Revision 10661 of "ગારુડી ધર્મતર્કટ તણા" on guwikisource

અમે પ્રેમિકો હાડપિંજર તણા<br/>
પૂજારી સડેલા  ક્લેવર તણા<br/>
	
અમે માનવીને પશુ સમ નચવીએ<br/>
પ્રભુ શબ્દ બોલીને પંખી પઢવીએ<br/>
પૂરી અંધને સ્વર્ગ ચાવી અપવીએ<br/>
	
અમે ગારુડી ધર્મતર્કટ તણા<br/>
મદારી ખરા લોકમર્કટ તણા<br/>
	
અમે  દેવમૂર્તિની માંડી  દુકાનો<br/>
કિફાયત દરે વેચીએ બ્રહ્મજ્ઞાનો<br/>
પ્રભુધામ કેરા ઉડવીએ વિમાનો<br/>
	
અમે પાવકો પાપગામી તણા<br/>
પ્રવાહો રૂડા પુણ્ય ગંગા તણા<br/>
	
અમે ભોગના પૂતળાં  તોયે ત્યાગી<br/>
છીએ રાગમાં  રક્ત  તોયે વિરાગી<br/>
સદા જળકમળવત્ અદોષ અદાગી<br/>
	
અમે દીવડાં દિવ્યજ્યોતિ તણા<br/>
શરણધામ માનવફુદાઓ તણા<br/>
	
અમારી બધી લાલસાઓની  તૃપ્તિ<br/>
થકી  પામરો  મેળવો  સદા મુક્તિ<br/>
સમર્પણ મહીં માનજો સાચી ભક્તિ<br/>
	
અમે તો ખપર વાસનાઓ તણા<br/>
ભ્રમર અંધશ્રદ્ધાની  બાંગો તણા<br/>
	
શ્રીમંતો સ્ત્રીઓ વહેમીઓના બનેલા<br/>
ઊભા જો અમારા અડગ કોટકિલ્લા<br/>
વૃથા  છે  સુવિદ્યા તણા સર્વ હલ્લા<br/>
	
અમે  શત્રુઓ બુદ્ધિના સત્યના<br/>
અચલ થાંભલા દેશદાસત્વના<br/>

[[શ્રેણી:ગુજરાતી]]
[[શ્રેણી:ઝવેરચંદ મેઘાણી]]