Revision 15439 of "શ્રી રામચરિત માનસ/ ઓગણીસમો વિશ્રામ" on guwikisource

મોહિ ઉપદેસુ દીન્હ ગુર નીકા૤ પ્રજા સચિવ સંમત સબહી કા૥<br>
માતુ ઉચિત ધરિ આયસુ દીન્હા૤ અવસિ સીસ ધરિ ચાહઉઁ કીન્હા૥<br>
ગુર પિતુ માતુ સ્વામિ હિત બાની૤ સુનિ મન મુદિત કરિઅ ભલિ જાની૥<br>
ઉચિત કિ અનુચિત કિએઁ બિચારૂ૤ ધરમુ જાઇ સિર પાતક ભારૂ૥<br>
તુમ્હ તૌ દેહુ સરલ સિખ સોઈ૤ જો આચરત મોર ભલ હોઈ૥<br>
જદ્યપિ યહ સમુઝત હઉઁ નીકેં૤ તદપિ હોત પરિતોષુ ન જી કેં૥<br>
અબ તુમ્હ બિનય મોરિ સુનિ લેહૂ૤ મોહિ અનુહરત સિખાવનુ દેહૂ૥<br>
ઊતરુ દેઉઁ છમબ અપરાધૂ૤ દુખિત દોષ ગુન ગનહિં ન સાધૂ૥<br>
<br>
'''દોહા'''- પિતુ સુરપુર સિય રામુ બન કરન કહહુ મોહિ રાજુ૤<br>
એહિ તેં જાનહુ મોર હિત કૈ આપન બડ઼ કાજુ૥૧૭૭૥<br>
<br>
હિત હમાર સિયપતિ સેવકાઈ૤ સો હરિ લીન્હ માતુ કુટિલાઈ૥<br>
મૈં અનુમાનિ દીખ મન માહીં૤ આન ઉપાયઁ મોર હિત નાહીં૥<br>
સોક સમાજુ રાજુ કેહિ લેખેં૤ લખન રામ સિય બિનુ પદ દેખેં૥<br>
બાદિ બસન બિનુ ભૂષન ભારૂ૤ બાદિ બિરતિ બિનુ બ્રહ્મ બિચારૂ૥<br>
સરુજ સરીર બાદિ બહુ ભોગા૤ બિનુ હરિભગતિ જાયઁ જપ જોગા૥<br>
જાયઁ જીવ બિનુ દેહ સુહાઈ૤ બાદિ મોર સબુ બિનુ રઘુરાઈ૥<br>
જાઉઁ રામ પહિં આયસુ દેહૂ૤ એકહિં આઁક મોર હિત એહૂ૥<br>
મોહિ નૃપ કરિ ભલ આપન ચહહૂ૤ સોઉ સનેહ જડ઼તા બસ કહહૂ૥<br>
<br>
'''દોહા'''- કૈકેઈ સુઅ કુટિલમતિ રામ બિમુખ ગતલાજ૤<br>
તુમ્હ ચાહત સુખુ મોહબસ મોહિ સે અધમ કેં રાજ૥૧૭૮૥<br>
<br>
કહઉઁ સાઁચુ સબ સુનિ પતિઆહૂ૤ ચાહિઅ ધરમસીલ નરનાહૂ૥<br>
મોહિ રાજુ હઠિ દેઇહહુ જબહીં૤ રસા રસાતલ જાઇહિ તબહીં૥<br>
મોહિ સમાન કો પાપ નિવાસૂ૤ જેહિ લગિ સીય રામ બનબાસૂ૥<br>
રાયઁ રામ કહુઁ કાનનુ દીન્હા૤ બિછુરત ગમનુ અમરપુર કીન્હા૥<br>
મૈં સઠુ સબ અનરથ કર હેતૂ૤ બૈઠ બાત સબ સુનઉઁ સચેતૂ૥<br>
બિનુ રઘુબીર બિલોકિ અબાસૂ૤ રહે પ્રાન સહિ જગ ઉપહાસૂ૥<br>
રામ પુનીત બિષય રસ રૂખે૤ લોલુપ ભૂમિ ભોગ કે ભૂખે૥<br>
કહઁ લગિ કહૌં હૃદય કઠિનાઈ૤ નિદરિ કુલિસુ જેહિં લહી બડ઼ાઈ૥<br>
<br>
'''દોહા'''- કારન તેં કારજુ કઠિન હોઇ દોસુ નહિ મોર૤<br>
કુલિસ અસ્થિ તેં ઉપલ તેં લોહ કરાલ કઠોર૥૧૭૯૥<br>
<br>
કૈકેઈ ભવ તનુ અનુરાગે૤ પાઁવર પ્રાન અઘાઇ અભાગે૥<br>
જૌં પ્રિય બિરહઁ પ્રાન પ્રિય લાગે૤ દેખબ સુનબ બહુત અબ આગે૥<br>
લખન રામ સિય કહુઁ બનુ દીન્હા૤ પઠઇ અમરપુર પતિ હિત કીન્હા૥<br>
લીન્હ બિધવપન અપજસુ આપૂ૤ દીન્હેઉ પ્રજહિ સોકુ સંતાપૂ૥<br>
મોહિ દીન્હ સુખુ સુજસુ સુરાજૂ૤ કીન્હ કૈકેઈં સબ કર કાજૂ૥<br>
એહિ તેં મોર કાહ અબ નીકા૤ તેહિ પર દેન કહહુ તુમ્હ ટીકા૥<br>
કૈકઈ જઠર જનમિ જગ માહીં૤ યહ મોહિ કહઁ કછુ અનુચિત નાહીં૥<br>
મોરિ બાત સબ બિધિહિં બનાઈ૤ પ્રજા પાઁચ કત કરહુ સહાઈ૥<br>
<br>
'''દોહા'''- ગ્રહ ગ્રહીત પુનિ બાત બસ તેહિ પુનિ બીછી માર૤<br>
તેહિ પિઆઇઅ બારુની કહહુ કાહ ઉપચાર૥૧૮૦૥<br>
<br>
કૈકઇ સુઅન જોગુ જગ જોઈ૤ ચતુર બિરંચિ દીન્હ મોહિ સોઈ૥<br>
દસરથ તનય રામ લઘુ ભાઈ૤ દીન્હિ મોહિ બિધિ બાદિ બડ઼ાઈ૥<br>
તુમ્હ સબ કહહુ કઢ઼ાવન ટીકા૤ રાય રજાયસુ સબ કહઁ નીકા૥<br>
ઉતરુ દેઉઁ કેહિ બિધિ કેહિ કેહી૤ કહહુ સુખેન જથા રુચિ જેહી૥<br>
મોહિ કુમાતુ સમેત બિહાઈ૤ કહહુ કહિહિ કે કીન્હ ભલાઈ૥<br>
મો બિનુ કો સચરાચર માહીં૤ જેહિ સિય રામુ પ્રાનપ્રિય નાહીં૥<br>
પરમ હાનિ સબ કહઁ બડ઼ લાહૂ૤ અદિનુ મોર નહિ દૂષન કાહૂ૥<br>
સંસય સીલ પ્રેમ બસ અહહૂ૤ સબુઇ ઉચિત સબ જો કછુ કહહૂ૥<br>
