Revision 10599 of "કવિ તને કેમ ગમે ?" on guwikisource

ધરતીને પટે ડગલે પગલે<br/>
મૂઠી ધાન વિના નાનાં બાળ મરે<br/>
પ્રભુહીન આકાશેથી આગ ઝરે<br/>
અહોરાત કરોડ ગરીબોના પ્રાણ<br/>
ધનિકોને હાથ રમે<br/>
ત્યારે હાય રે હાય, કવિ !<br/>
તને પૃથ્વી ને પાણી તણાં શેણે ગીત ગમે ?<br/>

લથડી લથડી ડગલાં ભરતી<br/>
લાખો નાર ગલી ગલીએ ફરતી<br/>
સારી રાત ભૂખે મજૂરી કરતી<br/>
મારા બાળ પરોઢિયે જાગીને માગશે<br/>
ભાત વિચારી એ દેહ દમે<br/>
ત્યારે હાય રે હાય, કવિ !<br/>
તને સંધ્યા ને તારકનાં શેણે ગીત ગમે ?<br/>

મન ! છોડ નિહાળવા તારલિયા<br/>
કાળાં કેદખાના કેરા સળિયા<br/>
એનાં ક્રંદન શું નથી સાંભળિયાં ?<br/>
એની ભીતર મૌન એકાકી રિબાઈ<br/>
હજારોના પ્રાણ શમે<br/>
ત્યારે હાય રે હાય, કવિ !<br/>
તુંને સાગરતીર કેરાં શેણે ગીત ગમે ?<br/>

મહારોગ ને મૃત્યુના સાગરમાં<br/>
લાખો ચીસ નિશ્વાસભર્યાં જગમાં<br/>
સિતમે સળગંત ધરા તલમાં<br/>
રસ સુંદરતા કેરી શાયરી છે બધી <br/>
જાળ સુનેરી ભૂખ્યાં જનોને<br/>
ત્યારે હાય રે હાય, કવિ !<br/>
તુંને શબ્દોની ચાતુરી ગૂંથવી કેમ ગમે ?<br/>

દિનરાત જેઓની નસેનસમાં<br/>
પડે છે ઘોષ ભયંકર યંત્ર તણા<br/>
પીએ ઝેરી હવા જે દમદમમાં<br/>
એને શાયર શું ? કવિતા શું ? <br/>
ફૂલો ને તારલિયામાં એ કેમ રમે ?<br/>
ત્યારે હાય રે હાય, કવિ !<br/>
તુંને કૃષ્ણ કનૈયાની બંસરી કેમ ગમે ?<br/>

સારા વિશ્વની જે દી ક્ષુધા શમશે<br/>
ભૂખ્યાં બાળુડાં પેટ ભરી જમશે<br/>
પૂરી રોટી પ્રતિજનને જડશે<br/>
કવિ ! તે દિન નીલ આકાશ તારા<br/>
કેરી સુંદરતા સહુ સાર્થ બને<br/>
તારા કૂજન આજ જલાવી દે<br/>
પ્રાણ ! રે દંભ ગાવા તને કેમ ગમે ? <br/>

[[શ્રેણી:ગુજરાતી]]
[[શ્રેણી:ઝવેરચંદ મેઘાણી]]