Revision 11348 of "સ્નેહીનાં સોણલાં" on guwikisource

સ્નેહીનાં સોણલાં આવે સાહેલડી<br/>
ઉરના એકાન્ત મારાં ભડકે બળે<br/>
હૈયાના હેત તો સતાવે સાહેલડી<br/>
આશાની વેલ મારી ઊગી  ઢળે<br/>
ઉરના એકાન્ત મારાં ભડકે બળે<br/>
 
ચડ્યું પૂર મધરાતનું ગાજે ભર સૂનકાર<br/>
ચમકે ચપળા આભમાં<br/>
એવા એવા છે પ્રિયના ચમકાર રે સાહેલડી<br/>
ઉરના એકાન્ત મારાં ભડકે બળે<br/>

ઝરમર ઝરમર મેહુલો વરસે આછે નીર<br/>
ઊને આંસુ નયનો ભીંજે<br/>
એવા એવા ભીંજે મારા ચીર રે સાહેલડી<br/>
ઉરના એકાન્ત મારાં ભડકે બળે<br/>

અવની ભરી વન વન ભરી ઘૂમે ગાઢ અંધાર<br/>
ઝબકે મહીં ધૂણી જોગીની<br/>
એવા એવા છે પ્રિયના ચમકાર રે સાહેલડી<br/>
ઉરના એકાન્ત મારાં ભડકે બળે<br/>

ઝીણી જ્યોતે ઝળહળે પ્રિયનો દીપક લગીર<br/>
પડે પતંગ મહીં જલે<br/>
એવી એવી આત્માની  અધીર રે સાહેલડી<br/>
ઉરના એકાન્ત મારાં ભડકે બળે<br/>

ખૂંચે ફૂલની પાંદડી ખૂંચે ચંદ્રની ધાર<br/>
સ્નેહીના સંભારણાં<br/>
એવાં એવાં ખૂંચે દિલ મોઝાર રે સાહેલડી<br/>
ઉરના એકાન્ત મારાં ભડકે બળે<br/>

[[શ્રેણી:ગુજરાતી]]
[[શ્રેણી:નાનાલાલ]]