Revision 10655 of "ગરજ હોય તો આવ ગોતવા" on guwikisource

ગરજ હોય તો આવ ગોતવા, <br/>
હું શીદ આવું હાથ, હરિ ! <br/>
ખોજ મને જો હોય ખેવના, <br/>
હું શીદ સ્હેલ ઝલાઉં, હરિ ! <br/>

ગેબ તણી સંતાકુકડીમાં <br/>
દાવ તમારે શિર, હરિ ! <br/>
કાળાન્તરથી દોડી રહ્યા છો <br/>
તોય ન ફાવ્યા કેમ, હરિ ! <br/>

સૂફીઓ ને સખી ભક્તો ભૂલ્યા, <br/>
વલવલિયા સૌ વ્યર્થ, હરિ ! <br/>
‘સનમ! સનમ!’ કહીને કો' રઝળ્યા <br/>
કોઈ ‘પિયુ! પિયુ!’ સાદ કરી <br/>

પોતાને પતિતો દુષ્ટો કહી <br/>
અપમાને નિજ જાત, હરિ ! <br/>
એ માંહેનો મને ન માનીશ, <br/>
હું સમવડ રમનાર, હરિ ! <br/>

તલસાટો મુજ અંતર કેરા <br/>
દાખવું તો મને ધિક, હરિ ! <br/>
પતો ન મારો તને બતાવું <br/>
હું-તું છો નજદીક, હરિ ! <br/>

મારે કાજે તુજ તલસાટો <br/>
હવે અજાણ્યા નથી, હરિ ! <br/>
હું રિસાયલને તું મનવે <br/>
વિધવિધ રીતે મથી, હરિ !<br/> 

પવન બની તું મારે દ્વારે <br/>
મધરાતે ઘુમરાય, હરિ ! <br/>
મેઘ બનીને મધરો મધરો <br/>
ગાણાં મારાં ગાય, હરિ ! <br/>

વૈશાખી બળબળતાં વનમાં <br/>
દીઠા ડાળેડાળ ભરી, <br/>
લાલ હીંગોળી આંગળીઆળા <br/>
તારા હાથ હજાર, હરિ ! <br/>

માછલડું બનીને તેં મુજને <br/>
ખોળ્યો પ્રલયની માંય, હરિ ! <br/>
હું બન્યો કાદવ, તું બની <br/>
ડુક્કર રગદોળાયો — શરમ, હરિ ! <br/>

પથ્થર લક્કડ પશુ પંખી થૈ <br/>
નજર તમારી ચુકાવી, હરિ ! <br/>
માનવ થઈ પડું હાથ હવે, <br/>
તો જગ કહેશે, ગયો ફાવી, હરિ ! <br/>

લખ ચોરાશીને ચકરાવે <br/>
ભમી ભમી ઢુંઢણહાર, હરિ ! <br/>
ડાહ્યો થૈ કાં દાવ પૂરો દે, <br/>
કાં તો હાર સ્વીકાર, હરિ !<br/>

[[શ્રેણી:ગુજરાતી]]
[[શ્રેણી:ઝવેરચંદ મેઘાણી]]