Difference between revisions 10677 and 11701 on guwikisource

ગોવિન્દો પ્રાણ અમારો રે
ગોવિંદો પ્રાણ અમારો રે<br/>
મને જગ લાગ્યો ખારો રે<br/>
મને મારો રામજી ભાવે રે<br/>
બીજો મારી નજરે ન આવે રે<br/>

મીરાંબાઈના મહેલમાં રે<br/>
હરિસંતનનો વાસ<br/>
કપટીથી હરિ દૂર વસે<br/>
મારા સંતન કેરી પાસ<br/>

રાણોજી કાગળ મોકલે રે<br/>
દેજો મીરાંને હાથ<br/>
સાધુની સંગત છોડી દ્યો તમે<br/>
વસોને અમારે સાથ<br/>

મીરાંબાઈ કાગળ મોકલે રે<br/>
દેજો રાણાજીને હાથ<br/>
રાજપાટ તમે છોડી રાણાજી<br/>
વસો રે સાધુની સાથ<br/>

વિષનો પ્યાલો રાણે મોકલ્યો રે<br/>
દેજો મીરાંને હાથ<br/>
અમૃત જાણી મીરાં પી ગયાં<br/>
જેને સહાય શ્રી વિશ્વનો નાથ<br/>

[[શ્રેણી:ગુજરાતી]]⏎
[[શ્રેણી:મીરાંબાઈ]]