Difference between revisions 11543 and 16135 on guwikisource

{{header
 | title      = આપણી રાત
 | author     = મણિશંકર રત્નજી ભટ્ટ-'કાન્ત'
 | translator = 
 | section    = 
 | previous   = 
 | next       = 
 | notes      = 
}}
<poem>⏎
આપણી રાત શરદ પુનમની રઢિયાળી સદા,<br\>
મને સાંભરે આપણી રાત સખી! <br\>
હસે આકાશે ચંદ્રમા તારા લસે, <br\>
મને સાંભરે આપણી રાત સખી! 

વદને નવજીવન નૂર હતું, <br\>
નયને પ્રણયામૃત પૂર હતું,<br\>
હૃદયે રસમાં ચકચૂર હતું ,<br\>
મને સાંભરે આપણી રાત સખી! 

ન્હાતાં ન્હાતાં પ્રકાશમાં પ્રેમી તણી,<br\>
કીધી વિશ્રબ્ધ વાતો રસીલી ઘણી,<br\>
કલ્પનાની ઈમારત કૈંક ચણી,<br\>
મને સાંભરે આપણી રાત સખી! 

તારું સ્વાર્પણ અંતરમાં જ લહું,<br\>
કથા અદ્ ભૂતએ જઈ કોને કહું,<br\>
સ્મરના જલ મહીં નિમગ્ન રહું,<br\>
મને સાંભરે આપણી રાત સખી! 

રાત રૂપાળી રૂડી રસાળી હતી,<br\>
આશકોની અપૂર્વ દિવાળી હતી,<br\>
આખી ઉત્સવ માફક ગાળી હતી!<br\>
મને સાંભરે આપણી રાત સખી! 

પ્રાણો આપણાનો ત્યારે યોગ થયો,<br\>
અંગેઅંગનો ઉત્તમ ભોગ થયો,<br\>
અને આખર આમ વિયોગ થયો,<br\>
મને સાંભરે આપણી રાત સખી! 

હસે આકાશે ચંદ્રમા તારા લસે,<br\>
મને સાંભરે આપણી રાત સખી!<br\>
શરદ પુનમની રઢિયાળી સદા.<br\>
મને સાંભરે આપણી રાત સખી!<br\>

[[શ્રેણી:મણિશંકર રત્નજી ભટ્ટ - કાન્ત]]