Difference between revisions 10762 and 11785 on guwikisource

ઝીણા ઝરમર વરસે મેહ
ઝીણા ઝરમર વરસે મેહ,<br/>
ભીંજે મારી ચૂંદલડી :<br/>
એવો નીતરે કૌમારનો નેહ,<br/>
ભીંજે મારી ચૂંદલડી.<br/>

આજે ઝમે ને ઝરે ચન્દ્રની ચન્દ્રિકા,<br/>
ભીંજે રસિક કોઈ બાલા રે :<br/>
ભીંજે સખી, ભીંજે શરદ અલબેલડી,<br/>
ભીંજે મારા હૈયાની માલા;<br/>
હો! ભીંજે મારી ચૂંદલડી.<br/>

વનમાં પપૈયો પેલો પિયુ પિયુ બોલે,<br/>
ટહુકે મયૂર કેરી વેણાં રે :<br/>
ટમ ટમ ટમ ટમ વાદળી ટમકે,<br/>
ટમકે મારા નાથનાં નેણાં :<br/>
હો! ભીંજે મારી ચૂંદલડી.<br/>

આનન્દકન્દ ડોલે સુન્દરીનાં વૃન્દ ને<br/>
મીઠા મૃદંગ પડછાન્દા રે :<br/>
મન્દ મન્દ હેરે મીટડી મયંકની,<br/>
હેરો મારા મધુરસચન્દા!<br/>
હો! ભીંજે મારી ચૂંદલડી.<br/>

[[શ્રેણી:ગુજરાતી]]⏎
[[શ્રેણી:નાનાલાલ]]