Revision 10759 of "ઝંડા અજર અમર રહેજે" on guwikisource

તારે ક્યારે કૈંક દુલારે  દિલનાં  શોણિત પાયા<br/>
પુત્રવિજોગી માતાઓનાં નયનઝરણ ઠલવાયાં<br/>
ઝંડા અજર અમર રહેજે<br/>
વધ વધ  આકાશે જાજે<br/>

નહિ કિનખાબ મખમલ મશરૂ  કેરી તારી પતાકા<br/>
નહિ જરી ને હીરભરતના ભભકા તુજ પર ટાંક્યા<br/>
ઝંડા    ભૂખરવો   તોયે<br/>
દિલો કોટિ તુજ પર મોહે<br/>

નીલગગનની નીલપ પીતી ઉન્નત તુજ આંખલડી<br/>
અરૂણ  તણે  કેસરિયે  અંજન બીજી મીટ મદીલી<br/>
ઝંડા    શશી   દેવે   સીંચી<br/>
ત્રિલોચન ધવલ આંખ ત્રીજી<br/>

કુમળાં બાળ કિશોરો બુઝુર્ગો સહુ તુજ કાજે ધાયા<br/>
નર નારી  નિર્ધન ધનવંતો એ સબ ભેદ ભૂલાયા<br/>
ઝંડા   સાહિદ  રહેજે   હો<br/>
રુધિરના બિન્દુ બિન્દુ તણો<br/>

તુજને  ગોદ લઈ  સૂનારાં  મેં  દીઠાં  ટાબરિયાં<br/>
તારાં ગીત તણી મસ્તીમાં ભૂખ તરસ વીસરિયાં<br/>
ઝંડા   કામણ   શા   કરિયાં<br/>
ફિદા થઈ તુજ પાછળ ફરિયાં<br/>

તું સાચું અમ કલ્પતરુવર મુક્તિફળ તુજ ડાળે<br/>
તારી શીત સુગંધ નથી કો માનસસરની પાળે<br/>
ઝંડા  જુગ જુગ પાંગરજે<br/>
સુગંધી ભૂતલ પર ભરજે<br/>

રાષ્ટ્રદેવના  ઘુમ્મટ   ઉપર  ગહેરે નાદ ફરૂકે<br/>
સબ ધર્મોના  એ  રક્ષકને સંત  નૃપાલો  ઝૂકે<br/>
ઝંડા આજ  ન  જે  નમશે<br/>
કાલ તુજ ધૂલિ શિર ધરશે

આઠે પહોર હુંકારા  દેતો  જાગૃત રહે  ઉમંગી<br/>
સાવધ રહેજે પહેરો દેજે અમે ન રહીએ ઊંઘી<br/>
ઝંડા     સ્વરાજના    સંત્રી<br/>
રહો તુજ ઝાલર રણઝણતી<br/>

[[શ્રેણી:ગુજરાતી]]
[[શ્રેણી:ઝવેરચંદ મેઘાણી]]