Difference between revisions 10781 and 11804 on guwikisource

ઘટમાં ઘોડા થનગને આતમ વીંઝે પાંખ<br/>
અણદીઠેલી ભોમ પર યૌવન માંડે આંખ<br/>

આજ  અણદીઠ  ભૂમિ તણે  કાંઠડે<br/>
વિશ્વભરના યુવાનોની  આંખો અડે<br/>
પંથ જાણ્યા વિના  પ્રાણ ઘોડે ચડે<br/>
ગરુડ શી પાંખ આતમ વિષે ઉઘડે<br/>

કેસરિયા વાઘા કરી જોબન જુદ્ધે ચડે<br/>
રોકણહારું  કોણ છે ? કોનાં નેન રડે<br/>

કોઈ પ્રિયજન તણાં નેન રડશો નહિ<br/>
યુદ્ધ ચડતાને અપશુકન ધરશો નહિ<br/>
કેસરી  વીરના   કોડ   હરશો નહિ<br/>
મત્ત યૌવન તણી ગોત  કરશો નહિ<br/>

રગરગિયાં-રડિયાં  ઘણું, પડિયાં સહુને પાય<br/>
લાતો ખાધી, લથડિયાં એ દિન ચાલ્યા જાય<br/>

લાત ખાવા તણાં દિન હવે ચાલિયાં<br/>
દર્પભર ડગ દઈ યુવક દળ હાલિયાં<br/>
માગવી આજ મેલી  અવરની  દયા<br/>
વિશ્વ સમરાંગણે તરુણદિન  આવિયા<br/>

અણદીઠને દેખવા,  અણતગ લેવા તાગ<br/>
સતની સીમો લોપવા, જોબન માંડે જાગ<br/>

લોપવી  સીમ,  અણદીઠને   દેખવું<br/>
તાગવો અતલ દરિયાવ-તળિયે જવું<br/>
ઘૂમવા દિગ્દિગંતો,  શૂળી પર  સૂવું<br/>
આજ યૌવન ચહે  એહ  વિધ  જીવવું<br/>

[[શ્રેણી:ગુજરાતી]]⏎
[[શ્રેણી:ઝવેરચંદ મેઘાણી]]