Revision 10750 of "જોઈ લ્યો આ જગતના બાવા" on guwikisource

જોઈ લ્યો આ જગતના બાવા ધર્યો ભેખ ધૂતીને ખાવા<br/>

પ્રેમદાઓ ઘણી પાણી  ભરે ત્યાં બાવોજી જાય નહાવા<br/>
રાંડીછાંડી ઘેર નર  ન હોચ ત્યાં  બાવોજી બેસે  ગાવા<br/>

જોઈ લ્યો આ જગતના બાવા ધર્યો ભેખ ધૂતીને ખાવા<br/>

લોકોનાં છોકરાં તેડી રમાડે બાવો પરાણે પ્રીતડી થાવા<br/>
ગૃહસ્થની સ્ત્રી  રિસાઈ  જાય ત્યારે બાવો જાય મનાવા<br/>

જોઈ લ્યો આ જગતના બાવા ધર્યો ભેખ ધૂતીને ખાવા<br/>

ધૂપ કરે ને વળી ધ્યાન ધરે  બાવો  ભોળાને ભરમાવા<br/>
ભોજો ભગત કહે  ભાવે સેવો  એને  જમપૂરીમાં  જાવા<br/>

જોઈ લ્યો આ જગતના બાવા ધર્યો ભેખ ધૂતીને ખાવા<br/>

*	*	*	*	*

દુનિયા  ભરમાવવા ભોળી હાલ્યો બાવો ભભૂતિ ચોળી<br/>

દોરા ધાગા ને  ચિઠ્ઠી   કરે  બાવો  દે ગુણકારી ગોળી<br/>
અનેક જાતનાં એવાં બને છે  કોઈ કણબી  કોઈ કોળી <br/>

દુનિયા  ભરમાવવા ભોળી હાલ્યો બાવો ભભૂતિ ચોળી<br/>

નિત્ય દર્શન  નિયમ ધરીને  આવે છે તસ્કરિયા ટોળી<br/>
માઈ માઈ કહી માન દિએ પણ  હૈયે કામનાની હોળી<br/>

દુનિયા  ભરમાવવા ભોળી હાલ્યો બાવો ભભૂતિ ચોળી<br/>

ચેલા  ચેલીને  ભેગાં  કરી બાવો ખાય ખાંડ ને પોળી<br/>
ભોજો કહે કે  ભવસાગરમાં  બાવાઓએ માર્યાં  બોળી<br/>

દુનિયા  ભરમાવવા ભોળી હાલ્યો બાવો ભભૂતિ ચોળી<br/>

[[શ્રેણી:ગુજરાતી]]
[[શ્રેણી:ભોજો]]