<br>
'''દોહા'''- રામ માતુ સુઠિ સરલચિત મો પર પ્રેમુ બિસેષિ૤<br>
કહઇ સુભાય સનેહ બસ મોરિ દીનતા દેખિ૥૧૮૧૤<br>
<br>
ગુર બિબેક સાગર જગુ જાના૤ જિન્હહિ બિસ્વ કર બદર સમાના૥<br>
મો કહઁ તિલક સાજ સજ સોઊ૤ ભએઁ બિધિ બિમુખ બિમુખ સબુ કોઊ૥<br>
પરિહરિ રામુ સીય જગ માહીં૤ કોઉ ન કહિહિ મોર મત નાહીં૥<br>
સો મૈં સુનબ સહબ સુખુ માની૤ અંતહુઁ કીચ તહાઁ જહઁ પાની૥<br>
ડરુ ન મોહિ જગ કહિહિ કિ પોચૂ૤ પરલોકહુ કર નાહિન સોચૂ૥<br>
એકઇ ઉર બસ દુસહ દવારી૤ મોહિ લગિ ભે સિય રામુ દુખારી૥<br>
જીવન લાહુ લખન ભલ પાવા૤ સબુ તજિ રામ ચરન મનુ લાવા૥<br>
મોર જનમ રઘુબર બન લાગી૤ ઝૂઠ કાહ પછિતાઉઁ અભાગી૥<br>
<br>
'''દોહા'''- આપનિ દારુન દીનતા કહઉઁ સબહિ સિરુ નાઇ૤<br>
દેખેં બિનુ રઘુનાથ પદ જિય કૈ જરનિ ન જાઇ૥૧૮૨૥<br>
<br>
આન ઉપાઉ મોહિ નહિ સૂઝા૤ કો જિય કૈ રઘુબર બિનુ બૂઝા૥<br>
એકહિં આઁક ઇહઇ મન માહીં૤ પ્રાતકાલ ચલિહઉઁ પ્રભુ પાહીં૥<br>
જદ્યપિ મૈં અનભલ અપરાધી૤ ભૈ મોહિ કારન સકલ ઉપાધી૥<br>
તદપિ સરન સનમુખ મોહિ દેખી૤ છમિ સબ કરિહહિં કૃપા બિસેષી૥<br>
સીલ સકુચ સુઠિ સરલ સુભાઊ૤ કૃપા સનેહ સદન રઘુરાઊ૥<br>
અરિહુક અનભલ કીન્હ ન રામા૤ મૈં સિસુ સેવક જદ્યપિ બામા૥<br>
તુમ્હ પૈ પાઁચ મોર ભલ માની૤ આયસુ આસિષ દેહુ સુબાની૥<br>
જેહિં સુનિ બિનય મોહિ જનુ જાની૤ આવહિં બહુરિ રામુ રજધાની૥<br>
<br>
'''દોહા'''- જદ્યપિ જનમુ કુમાતુ તેં મૈં સઠુ સદા સદોસ૤<br>
આપન જાનિ ન ત્યાગિહહિં મોહિ રઘુબીર ભરોસ૥૧૮૩૥<br>
<br>
ભરત બચન સબ કહઁ પ્રિય લાગે૤ રામ સનેહ સુધાઁ જનુ પાગે૥<br>
લોગ બિયોગ બિષમ બિષ દાગે૤ મંત્ર સબીજ સુનત જનુ જાગે૥<br>
માતુ સચિવ ગુર પુર નર નારી૤ સકલ સનેહઁ બિકલ ભએ ભારી૥<br>
ભરતહિ કહહિ સરાહિ સરાહી૤ રામ પ્રેમ મૂરતિ તનુ આહી૥<br>
તાત ભરત અસ કાહે ન કહહૂ૤ પ્રાન સમાન રામ પ્રિય અહહૂ૥<br>
જો પાવઁરુ અપની જડ઼તાઈ૤ તુમ્હહિ સુગાઇ માતુ કુટિલાઈ૥<br>
સો સઠુ કોટિક પુરુષ સમેતા૤ બસિહિ કલપ સત નરક નિકેતા૥<br>
અહિ અઘ અવગુન નહિ મનિ ગહઈ૤ હરઇ ગરલ દુખ દારિદ દહઈ૥<br>
<br>
'''દોહા'''- અવસિ ચલિઅ બન રામુ જહઁ ભરત મંત્રુ ભલ કીન્હ૤<br>
સોક સિંધુ બૂડ઼ત સબહિ તુમ્હ અવલંબનુ દીન્હ૥૧૮૪૥<br>
<br>
ભા સબ કેં મન મોદુ ન થોરા૤ જનુ ઘન ધુનિ સુનિ ચાતક મોરા૥<br>
ચલત પ્રાત લખિ નિરનઉ નીકે૤ ભરતુ પ્રાનપ્રિય ભે સબહી કે૥<br>
મુનિહિ બંદિ ભરતહિ સિરુ નાઈ૤ ચલે સકલ ઘર બિદા કરાઈ૥<br>
ધન્ય ભરત જીવનુ જગ માહીં૤ સીલુ સનેહુ સરાહત જાહીં૥<br>
કહહિ પરસપર ભા બડ઼ કાજૂ૤ સકલ ચલૈ કર સાજહિં સાજૂ૥<br>
જેહિ રાખહિં રહુ ઘર રખવારી૤ સો જાનઇ જનુ ગરદનિ મારી૥<br>
કોઉ કહ રહન કહિઅ નહિં કાહૂ૤ કો ન ચહઇ જગ જીવન લાહૂ૥<br>
<br>
'''દોહા'''- જરઉ સો સંપતિ સદન સુખુ સુહદ માતુ પિતુ ભાઇ૤<br>
સનમુખ હોત જો રામ પદ કરૈ ન સહસ સહાઇ૥૧૮૫૥<br>
<br>
ઘર ઘર સાજહિં બાહન નાના૤ હરષુ હૃદયઁ પરભાત પયાના૥<br>
ભરત જાઇ ઘર કીન્હ બિચારૂ૤ નગરુ બાજિ ગજ ભવન ભઁડારૂ૥<br>
સંપતિ સબ રઘુપતિ કૈ આહી૤ જૌ બિનુ જતન ચલૌં તજિ તાહી૥<br>
તૌ પરિનામ ન મોરિ ભલાઈ૤ પાપ સિરોમનિ સાઇઁ દોહાઈ૥<br>
કરઇ સ્વામિ હિત સેવકુ સોઈ૤ દૂષન કોટિ દેઇ કિન કોઈ૥<br>
અસ બિચારિ સુચિ સેવક બોલે૤ જે સપનેહુઁ નિજ ધરમ ન ડોલે૥<br>
કહિ સબુ મરમુ ધરમુ ભલ ભાષા૤ જો જેહિ લાયક સો તેહિં રાખા૥<br>
કરિ સબુ જતનુ રાખિ રખવારે૤ રામ માતુ પહિં ભરતુ સિધારે૥<br>
<br>
