Difference between revisions 11805 and 24005 on guwikisource

{{header
 | title      = તલવારનો વારસદાર
 | author     = ઝવેરચંદ મેઘાણી 
 | translator = 
 | section    = 
 | previous   = 
 | next       = 
 | notes      = <center>(ઢાળ : શેના લીધા મ્હારા, શ્યામ! અબોલડા શેના લીધારે ?) </center>
}}<poem>⏎
ભેટે   ઝૂલે   છે  તલવાર<br/>
વીરાજી  કેરી ભેટે ઝૂલે રે<br/>
ભીંતે  ઝૂલે   છે  તલવાર<br/>
બાપુજી કેરી ભીંતે ઝૂલે છે<br/>

મારા  બાપુને  બહેન  બે બે કુંવરિયા<br/>
બે વચ્ચે પાડ્યા છે ભાગ<br/>
હાં રે બેની  બે વચ્ચે પાડ્યા છે ભાગ<br/>
વીરાજી કેરી ભેટે ઝૂલે રે<br/>

મોટે માગી છે મો'લ મ્હેલાતો વાડિયો<br/>
નાને માગી છે તલવાર<br/>
મોટો મહાલે છે મો'લ મેડીની સાયબી<br/>
નાનો ખેલે છે શિકાર<br/>

મોટો  ચડિયો  છે કંઈ હાથી અંબાડિયે<br/>
નાનેરો ઘોડે અસવાર<br/>
મોટો   કઢે  છે  રોજ  કાવા  કસૂંબલા<br/>
નાનેરો ઘૂમે ઘમસાણ<br/>

મોટો  પોઢે  છે  લાલ રંગીલે  ઢોલિયે<br/>
નાનો ડુંગરડાની ધાર<br/>
મોટો  મઢાવે  વેઢ  વીંટી  ને  હારલાં<br/>
નાનો સજાવે તલવાર<br/>

મોટાને  સોહે  હીર-જરિયાની  આંગડી<br/>
નાનાને ગેંડાની ઢાલ<br/>
મોટો  સંતાય  સુણી   શત્રુના  રીડિયા<br/>
નાનેરો દ્યે છે પડકાર<br/>

મોટો ભાગ્યો  છે  સેન શત્રુનાં ભાળતાં<br/>
નાનેરો ઝીંકે છે ઘાવ<br/>
મોટો  જીવ્યો  છે પાય શત્રુના પૂજતો<br/>
નાનેરો સૂતો સંગ્રામ<br/>

મોટે  રે  માડી  તારી   કુખો  લજાવી<br/>
નાને ઉજાળ્યા અવતાર<br/>
મોટાના મોત  ચાર  ડાઘુએ  જાણિયાં<br/>
નાનાની ખાંભી પૂજાય<br/>

ભેટે   ઝૂલે   છે  તલવાર<br/>
વીરાજી  કેરી ભેટે ઝૂલે રે<br/>
ભીંતે  ઝૂલે   છે  તલવાર<br/>
બાપુજી કેરી ભીંતે ઝૂલે છે<br/>

[[શ્રેણી:ઝવેરચંદ મેઘાણી]]