Revision 10578 of "ઓતરાદા વાયરા ઊઠો" on guwikisource

ઓતરાદા વાયરા ઊઠો ઊઠો હો તમે ઓતરાદા વાયરા ઊઠો<br/>
કૈલાસી  કંદરાની  રૂપેરી  સોડ  થકી ઓતરાદા વાયરા ઊઠો<br/>

ધૂણન્તાં શિવ  જોગમાયાને ડાકલે હાકલ દેતા ઓ વીર ઊઠો<br/>
ભીડ્યા દરવાજાની ભોગળ ભાંગીને તમે પૂરપાટ ઘોડલે છૂટો<br/>

ઓતરાદા વાયરા ઊઠો<br/>

ધરતીના દેહ પરે ચડિયા છે પુંજ પુંજ સડિયેલાં ચીર ધૂળ  કૂંથો<br/>
જોબનના નીર મહીં જામ્યાં શેવાળ ફૂગ  ઝંઝાના વીર તમે ઊઠો<br/>

ઓતરાદા વાયરા ઊઠો<br/>

કોહેલાં પાંદ ફૂલ ફેંકી નાખો રે ભાઈ  કરમાતી કળીઓને ચૂંટો<br/>
થોડી થોડી વાર ભલે બુઝાતા દીવડા ચોર ધાડપાડ ભલે લૂંટો<br/>

ઓતરાદા વાયરા ઊઠો<br/>

છોને છૂંદાય મારી કૂણેરી કૂંપળો  સૂસવતી  શીત  લઈ  છૂટો<br/>
મૂર્છિત વનરાજિનાં ઢંઢોળો માથડાં  ચીરો ચમકાટ એનો જૂઠો<br/>

ઓતરાદા વાયરા ઊઠો<br/>

ઊઠો  કદરૂપ  પ્રેતસૃષ્ટિના  રાજવી  ફરી  એક વાર ભાંગ ઘૂંટો<br/>
ભૂરિયાં લટૂરિયાંની આંધીઓ ઉરાડતા  હુહુકાર સ્વરે કાળ ઊઠો<br/>

ઓતરાદા વાયરા ઊઠો<br/>

કવિઓના લાડકડા મલયાનિલ મંદ મંદ રહેજે ચંદનની ગોદ સૂતો<br/>
નથી નથી પર્વ પુષ્પન્ધવાનું આજ ઘોર વિપ્લવના  ઢોલડાં ધડૂકો<br/>

ઓતરાદા વાયરા ઊઠો<br/>

[[શ્રેણી:ગુજરાતી]]
[[શ્રેણી:ઝવેરચંદ મેઘાણી]]