'''દોહા'''- આરત જનની જાનિ સબ ભરત સનેહ સુજાન૤<br>
કહેઉ બનાવન પાલકીં સજન સુખાસન જાન૥૧૮૬૥<br>
<br>
ચક્ક ચક્કિ જિમિ પુર નર નારી૤ ચહત પ્રાત ઉર આરત ભારી૥<br>
જાગત સબ નિસિ ભયઉ બિહાના૤ ભરત બોલાએ સચિવ સુજાના૥<br>
કહેઉ લેહુ સબુ તિલક સમાજૂ૤ બનહિં દેબ મુનિ રામહિં રાજૂ૥<br>
બેગિ ચલહુ સુનિ સચિવ જોહારે૤ તુરત તુરગ રથ નાગ સઁવારે૥<br>
અરુંધતી અરુ અગિનિ સમાઊ૤ રથ ચઢ઼િ ચલે પ્રથમ મુનિરાઊ૥<br>
બિપ્ર બૃંદ ચઢ઼િ બાહન નાના૤ ચલે સકલ તપ તેજ નિધાના૥<br>
નગર લોગ સબ સજિ સજિ જાના૤ ચિત્રકૂટ કહઁ કીન્હ પયાના૥<br>
સિબિકા સુભગ ન જાહિં બખાની૤ ચઢ઼િ ચઢ઼િ ચલત ભઈ સબ રાની૥<br>
<br>
'''દોહા'''- સૌંપિ નગર સુચિ સેવકનિ સાદર સકલ ચલાઇ૤<br>
સુમિરિ રામ સિય ચરન તબ ચલે ભરત દોઉ ભાઇ૥૧૮૭૥<br>
<br>
રામ દરસ બસ સબ નર નારી૤ જનુ કરિ કરિનિ ચલે તકિ બારી૥<br>
બન સિય રામુ સમુઝિ મન માહીં૤ સાનુજ ભરત પયાદેહિં જાહીં૥<br>
દેખિ સનેહુ લોગ અનુરાગે૤ ઉતરિ ચલે હય ગય રથ ત્યાગે૥<br>
જાઇ સમીપ રાખિ નિજ ડોલી૤ રામ માતુ મૃદુ બાની બોલી૥<br>
તાત ચઢ઼હુ રથ બલિ મહતારી૤ હોઇહિ પ્રિય પરિવારુ દુખારી૥<br>
તુમ્હરેં ચલત ચલિહિ સબુ લોગૂ૤ સકલ સોક કૃસ નહિં મગ જોગૂ૥<br>
સિર ધરિ બચન ચરન સિરુ નાઈ૤ રથ ચઢ઼િ ચલત ભએ દોઉ ભાઈ૥<br>
તમસા પ્રથમ દિવસ કરિ બાસૂ૤ દૂસર ગોમતિ તીર નિવાસૂ૥<br>
<br>
'''દોહા'''- પય અહાર ફલ અસન એક નિસિ ભોજન એક લોગ૤<br>
કરત રામ હિત નેમ બ્રત પરિહરિ ભૂષન ભોગ૥૧૮૮૥<br>
<br>
સઈ તીર બસિ ચલે બિહાને૤ સૃંગબેરપુર સબ નિઅરાને૥<br>
સમાચાર સબ સુને નિષાદા૤ હૃદયઁ બિચાર કરઇ સબિષાદા૥<br>
કારન કવન ભરતુ બન જાહીં૤ હૈ કછુ કપટ ભાઉ મન માહીં૥<br>
જૌં પૈ જિયઁ ન હોતિ કુટિલાઈ૤ તૌ કત લીન્હ સંગ કટકાઈ૥<br>
જાનહિં સાનુજ રામહિ મારી૤ કરઉઁ અકંટક રાજુ સુખારી૥<br>
ભરત ન રાજનીતિ ઉર આની૤ તબ કલંકુ અબ જીવન હાની૥<br>
સકલ સુરાસુર જુરહિં જુઝારા૤ રામહિ સમર ન જીતનિહારા૥<br>
કા આચરજુ ભરતુ અસ કરહીં૤ નહિં બિષ બેલિ અમિઅ ફલ ફરહીં૥<br>
<br>
'''દોહા'''- અસ બિચારિ ગુહઁ ગ્યાતિ સન કહેઉ સજગ સબ હોહુ૤<br>
હથવાઁસહુ બોરહુ તરનિ કીજિઅ ઘાટારોહુ૥૧૮૯૥<br>
<br>
હોહુ સઁજોઇલ રોકહુ ઘાટા૤ ઠાટહુ સકલ મરૈ કે ઠાટા૥<br>
સનમુખ લોહ ભરત સન લેઊઁ૤ જિઅત ન સુરસરિ ઉતરન દેઊઁ૥<br>
સમર મરનુ પુનિ સુરસરિ તીરા૤ રામ કાજુ છનભંગુ સરીરા૥<br>
ભરત ભાઇ નૃપુ મૈ જન નીચૂ૤ બડ઼ેં ભાગ અસિ પાઇઅ મીચૂ૥<br>
સ્વામિ કાજ કરિહઉઁ રન રારી૤ જસ ધવલિહઉઁ ભુવન દસ ચારી૥<br>
તજઉઁ પ્રાન રઘુનાથ નિહોરેં૤ દુહૂઁ હાથ મુદ મોદક મોરેં૥<br>
સાધુ સમાજ ન જાકર લેખા૤ રામ ભગત મહુઁ જાસુ ન રેખા૥<br>
જાયઁ જિઅત જગ સો મહિ ભારૂ૤ જનની જૌબન બિટપ કુઠારૂ૥<br>
<br>
'''દોહા'''- બિગત બિષાદ નિષાદપતિ સબહિ બઢ઼ાઇ ઉછાહુ૤<br>
સુમિરિ રામ માગેઉ તુરત તરકસ ધનુષ સનાહુ૥૧૯૦૥<br>
<br>
બેગહુ ભાઇહુ સજહુ સઁજોઊ૤ સુનિ રજાઇ કદરાઇ ન કોઊ૥<br>
ભલેહિં નાથ સબ કહહિં સહરષા૤ એકહિં એક બઢ઼ાવઇ કરષા૥<br>
ચલે નિષાદ જોહારિ જોહારી૤ સૂર સકલ રન રૂચઇ રારી૥<br>
સુમિરિ રામ પદ પંકજ પનહીં૤ ભાથીં બાઁધિ ચઢ઼ાઇન્હિ ધનહીં૥<br>
અઁગરી પહિરિ કૂઁડ઼િ સિર ધરહીં૤ ફરસા બાઁસ સેલ સમ કરહીં૥<br>
એક કુસલ અતિ ઓડ઼ન ખાઁડ઼ે૤ કૂદહિ ગગન મનહુઁ છિતિ છાઁડ઼ે૥<br>
નિજ નિજ સાજુ સમાજુ બનાઈ૤ ગુહ રાઉતહિ જોહારે જાઈ૥<br>
દેખિ સુભટ સબ લાયક જાને૤ લૈ લૈ નામ સકલ સનમાને૥<br>
<br>
'''દોહા'''- ભાઇહુ લાવહુ ધોખ જનિ આજુ કાજ બડ઼ મોહિ૤<br>
