Difference between revisions 10571 and 11599 on guwikisource

એહવા આગેવાનને
બીજાંને બકરાં કરી, આપ બને ગોવાળ,<br/>
બીજાં સબ કંગાલ ને પોતે પાલનહાર,<br/>
લ્યાનત હજો હજાર એહવા આગેવાનને!<br/>

બીજાંને બથમાં લઈ થાપા થાબડનાર,<br/>
પોતાનાં વડિયાં કરે કદમે રમતાં બાળ,<br/>
ખમા! ખમા! લખવાર એહવા આગેવાનને!<br/>

સિંહણ બાળ ભૂલી ગયાં ખુદ જનનીની કૂખ,<br/>
આતમ-ભાનની આરસી ધરી એની સનમુખ;<br/>
મુગતિ કેરી ભૂખ જગવણહાર, ઘણું જીવો.<br/>

પા પા પગ જે માંડતા, તેને પહાડ ચડાવ,<br/>
તસુ તસુ શીખવનારના ઝાઝેરા જશ ગાવ,<br/>
રાતા રંગ ચડાવ એહવા આગેવાનને!<br/>

પગલે પગલે પારખાં, દમ દમ અણઈતબાર,<br/>
શાપો ગાળો અપજશો, ભરિયા પોંખણ થાળ;<br/>
કૂડાં કાળાં આળ ખમનારા, ઘણી ખમા.<br/>

બાબા! જીત અજીત સબ તેં ધરિયાં ધણી દ્વાર,<br/>
મરકલડે મુખ રંગિયાં દિલ રંગ્યા રુધિરાળ;<br/>
રુદિયે ભરી વરાળ, હસનારા! ઝાઝી ખમા.<br/>

[[શ્રેણી:ગુજરાતી]]⏎
[[શ્રેણી:ઝવેરચંદ મેઘાણી]]