Revision 10650 of "ગઝલ-કલાપી" on guwikisource

કટાયેલું અને બુઠું ઘસીને તીક્ષ્ણ તેં કીધું<br/>
કર્યું પાછું હતું તેવું, અરે દિલબર! હ્ર્દય મારું!<br/>
ગમીના જામ પી હરદમ, ધરી માશૂક! તને ગરદન;<br/>
ન ખંજરથી કર્યા ટુકડા, ન જામે ઈશ્ક પાયો વા!<br/>

પછી બસ મસ્ત દિલ કીધું, ઉઘાડી ચશ્મ મેં જોયું;<br/>
સિતમગર હોય તું મારો, ખરો ઉસ્તાદ છે પ્યારો!<br/>
ગુલોમેં બાગ ના તોડી, દીધાં સૌ ધૂળમાં ચોળી;<br/>
બિછાનું ખારનું કીધું, ઉપર લોટી રહ્યો તે હું!<br/>

મુબારક હો તમોને આ, તમારા ઈશ્કના રસ્તા;<br/>
હમારો રાહ ન્યારો છે, તમો ને જે ન ફાવ્યો તે!<br/>
તમારા માર્ગમાં મજનૂ અને લૈલી શીરી ફરહાદ-<br/>
ચિરાયેલાં કપાયેલાં, પડ્યાં છે લોહીથી ભીનાં!<br/>

ગુલામો કાયદાના છો, ભલા એ કાયદો કોનો!<br/>
ગુલામો ને કહું હું શું? હમારા રાહ ન્યારા છે!<br/>
મને ઘેલો કહી, લોકો! હજારો નામ આપે છે;<br/>
હમો મનસૂરના ચેલા, ખુદાથી ખેલ કરનારા!<br/>

નહિ જાહોજલાલીના,નહિ કીર્તિ, ન ઉલ્ફતના-<br/>
હમે લોભી છીએ, ના, ના! હમારા રાહ ન્યારા છે!<br/>
તમારી બેવફાઈના, હરામી ને હલાલીના-<br/>
ચીર્યા પડદા હમે ન્યારા, હમારા રાહ ન્યારા છે!<br/>

હમે મગરૂર મસ્તાના, બિયાબામાં રઝળનારા!<br/>
ખરા મહબૂબ સિંહો ત્યાં હમારા રાહ છે ન્યારા!<br/>
કુરંગો જ્યાં કૂદે ભોળાં, પરિંદાના ઊડે ટોળાં;<br/>
કબૂતર ઘુઘવે છે જ્યાં, હમારા મ્હેલ ઉભા ત્યાં.<br/>

લવે છે બેત નદીઓ જ્યાં,ગઝલ હરખત રહ્યાં ગાતાં;<br/>
હમે ત્યાં નાચતા૬ નાગા, હમારા રાહ છે ન્યારા!<br/>
તમારા કૃષ્ણ ને મોહમદ તમારા માધ, કાલિદાસ;<br/>
બિરાદર એ બધાં મારા, હમારા રાહ છે ન્યારા!<br/>

હતાં મહેતો અને મીરાં, ખરાં ઈલ્મી, ખરાં શૂરાં;<br/>
હમારા કાફલામાં એ, મુસાફર બે હતાં પૂરાં!<br/>
પૂજારી એ હમારાં ને હમો તો પૂજતા તેને;<br/>
હમારાં એ હતાં માશૂક, હમો તેના હતા દિલબર!<br/>

તમારા રાહજદ્વારોના ખૂની ભપકા નથી ગમતાં;<br/>
મતલબની મુરવ્વત ત્યાં, ખુશામદના ખજાના જ્યાં!<br/>
હમો તમને નથી અડતાં, હમોને છેડશો કો ના!<br/>
લગાવી શૂલ હૈયે મે, નિચોવી પ્રેમ દીધો છે!<br/>

હવાઈ મ્હેલના વાસી, હમે એકાન્તદુ:ખવાહી!<br/>
હમોને શોખ મરવાનો, હમારો રાહ છે ન્યારો!<br/>
ખુવારીમાં જ મસ્તી છે, તમે ના સ્વાદ ચાખ્યો એ;<br/>
હમોને તો જગત ખારું થઈ ચૂક્યું થઈ ચૂક્યું !<br/>

[[શ્રેણી:ગુજરાતી]]
[[શ્રેણી:સુરસિંહજી તખ્તસિંહજી ગોહિલ - કલાપી]]
[[શ્રેણી:કલાપીના કાવ્યો]]