સુનિ સરોષ બોલે સુભટ બીર અધીર ન હોહિ૥૧૯૧૥<br>
<br>
રામ પ્રતાપ નાથ બલ તોરે૤ કરહિં કટકુ બિનુ ભટ બિનુ ઘોરે૥<br>
જીવત પાઉ ન પાછેં ધરહીં૤ રુંડ મુંડમય મેદિનિ કરહીં૥<br>
દીખ નિષાદનાથ ભલ ટોલૂ૤ કહેઉ બજાઉ જુઝાઊ ઢોલૂ૥<br>
એતના કહત છીંક ભઇ બાઁએ૤ કહેઉ સગુનિઅન્હ ખેત સુહાએ૥<br>
બૂઢ઼ુ એકુ કહ સગુન બિચારી૤ ભરતહિ મિલિઅ ન હોઇહિ રારી૥<br>
રામહિ ભરતુ મનાવન જાહીં૤ સગુન કહઇ અસ બિગ્રહુ નાહીં૥<br>
સુનિ ગુહ કહઇ નીક કહ બૂઢ઼ા૤ સહસા કરિ પછિતાહિં બિમૂઢ઼ા૥<br>
ભરત સુભાઉ સીલુ બિનુ બૂઝેં૤ બડ઼િ હિત હાનિ જાનિ બિનુ જૂઝેં૥<br>
<br>
'''દોહા'''- ગહહુ ઘાટ ભટ સમિટિ સબ લેઉઁ મરમ મિલિ જાઇ૤<br>
બૂઝિ મિત્ર અરિ મધ્ય ગતિ તસ તબ કરિહઉઁ આઇ૥૧૯૨૥<br>
<br>
લખન સનેહુ સુભાયઁ સુહાએઁ૤ બૈરુ પ્રીતિ નહિં દુરઇઁ દુરાએઁ૥<br>
અસ કહિ ભેંટ સઁજોવન લાગે૤ કંદ મૂલ ફલ ખગ મૃગ માગે૥<br>
મીન પીન પાઠીન પુરાને૤ ભરિ ભરિ ભાર કહારન્હ આને૥<br>
મિલન સાજુ સજિ મિલન સિધાએ૤ મંગલ મૂલ સગુન સુભ પાએ૥<br>
દેખિ દૂરિ તેં કહિ નિજ નામૂ૤ કીન્હ મુનીસહિ દંડ પ્રનામૂ૥<br>
જાનિ રામપ્રિય દીન્હિ અસીસા૤ ભરતહિ કહેઉ બુઝાઇ મુનીસા૥<br>
રામ સખા સુનિ સંદનુ ત્યાગા૤ ચલે ઉતરિ ઉમગત અનુરાગા૥<br>
ગાઉઁ જાતિ ગુહઁ નાઉઁ સુનાઈ૤ કીન્હ જોહારુ માથ મહિ લાઈ૥<br>
<br>
'''દોહા'''- કરત દંડવત દેખિ તેહિ ભરત લીન્હ ઉર લાઇ૤<br>
મનહુઁ લખન સન ભેંટ ભઇ પ્રેમ ન હૃદયઁ સમાઇ૥૧૯૩૥<br>
<br>
ભેંટત ભરતુ તાહિ અતિ પ્રીતી૤ લોગ સિહાહિં પ્રેમ કૈ રીતી૥<br>
ધન્ય ધન્ય ધુનિ મંગલ મૂલા૤ સુર સરાહિ તેહિ બરિસહિં ફૂલા૥<br>
લોક બેદ સબ ભાઁતિહિં નીચા૤ જાસુ છાઁહ છુઇ લેઇઅ સીંચા૥<br>
તેહિ ભરિ અંક રામ લઘુ ભ્રાતા૤ મિલત પુલક પરિપૂરિત ગાતા૥<br>
રામ રામ કહિ જે જમુહાહીં૤ તિન્હહિ ન પાપ પુંજ સમુહાહીં૥<br>
યહ તૌ રામ લાઇ ઉર લીન્હા૤ કુલ સમેત જગુ પાવન કીન્હા૥<br>
કરમનાસ જલુ સુરસરિ પરઈ૤ તેહિ કો કહહુ સીસ નહિં ધરઈ૥<br>
ઉલટા નામુ જપત જગુ જાના૤ બાલમીકિ ભએ બ્રહ્મ સમાના૥<br>
<br>
'''દોહા'''- સ્વપચ સબર ખસ જમન જડ઼ પાવઁર કોલ કિરાત૤<br>
રામુ કહત પાવન પરમ હોત ભુવન બિખ્યાત૥૧૯૪૥<br>
<br>
નહિં અચિરજુ જુગ જુગ ચલિ આઈ૤ કેહિ ન દીન્હિ રઘુબીર બડ઼ાઈ૥<br>
રામ નામ મહિમા સુર કહહીં૤ સુનિ સુનિ અવધલોગ સુખુ લહહીં૥<br>
રામસખહિ મિલિ ભરત સપ્રેમા૤ પૂઁછી કુસલ સુમંગલ ખેમા૥<br>
દેખિ ભરત કર સીલ સનેહૂ૤ ભા નિષાદ તેહિ સમય બિદેહૂ૥<br>
સકુચ સનેહુ મોદુ મન બાઢ઼ા૤ ભરતહિ ચિતવત એકટક ઠાઢ઼ા૥<br>
ધરિ ધીરજુ પદ બંદિ બહોરી૤ બિનય સપ્રેમ કરત કર જોરી૥<br>
કુસલ મૂલ પદ પંકજ પેખી૤ મૈં તિહુઁ કાલ કુસલ નિજ લેખી૥<br>
અબ પ્રભુ પરમ અનુગ્રહ તોરેં૤ સહિત કોટિ કુલ મંગલ મોરેં૥<br>
<br>
'''દોહા'''- સમુઝિ મોરિ કરતૂતિ કુલુ પ્રભુ મહિમા જિયઁ જોઇ૤<br>
જો ન ભજઇ રઘુબીર પદ જગ બિધિ બંચિત સોઇ૥૧૯૫૥<br>
<br>
કપટી કાયર કુમતિ કુજાતી૤ લોક બેદ બાહેર સબ ભાઁતી૥<br>
રામ કીન્હ આપન જબહી તેં૤ ભયઉઁ ભુવન ભૂષન તબહી તેં૥<br>
દેખિ પ્રીતિ સુનિ બિનય સુહાઈ૤ મિલેઉ બહોરિ ભરત લઘુ ભાઈ૥<br>
કહિ નિષાદ નિજ નામ સુબાનીં૤ સાદર સકલ જોહારીં રાનીં૥<br>
જાનિ લખન સમ દેહિં અસીસા૤ જિઅહુ સુખી સય લાખ બરીસા૥<br>
નિરખિ નિષાદુ નગર નર નારી૤ ભએ સુખી જનુ લખનુ નિહારી૥<br>
કહહિં લહેઉ એહિં જીવન લાહૂ૤ ભેંટેઉ રામભદ્ર ભરિ બાહૂ૥<br>
સુનિ નિષાદુ નિજ ભાગ બડ઼ાઈ૤ પ્રમુદિત મન લઇ ચલેઉ લેવાઈ૥<br>
<br>
