Revision 10556 of "એક જ દે ચિનગારી" on guwikisource

એક જ દે ચિનગારી, મહાનલ !<br/>
એક જ દે ચિનગારી<br/>

ચકમક લોઢું ઘસતાં ઘસતાં ખરચી જિંદગી સારી<br/>
જામગરીમાં તણખો ન પડ્યો, ન ફળી મહેનત મારી<br/>
મહાનલ... એક દે ચિનગારી...<br/>

ચાંદો સળગ્યો, સૂરજ સળગ્યો, સળગી આભઅટારી<br/>
ના સળગી એક સગડી મારી, વાત વિપતની ભારી<br/>
મહાનલ... એક દે ચિનગારી...<br/>

ઠંડીમાં મુજ કાયા થથરે, ખૂટી ધીરજ મારી<br/>
વિશ્વાનલ ! હું અધિક ન માગું, માગું એક ચિનગારી<br/>
મહાનલ... એક દે ચિનગારી...<br/>

[[શ્રેણી:ગુજરાતી]]
[[શ્રેણી:હરિહર ભટ્ટ]]