Revision 10684 of "ઘણ રે બોલે ને-" on guwikisource

ઘણ રે બોલે ને

ઘણ રે બોલે ને એરણ સાંભળે હો... જી:<br/>
બંધુડો બોલે ને ભેનડ સાંભળે  હો... જી.

એ જી સાંભળે વેદનાની વાત  - <br/>
વેણે રે વેણે સત-ફૂલડાં ઝરે હો... જી

બહુ દિન ઘદી રે તલવાર,<br/>
ઘદી કાંઈ તોપું નેમનવાર;<br/>
પાંચ-સાત શૂરાના જયકાર<br/>
કાજ ખૂબ ખેલાણા સંહારઃ<br/>
::હો એરણ બ્હેની! - ઘણ રે બોલે ને(૨)

પોકારે પૃથ્વીના કણ કણ કારમાં હો... જી:<br/>
પોકારે    પાણીડાં    પારાવરનાં હો...જી.

જળ-થળ   પોકારે   થરથરી:<br/>
કબરુંની જગ્યા  રહી નવ જરી; <br/>
ભીંસોભીંસ ખાંભીઉં   ખૂબ ભરી;<br/>
હાય, તોય તોપું રહી નવ ચરી:<br/>
::હો એરણ બ્હેની! - ઘણ રે બોલે ને(૩)

ભઠ્ઠીયું જલે રે બળતા પ્હોરની હો... જી<br/>
ધમણ્યું ધમે રે ધખતા પ્હોરની હો... જી

ખન ખન  અંગારે  ઓરણા,<br/>
કસબી ને કારીગર ભરખાણા;<br/>
ક્રોડ  નર  જીવંતા  બફાણા  -<br/>
તોય પૂરા રોટા નવ શેકાણા:<br/>
::હો એરણ બ્હેની! - ઘણ રે બોલે ને(૪)

હથોડા પડે રે આજ જેના હાથના હો... જી:<br/>
તનડાં તૂટે રે આજ જેની કાયનાં હો...જી.

સોઈ નર  હાંફીને આજ ઊભો,<br/>
ઘતદામાં  ઘડે  એક મનસૂબો:<br/>
બાળ મારાં માગે અન્ન કેરી દેગ;<br/>
દેવે કોણ, દાંતરડું  કે  તેગ?<br/>
::હો એરણ બ્હેની! ઘણ રે બોલે ને

આજુથી નવેલાં  ઘડતર માંડ્યાં  હો... જી<br/>
ખડગખાંડાને  કણ કણ ખાંડવા હો....જી

ખાંડી ખાંડી ઘડો હળ કેરાં સાજ!<br/>
ઝીણી રૂડી  દાંતરડીનાં   રાજ<br/>
આજ ખંડ  ખંડમાં     મંડાય,<br/>
એણી પેરે આપણ તેડાં  થાય:<br/>
::હો એરણ બ્હેની! ઘણ રે બોલે ને

ઘડો હો બાળક કેરાં ઘોડિયાં હો...જી<br/>
ઘડો હો વિલાયત નારના ઢોલિયા હો...જી.

ભાઈ મારા! ગાળીને તોપગોળા,<br/>
ઘડો સુઈ મોચીના સંચ બ્હોળા;<br/>
ઘડો   રાંક  રેંટુડાની  આરો,<br/>
ઘડો  દેવ  તંબૂરાના  તારો:<br/>
::હો એરણ બ્હેની! ઘણ રે બોલે ને

ભાંગો, હો ભાંગો રથ રણ જોધના હો...જી:<br/>
પવળડાં ઘડો, હો છોરુડાંના દૂધના હો...જી

ભાઈ મારા લુવારી! ભડ ર્-હેજે,<br/>
આજ છેલ્લી વેળાએ ઘાવ દે જે,<br/>
ઘયે  ઘાયે  સંભાર્યે   ઘટડામાં<br/>
ક્રોડ  ક્રોડ  શોષિતો  દુનિયાનાં :<br/>
::હો એરણ બ્હેની! ઘણ રે બોલે ને

[[શ્રેણી:ગુજરાતી]]
[[શ્રેણી:ઝવેરચંદ મેઘાણી]]