'''દોહા'''- સનકારે સેવક સકલ ચલે સ્વામિ રુખ પાઇ૤<br>
ઘર તરુ તર સર બાગ બન બાસ બનાએન્હિ જાઇ૥૧૯૬૥<br>
<br>
સૃંગબેરપુર ભરત દીખ જબ૤ ભે સનેહઁ સબ અંગ સિથિલ તબ૥<br>
સોહત દિએઁ નિષાદહિ લાગૂ૤ જનુ તનુ ધરેં બિનય અનુરાગૂ૥<br>
એહિ બિધિ ભરત સેનુ સબુ સંગા૤ દીખિ જાઇ જગ પાવનિ ગંગા૥<br>
રામઘાટ કહઁ કીન્હ પ્રનામૂ૤ ભા મનુ મગનુ મિલે જનુ રામૂ૥<br>
કરહિં પ્રનામ નગર નર નારી૤ મુદિત બ્રહ્મમય બારિ નિહારી૥<br>
કરિ મજ્જનુ માગહિં કર જોરી૤ રામચંદ્ર પદ પ્રીતિ ન થોરી૥<br>
ભરત કહેઉ સુરસરિ તવ રેનૂ૤ સકલ સુખદ સેવક સુરધેનૂ૥<br>
જોરિ પાનિ બર માગઉઁ એહૂ૤ સીય રામ પદ સહજ સનેહૂ૥<br>
<br>
'''દોહા'''- એહિ બિધિ મજ્જનુ ભરતુ કરિ ગુર અનુસાસન પાઇ૤<br>
માતુ નહાનીં જાનિ સબ ડેરા ચલે લવાઇ૥૧૯૭૥<br>
<br>
જહઁ તહઁ લોગન્હ ડેરા કીન્હા૤ ભરત સોધુ સબહી કર લીન્હા૥<br>
સુર સેવા કરિ આયસુ પાઈ૤ રામ માતુ પહિં ગે દોઉ ભાઈ૥<br>
ચરન ચાઁપિ કહિ કહિ મૃદુ બાની૤ જનનીં સકલ ભરત સનમાની૥<br>
ભાઇહિ સૌંપિ માતુ સેવકાઈ૤ આપુ નિષાદહિ લીન્હ બોલાઈ૥<br>
ચલે સખા કર સોં કર જોરેં૤ સિથિલ સરીર સનેહ ન થોરેં૥<br>
પૂઁછત સખહિ સો ઠાઉઁ દેખાઊ૤ નેકુ નયન મન જરનિ જુડ઼ાઊ૥<br>
જહઁ સિય રામુ લખનુ નિસિ સોએ૤ કહત ભરે જલ લોચન કોએ૥<br>
ભરત બચન સુનિ ભયઉ બિષાદૂ૤ તુરત તહાઁ લઇ ગયઉ નિષાદૂ૥<br>
<br>
'''દોહા'''- જહઁ સિંસુપા પુનીત તર રઘુબર કિય બિશ્રામુ૤<br>
અતિ સનેહઁ સાદર ભરત કીન્હેઉ દંડ પ્રનામુ૥૧૯૮૥<br>
<br>
કુસ સાઁથરીíનિહારિ સુહાઈ૤ કીન્હ પ્રનામુ પ્રદચ્છિન જાઈ૥<br>
ચરન રેખ રજ આઁખિન્હ લાઈ૤ બનઇ ન કહત પ્રીતિ અધિકાઈ૥<br>
કનક બિંદુ દુઇ ચારિક દેખે૤ રાખે સીસ સીય સમ લેખે૥<br>
સજલ બિલોચન હૃદયઁ ગલાની૤ કહત સખા સન બચન સુબાની૥<br>
શ્રીહત સીય બિરહઁ દુતિહીના૤ જથા અવધ નર નારિ બિલીના૥<br>
પિતા જનક દેઉઁ પટતર કેહી૤ કરતલ ભોગુ જોગુ જગ જેહી૥<br>
સસુર ભાનુકુલ ભાનુ ભુઆલૂ૤ જેહિ સિહાત અમરાવતિપાલૂ૥<br>
પ્રાનનાથુ રઘુનાથ ગોસાઈ૤ જો બડ઼ હોત સો રામ બડ઼ાઈ૥<br>
<br>
'''દોહા'''- પતિ દેવતા સુતીય મનિ સીય સાઁથરી દેખિ૤<br>
બિહરત હ્રદઉ ન હહરિ હર પબિ તેં કઠિન બિસેષિ૥૧૯૯૥<br>
<br>
લાલન જોગુ લખન લઘુ લોને૤ ભે ન ભાઇ અસ અહહિં ન હોને૥<br>
પુરજન પ્રિય પિતુ માતુ દુલારે૤ સિય રઘુબરહિ પ્રાનપિઆરે૥<br>
મૃદુ મૂરતિ સુકુમાર સુભાઊ૤ તાત બાઉ તન લાગ ન કાઊ૥<br>
તે બન સહહિં બિપતિ સબ ભાઁતી૤ નિદરે કોટિ કુલિસ એહિં છાતી૥<br>
રામ જનમિ જગુ કીન્હ ઉજાગર૤ રૂપ સીલ સુખ સબ ગુન સાગર૥<br>
પુરજન પરિજન ગુર પિતુ માતા૤ રામ સુભાઉ સબહિ સુખદાતા૥<br>
બૈરિઉ રામ બડ઼ાઈ કરહીં૤ બોલનિ મિલનિ બિનય મન હરહીં૥<br>
સારદ કોટિ કોટિ સત સેષા૤ કરિ ન સકહિં પ્રભુ ગુન ગન લેખા૥<br>
<br>
'''દોહા'''- સુખસ્વરુપ રઘુબંસમનિ મંગલ મોદ નિધાન૤<br>
તે સોવત કુસ ડાસિ મહિ બિધિ ગતિ અતિ બલવાન૥૨૦૦૥<br>

રામ સુના દુખુ કાન ન કાઊ૤ જીવનતરુ જિમિ જોગવઇ રાઊ૥<br>
પલક નયન ફનિ મનિ જેહિ ભાઁતી૤ જોગવહિં જનનિ સકલ દિન રાતી૥<br>
તે અબ ફિરત બિપિન પદચારી૤ કંદ મૂલ ફલ ફૂલ અહારી૥<br>
ધિગ કૈકેઈ અમંગલ મૂલા૤ ભઇસિ પ્રાન પ્રિયતમ પ્રતિકૂલા૥<br>
મૈં ધિગ ધિગ અઘ ઉદધિ અભાગી૤ સબુ ઉતપાતુ ભયઉ જેહિ લાગી૥<br>
કુલ કલંકુ કરિ સૃજેઉ બિધાતાઁ૤ સાઇઁદોહ મોહિ કીન્હ કુમાતાઁ૥<br>
સુનિ સપ્રેમ સમુઝાવ નિષાદૂ૤ નાથ કરિઅ કત બાદિ બિષાદૂ૥<br>
રામ તુમ્હહિ પ્રિય તુમ્હ પ્રિય રામહિ૤ યહ નિરજોસુ દોસુ બિધિ બામહિ૥<br>
