીના ઉરનો ભાળી ભાવ જો,
બંધવડે વિસારી એની બહેનડી.

શેરડીએ વીરાનો શીળો સાદ જો,
શીળા એને ઉર શોભે સંદેશડાં.
મીઠાં મીઠાં મહીયર કેરાં માન જો,<br/>
મહિયરનાં મારગડાં મનને મીઠડાં.<br/>

સાસુજી આપોને અમને શીખ જો,<br/>
ભાવભર્યા એ ભાંડરડાંને ભેટવાં.<br/>
જોશું જોશું વહાલેરી વનવાટ જો,<br/>
જોશું રે મહિયરનાં જૂનાં ઝાડવાં.<br/>

જોશું જોશું દાદાનો દરબાર જો,<br/>
કાળજડે રમતાં એ ગઢનાં કાંગરા.<br/>
મીઠો વરસે માવલડીનો મેહ જો,<br/>
નહાશું એના ઝરમર ઝરતાં નીરમાં.<br/>

સામો મળશે સાહેલીનો સાથ જો,<br/>
આંખલડીના આંસુ આદર આપતાં.<br/>
વાતલડીનો વધતો વેગ વિશાળ જો;<br/>
મીઠાં કૈક મનોરથ મનમાં મ્હાલતાં.<br/>

વસમી લાગે ભવની લાંબી વાટ જો,<br/>
મહીયરને મારગડે શીળી છાંયડી;<br/>
પળપળ પીવાં કૈંક જગતનાં ઝેર જો;<br/>
માડીનાં કરમાંય સજીવન સોગઠી.<br/>

[[શ્રેણી:ગુજરાતી]]⏎
[[શ્રેણી:દામોદર બોટાદકર]]