Difference between revisions 10702 and 11725 on guwikisource

ચાંદની રાત ને કેસરિયા તારલા,<br/>
રાસે રમવા આવજો જી રે !<br/>
સરખી સમાણી સૌ સહિયર સાહેલીઓ<br/>
સાથે તેડી લાવજો જી રે !<br/>

આણી મેર ગંગા ને પેલી મેર જમના,<br/>
વચ્ચે વૃંદાવન ચોક છે જી રે;<br/>
ગોકુળ ને મથુરા ને વ્રજ ને વૈકુંઠ,<br/>
આવ્યાં ચૌદે લોક છે જી રે.<br/>

પગલે-પગલે ઝબૂકજો વીજળી,<br/>
ફૂલડાં ફૂટજો હાથમાં જી રે;<br/>
રાસે રમતાં ને ઘૂમરી ઘૂમતાં<br/>
તાળી પૂરજો સાથમાં જી રે !<br/>

નંદનવનથી મોંઘી છે ગુર્જરી<br/>
ગરબા ગરબી રાસથી જી રે;<br/>
ગુર્જરી કુંજ છે દેવોને દોહ્યલી<br/>
ગુર્જરી રાસના ઉલ્લાસથી જી રે !<br/>

સારા સંસારના તાપથી તારવા<br/>
સૂરના ફૂવારા ઉડાડજો જી રે;<br/>
કંઠે કલ્લોલતાં, હૈયાં હીંચોળતાં,<br/>
રસની પરબ કંઈ માંડજો જી રે !<br/>

આભે લખ્યા કંઈ અક્ષર ઉકેલતાં<br/>
હાથમાં આવ્યા તારલા જી રે:<br/>
રસની રસીલી સૌ સજનીઓ ! આવજો,<br/>
કંઠે ઝુલાવજો એ હારલા જી રે !<br/>

ચાંદની રાત ને કેસરિયા તારલા;<br/>
રૂમઝૂમ રૂમઝૂમ ખેલજો જી રે :<br/>
ઉરને આંગણ ધમકે ધમકતાં<br/>
અદલ આનંદે રેલજો જી રે !<br/>

[[શ્રેણી:અરદેશર ખબરદાર]]⏎
[[શ્રેણી:ગુજરાતી]]