<br>
'''છંદ'''- બિધિ બામ કી કરની કઠિન જેંહિં માતુ કીન્હી બાવરી૤<br>
તેહિ રાતિ પુનિ પુનિ કરહિં પ્રભુ સાદર સરહના રાવરી૥<br>
તુલસી ન તુમ્હ સો રામ પ્રીતમુ કહતુ હૌં સૌહેં કિએઁ૤<br>
પરિનામ મંગલ જાનિ અપને આનિએ ધીરજુ હિએઁ૥<br>
<br>
'''સોરઠા'''- -અંતરજામી રામુ સકુચ સપ્રેમ કૃપાયતન૤<br>
ચલિઅ કરિઅ બિશ્રામુ યહ બિચારિ દૃઢ઼ આનિ મન૥૨૦૧૥<br>
સખા બચન સુનિ ઉર ધરિ ધીરા૤ બાસ ચલે સુમિરત રઘુબીરા૥<br>
યહ સુધિ પાઇ નગર નર નારી૤ ચલે બિલોકન આરત ભારી૥<br>
પરદખિના કરિ કરહિં પ્રનામા૤ દેહિં કૈકઇહિ ખોરિ નિકામા૥<br>
ભરી ભરિ બારિ બિલોચન લેંહીં૤ બામ બિધાતાહિ દૂષન દેહીં૥<br>
એક સરાહહિં ભરત સનેહૂ૤ કોઉ કહ નૃપતિ નિબાહેઉ નેહૂ૥<br>
નિંદહિં આપુ સરાહિ નિષાદહિ૤ કો કહિ સકઇ બિમોહ બિષાદહિ૥<br>
એહિ બિધિ રાતિ લોગુ સબુ જાગા૤ ભા ભિનુસાર ગુદારા લાગા૥<br>
ગુરહિ સુનાવઁ ચઢ઼ાઇ સુહાઈં૤ નઈં નાવ સબ માતુ ચઢ઼ાઈં૥<br>
દંડ ચારિ મહઁ ભા સબુ પારા૤ ઉતરિ ભરત તબ સબહિ સઁભારા૥<br>
<br>
'''દોહા'''- પ્રાતક્રિયા કરિ માતુ પદ બંદિ ગુરહિ સિરુ નાઇ૤<br>
આગેં કિએ નિષાદ ગન દીન્હેઉ કટકુ ચલાઇ૥૨૦૨૥<br>
<br>
કિયઉ નિષાદનાથુ અગુઆઈં૤ માતુ પાલકીં સકલ ચલાઈં૥<br>
સાથ બોલાઇ ભાઇ લઘુ દીન્હા૤ બિપ્રન્હ સહિત ગવનુ ગુર કીન્હા૥<br>
આપુ સુરસરિહિ કીન્હ પ્રનામૂ૤ સુમિરે લખન સહિત સિય રામૂ૥<br>
ગવને ભરત પયોદેહિં પાએ૤ કોતલ સંગ જાહિં ડોરિઆએ૥<br>
કહહિં સુસેવક બારહિં બારા૤ હોઇઅ નાથ અસ્વ અસવારા૥<br>
રામુ પયોદેહિ પાયઁ સિધાએ૤ હમ કહઁ રથ ગજ બાજિ બનાએ૥<br>
સિર ભર જાઉઁ ઉચિત અસ મોરા૤ સબ તેં સેવક ધરમુ કઠોરા૥<br>
દેખિ ભરત ગતિ સુનિ મૃદુ બાની૤ સબ સેવક ગન ગરહિં ગલાની૥<br>
<br>
'''દોહા'''- ભરત તીસરે પહર કહઁ કીન્હ પ્રબેસુ પ્રયાગ૤<br>
કહત રામ સિય રામ સિય ઉમગિ ઉમગિ અનુરાગ૥૨૦૩૥<br>
<br>
ઝલકા ઝલકત પાયન્હ કૈંસેં૤ પંકજ કોસ ઓસ કન જૈસેં૥<br>
ભરત પયાદેહિં આએ આજૂ૤ ભયઉ દુખિત સુનિ સકલ સમાજૂ૥<br>
ખબરિ લીન્હ સબ લોગ નહાએ૤ કીન્હ પ્રનામુ ત્રિબેનિહિં આએ૥<br>
સબિધિ સિતાસિત નીર નહાને૤ દિએ દાન મહિસુર સનમાને૥<br>
દેખત સ્યામલ ધવલ હલોરે૤ પુલકિ સરીર ભરત કર જોરે૥<br>
સકલ કામ પ્રદ તીરથરાઊ૤ બેદ બિદિત જગ પ્રગટ પ્રભાઊ૥<br>
માગઉઁ ભીખ ત્યાગિ નિજ ધરમૂ૤ આરત કાહ ન કરઇ કુકરમૂ૥<br>
અસ જિયઁ જાનિ સુજાન સુદાની૤ સફલ કરહિં જગ જાચક બાની૥<br>
<br>
'''દોહા'''- અરથ ન ધરમ ન કામ રુચિ ગતિ ન ચહઉઁ નિરબાન૤<br>
જનમ જનમ રતિ રામ પદ યહ બરદાનુ ન આન૥૨૦૪૥<br>
<br>
જાનહુઁ રામુ કુટિલ કરિ મોહી૤ લોગ કહઉ ગુર સાહિબ દ્રોહી૥<br>
સીતા રામ ચરન રતિ મોરેં૤ અનુદિન બઢ઼ઉ અનુગ્રહ તોરેં૥<br>
જલદુ જનમ ભરિ સુરતિ બિસારઉ૤ જાચત જલુ પબિ પાહન ડારઉ૥<br>
ચાતકુ રટનિ ઘટેં ઘટિ જાઈ૤ બઢ઼ે પ્રેમુ સબ ભાઁતિ ભલાઈ૥<br>
કનકહિં બાન ચઢ઼ઇ જિમિ દાહેં૤ તિમિ પ્રિયતમ પદ નેમ નિબાહેં૥<br>
ભરત બચન સુનિ માઝ ત્રિબેની૤ ભઇ મૃદુ બાનિ સુમંગલ દેની૥<br>
તાત ભરત તુમ્હ સબ બિધિ સાધૂ૤ રામ ચરન અનુરાગ અગાધૂ૥<br>
બાદ ગલાનિ કરહુ મન માહીં૤ તુમ્હ સમ રામહિ કોઉ પ્રિય નાહીં૥<br>
<br>
'''દોહા'''- તનુ પુલકેઉ હિયઁ હરષુ સુનિ બેનિ બચન અનુકૂલ૤<br>
ભરત ધન્ય કહિ ધન્ય સુર હરષિત બરષહિં ફૂલ૥૨૦૫૥<br>
<br>
પ્રમુદિત તીરથરાજ નિવાસી૤ બૈખાનસ બટુ ગૃહી ઉદાસી૥<br>
કહહિં પરસપર મિલિ દસ પાઁચા૤ ભરત સનેહ સીલુ સુચિ સાઁચા૥<br>
સુનત રામ ગુન ગ્રામ સુહાએ૤ ભરદ્વાજ મુનિબર પહિં આએ૥<br>
દંડ પ્રનામુ કરત મુનિ દેખે૤ મૂરતિમંત ભાગ્ય નિજ લેખે૥<br>
ધાઇ ઉઠાઇ લાઇ ઉર લીન્હે૤ દીન્હિ અસીસ કૃતારથ કીન્હે૥<br>
આસનુ દીન્હ નાઇ સિરુ બૈઠે૤ ચહત સકુચ ગૃહઁ જનુ ભજિ પૈઠે૥<br>
મુનિ પૂઁછબ કછુ યહ બડ઼ સોચૂ૤ બોલે રિષિ લખિ સીલુ સઁકોચૂ૥<br>
સુનહુ ભરત હમ સબ સુધિ પાઈ૤ બિધિ કરતબ પર કિછુ ન બસાઈ૥<br>
<br>
'''દોહા'''- તુમ્હ ગલાનિ જિયઁ જનિ કરહુ સમુઝી માતુ કરતૂતિ૤<br>
તાત કૈકઇહિ દોસુ નહિં ગઈ ગિરા મતિ ધૂતિ૥૨૦૬૥<br>
<br>
યહઉ કહત ભલ કહિહિ ન કોઊ૤ લોકુ બેદ બુધ સંમત દોઊ૥<br>
તાત તુમ્હાર બિમલ જસુ ગાઈ૤ પાઇહિ લોકઉ બેદુ બડ઼ાઈ૥<br>
લોક બેદ સંમત સબુ કહઈ૤ જેહિ પિતુ દેઇ રાજુ સો લહઈ૥<br>
રાઉ સત્યબ્રત તુમ્હહિ બોલાઈ૤ દેત રાજુ સુખુ ધરમુ બડ઼ાઈ૥<br>
રામ ગવનુ બન અનરથ મૂલા૤ જો સુનિ સકલ બિસ્વ ભઇ સૂલા૥<br>
સો ભાવી બસ રાનિ અયાની૤ કરિ કુચાલિ અંતહુઁ પછિતાની૥<br>
તહઁઉઁ તુમ્હાર અલપ અપરાધૂ૤ કહૈ સો અધમ અયાન અસાધૂ૥<br>
કરતેહુ રાજુ ત તુમ્હહિ ન દોષૂ૤ રામહિ હોત સુનત સંતોષૂ૥<br>
<br>
'''દોહા'''- અબ અતિ કીન્હેહુ ભરત ભલ તુમ્હહિ ઉચિત મત એહુ૤<br>
સકલ સુમંગલ મૂલ જગ રઘુબર ચરન સનેહુ૥૨૦૭૥<br>
<br>
સો તુમ્હાર ધનુ જીવનુ પ્રાના૤ ભૂરિભાગ કો તુમ્હહિ સમાના૥<br>
યહ તમ્હાર આચરજુ ન તાતા૤ દસરથ સુઅન રામ પ્રિય ભ્રાતા૥<br>
સુનહુ ભરત રઘુબર મન માહીં૤ પેમ પાત્રુ તુમ્હ સમ કોઉ નાહીં૥<br>
લખન રામ સીતહિ અતિ પ્રીતી૤ નિસિ સબ તુમ્હહિ સરાહત બીતી૥<br>
જાના મરમુ નહાત પ્રયાગા૤ મગન હોહિં તુમ્હરેં અનુરાગા૥<br>
તુમ્હ પર અસ સનેહુ રઘુબર કેં૤ સુખ જીવન જગ જસ જડ઼ નર કેં૥<br>
યહ ન અધિક રઘુબીર બડ઼ાઈ૤ પ્રનત કુટુંબ પાલ રઘુરાઈ૥<br>
તુમ્હ તૌ ભરત મોર મત એહૂ૤ ધરેં દેહ જનુ રામ સનેહૂ૥<br>
<br>
'''દોહા'''- તુમ્હ કહઁ ભરત કલંક યહ હમ સબ કહઁ ઉપદેસુ૤<br>
રામ ભગતિ રસ સિદ્ધિ હિત ભા યહ સમઉ ગનેસુ૥૨૦૮૥<br>
<br>
નવ બિધુ બિમલ તાત જસુ તોરા૤ રઘુબર કિંકર કુમુદ ચકોરા૥<br>
ઉદિત સદા અઁથઇહિ કબહૂઁ ના૤ ઘટિહિ ન જગ નભ દિન દિન દૂના૥<br>
કોક તિલોક પ્રીતિ અતિ કરિહી૤ પ્રભુ પ્રતાપ રબિ છબિહિ ન હરિહી૥<br>
નિસિ દિન સુખદ સદા સબ કાહૂ૤ ગ્રસિહિ ન કૈકઇ કરતબુ રાહૂ૥<br>
પૂરન રામ સુપેમ પિયૂષા૤ ગુર અવમાન દોષ નહિં દૂષા૥<br>
રામ ભગત અબ અમિઅઁ અઘાહૂઁ૤ કીન્હેહુ સુલભ સુધા બસુધાહૂઁ૥<br>
ભૂપ ભગીરથ સુરસરિ આની૤ સુમિરત સકલ સુંમગલ ખાની૥<br>
દસરથ ગુન ગન બરનિ ન જાહીં૤ અધિકુ કહા જેહિ સમ જગ નાહીં૥<br>
<br>
'''દોહા'''- જાસુ સનેહ સકોચ બસ રામ પ્રગટ ભએ આઇ૥<br>
જે હર હિય નયનનિ કબહુઁ નિરખે નહીં અઘાઇ૥૨૦૯૥<br>
<br>
કીરતિ બિધુ તુમ્હ કીન્હ અનૂપા૤ જહઁ બસ રામ પેમ મૃગરૂપા૥<br>
તાત ગલાનિ કરહુ જિયઁ જાએઁ૤ ડરહુ દરિદ્રહિ પારસુ પાએઁ૥૥<br>
સુનહુ ભરત હમ ઝૂઠ ન કહહીં૤ ઉદાસીન તાપસ બન રહહીં૥<br>
સબ સાધન કર સુફલ સુહાવા૤ લખન રામ સિય દરસનુ પાવા૥<br>
તેહિ ફલ કર ફલુ દરસ તુમ્હારા૤ સહિત પયાગ સુભાગ હમારા૥<br>
ભરત ધન્ય તુમ્હ જસુ જગુ જયઊ૤ કહિ અસ પેમ મગન પુનિ ભયઊ૥<br>
સુનિ મુનિ બચન સભાસદ હરષે૤ સાધુ સરાહિ સુમન સુર બરષે૥<br>
ધન્ય ધન્ય ધુનિ ગગન પયાગા૤ સુનિ સુનિ ભરતુ મગન અનુરાગા૥<br>
<br>
'''દોહા'''- પુલક ગાત હિયઁ રામુ સિય સજલ સરોરુહ નૈન૤<br>
કરિ પ્રનામુ મુનિ મંડલિહિ બોલે ગદગદ બૈન૥૨૧૦૥<br>
<br>
મુનિ સમાજુ અરુ તીરથરાજૂ૤ સાઁચિહુઁ સપથ અઘાઇ અકાજૂ૥<br>
એહિં થલ જૌં કિછુ કહિઅ બનાઈ૤ એહિ સમ અધિક ન અઘ અધમાઈ૥<br>
તુમ્હ સર્બગ્ય કહઉઁ સતિભાઊ૤ ઉર અંતરજામી રઘુરાઊ૥<br>
મોહિ ન માતુ કરતબ કર સોચૂ૤ નહિં દુખુ જિયઁ જગુ જાનિહિ પોચૂ૥<br>
નાહિન ડરુ બિગરિહિ પરલોકૂ૤ પિતહુ મરન કર મોહિ ન સોકૂ૥<br>
સુકૃત સુજસ ભરિ ભુઅન સુહાએ૤ લછિમન રામ સરિસ સુત પાએ૥<br>
રામ બિરહઁ તજિ તનુ છનભંગૂ૤ ભૂપ સોચ કર કવન પ્રસંગૂ૥<br>
રામ લખન સિય બિનુ પગ પનહીં૤ કરિ મુનિ બેષ ફિરહિં બન બનહી૥<br>
<br>
'''દોહા'''- અજિન બસન ફલ અસન મહિ સયન ડાસિ કુસ પાત૤<br>
બસિ તરુ તર નિત સહત હિમ આતપ બરષા બાત૥૨૧૧૥<br>
<br>
એહિ દુખ દાહઁ દહઇ દિન છાતી૤ ભૂખ ન બાસર નીદ ન રાતી૥<br>
એહિ કુરોગ કર ઔષધુ નાહીં૤ સોધેઉઁ સકલ બિસ્વ મન માહીં૥<br>
માતુ કુમત બઢ઼ઈ અઘ મૂલા૤ તેહિં હમાર હિત કીન્હ બઁસૂલા૥<br>
કલિ કુકાઠ કર કીન્હ કુજંત્રૂ૤ ગાડ઼િ અવધિ પઢ઼િ કઠિન કુમંત્રુ૥<br>
મોહિ લગિ યહુ કુઠાટુ તેહિં ઠાટા૤ ઘાલેસિ સબ જગુ બારહબાટા૥<br>
મિટઇ કુજોગુ રામ ફિરિ આએઁ૤ બસઇ અવધ નહિં આન ઉપાએઁ૥<br>
ભરત બચન સુનિ મુનિ સુખુ પાઈ૤ સબહિં કીન્હ બહુ ભાઁતિ બડ઼ાઈ૥<br>
તાત કરહુ જનિ સોચુ બિસેષી૤ સબ દુખુ મિટહિ રામ પગ દેખી૥<br>
<br>
'''દોહા'''- કરિ પ્રબોધ મુનિબર કહેઉ અતિથિ પેમપ્રિય હોહુ૤<br>
કંદ મૂલ ફલ ફૂલ હમ દેહિં લેહુ કરિ છોહુ૥૨૧૨૥<br>
<br>
સુનિ મુનિ બચન ભરત હિઁય સોચૂ૤ ભયઉ કુઅવસર કઠિન સઁકોચૂ૥<br>
જાનિ ગરુઇ ગુર ગિરા બહોરી૤ ચરન બંદિ બોલે કર જોરી૥<br>
સિર ધરિ આયસુ કરિઅ તુમ્હારા૤ પરમ ધરમ યહુ નાથ હમારા૥<br>
ભરત બચન મુનિબર મન ભાએ૤ સુચિ સેવક સિષ નિકટ બોલાએ૥<br>
ચાહિએ કીન્હ ભરત પહુનાઈ૤ કંદ મૂલ ફલ આનહુ જાઈ૥<br>
ભલેહીં નાથ કહિ તિન્હ સિર નાએ૤ પ્રમુદિત નિજ નિજ કાજ સિધાએ૥<br>
મુનિહિ સોચ પાહુન બડ઼ નેવતા૤ તસિ પૂજા ચાહિઅ જસ દેવતા૥<br>
સુનિ રિધિ સિધિ અનિમાદિક આઈ૤ આયસુ હોઇ સો કરહિં ગોસાઈ૥<br>
<br>
'''દોહા'''- રામ બિરહ બ્યાકુલ ભરતુ સાનુજ સહિત સમાજ૤<br>
પહુનાઈ કરિ હરહુ શ્રમ કહા મુદિત મુનિરાજ૥૨૧૩૥<br>
<br>
રિધિ સિધિ સિર ધરિ મુનિબર બાની૤ બડ઼ભાગિનિ આપુહિ અનુમાની૥<br>
કહહિં પરસપર સિધિ સમુદાઈ૤ અતુલિત અતિથિ રામ લઘુ ભાઈ૥<br>
મુનિ પદ બંદિ કરિઅ સોઇ આજૂ૤ હોઇ સુખી સબ રાજ સમાજૂ૥<br>
અસ કહિ રચેઉ રુચિર ગૃહ નાના૤ જેહિ બિલોકિ બિલખાહિં બિમાના૥<br>
ભોગ બિભૂતિ ભૂરિ ભરિ રાખે૤ દેખત જિન્હહિ અમર અભિલાષે૥<br>
દાસીં દાસ સાજુ સબ લીન્હેં૤ જોગવત રહહિં મનહિ મનુ દીન્હેં૥<br>
સબ સમાજુ સજિ સિધિ પલ માહીં૤ જે સુખ સુરપુર સપનેહુઁ નાહીં૥<br>
પ્રથમહિં બાસ દિએ સબ કેહી૤ સુંદર સુખદ જથા રુચિ જેહી૥<br>
<br>
'''દોહા'''- બહુરિ સપરિજન ભરત કહુઁ રિષિ અસ આયસુ દીન્હ૤<br>
બિધિ બિસમય દાયકુ બિભવ મુનિબર તપબલ કીન્હ૥૨૧૪૥<br>
<br>
મુનિ પ્રભાઉ જબ ભરત બિલોકા૤ સબ લઘુ લગે લોકપતિ લોકા૥<br>
સુખ સમાજુ નહિં જાઇ બખાની૤ દેખત બિરતિ બિસારહીં ગ્યાની૥<br>
આસન સયન સુબસન બિતાના૤ બન બાટિકા બિહગ મૃગ નાના૥<br>
સુરભિ ફૂલ ફલ અમિઅ સમાના૤ બિમલ જલાસય બિબિધ બિધાના૤<br>
અસન પાન સુચ અમિઅ અમી સે૤ દેખિ લોગ સકુચાત જમી સે૥<br>
સુર સુરભી સુરતરુ સબહી કેં૤ લખિ અભિલાષુ સુરેસ સચી કેં૥<br>
રિતુ બસંત બહ ત્રિબિધ બયારી૤ સબ કહઁ સુલભ પદારથ ચારી૥<br>
સ્ત્રક ચંદન બનિતાદિક ભોગા૤ દેખિ હરષ બિસમય બસ લોગા૥<br>
<br>
'''દોહા'''- સંપત ચકઈ ભરતુ ચક મુનિ આયસ ખેલવાર૥<br>
તેહિ નિસિ આશ્રમ પિંજરાઁ રાખે ભા ભિનુસાર૥૨૧૫૥<br>
<br>
માસપારાયણ, ઉન્નીસવાઁ વિશ્રામ<br>