Revision 106681 of "Թագուհի Աթոքեան" on hywwiki

{{Տեղեկաքարտ Անձ (արեւմտահայերէն)
| անուն ազգանուն = Թագուհի Աթոքեան
| բնագիր ԱԱՀ = 
| պատկեր = [[Պատկեր:Takouhi Atokian .jpg]]
| չափ = 200 px
| նկարագրութիւն = 
| ծնած է = 
| ծննդավայր = Հալէպ
| վախճանած է = 
| վախճանի վայրը = 
| քաղաքացիութիւն = [[Սուրիա]]
| հպատակութիւն = 
| ազգութիւն = Հայ
| ալմա մատեր =
| կրօնք = Հայ Առաքելական եկեղեցի
| ազդուած է = 
| ազդած է = 
| գրքեր = 
| աշխատանք =  Կրթական մշակ, մանկավարժ, գրող, թարգմանիչ, հրապարակագիր, 
| մասնագիտութիւն = 
| ամուսին = 
| ծնողներ = 
| երեխաներ =
| պարգեւներ և մրցանակներ =
| կայքէջ = 
| ստորագրութիւն =
}}

'''Թագուհի Աթոքեան''' Կրթական մշակ, մանկավարժ, գրող, թարգմանիչ, հրապարակագիր:

== Կենսագրութիւն ==

Թագուհի Աթոքեան ծնած է Հալէպ՝ բնիկ ուրֆացի ծնողներէ: Նախակրթութիւնը ստացած է Հալէպի Նոր գիւղի Կիլիկեան վարժարան ապա Միջնակարգ եւ երկրորդական ուսումը կը ստանայ Լազար Նաճարեան - Գալուստ Կիւլպէնկեան երկրորդական վարժարանին մէջ, որուն տնօրէնն էր Պրն. Երուանդ Ակիշեան:

1964-ին կը յաջողի Պաքալորիայի պետական քննութեան մէջ եւ կը ստանայ համապատասխան վկայականը:

== ՈՒՍՈՒՑՉԱԿԱՆ ՇՐՋԱՆ  ==

[[1964]] թուականի ամրան՝ Կիլիկեան ճեմարանը կը բանայ ամառնային դասընթացք: Կիլիկեան ճեմարանը կը հրաւիրէ Թագուհի Աթոքեանին ամառնային դասընթացքին՝ դասաւանդելու համար մաթեմաթիկայի նիւթը միջնակարգի 7րդ., 8րդ. եւ 9րդ. դասարաններուն: 
 
[[1964]] - [[1965]] դպրոցական տարեշրջանի վերամուտին՝ ուսուցչութեան հրաւէր կը ստանայ երկու վարժարաններէ՝ Լազար Նաճարեան եւ Կիլիկեան ճեմարան: Նաճարեանի տնօրէնը ամիսներ առաջ առաջարկած էր, որ Հայաստան չճամբորդելու պարագային՝ պաշտօնավարէ իր վարժարանէն ներս: Թագուհի Աթոքեան կ՛ընդունի Կիլիկեան Ճեմարանի հրաւէրը, մանաւանդ որ եղբայրը՝ Պրն. Գէորգ Աթոքեանը Կիլիկեան ճեմարանի անգլերէն լեզուի դասատուն էր:

{{քաղվածք|Տնօրէնս՝ Պրն. Երուանդ Ակիշեան, նեղուեցաւ եւ իրաւունք ունէր, որովհետեւ որպէս իսկական ճեմարանականներ շատ լաւ պատրաստած էր մեզ: Պետական ծրագրէն դուրս, հայկական վարժարաններու մէջ արտօնուած էր դասաւանդել միայն հայերէն լեզու եւ կրօն: Բայց մեր տնօրէնը՝ Պրն. Երուանդ Ակիշեան, կրօնագիտութեան անուան տակ մեզի կը դասաւանդէր զանազան նիւթեր՝ իւրաքանչիւր դասարանի համար գլխաւոր նիւթ մը տրամադրելով: Հայոց պատմութիւնը կը դասաւանդէր յայտնի պատմաբան եւ ցեղասպանութեան օրերուն քանիցս բանտարկուած, կեղեքուած եւ փրկուած՝ ՄԵԹՐ ՖԷՅՐՈՒԶ ԽԱՆԶԱՏԵԱՆ-ը: Իսկ մնացեալ նիւթերը կը դասաւանդէր ինք, ինչպէս՝ մատենագրութիւն, մշակոյթ, հոգեբանութիւն, մանկավարժութիւն եւ ուսուցչութիւն՝ որ վերջին տարուան պաքալորիայի դասարանի նիւթն էր. լսողականը կը կատարուէր դասարանին մէջ իսկ գործնականը՝ նախակրթարանի աշակերտներուն հետ: Այս բոլորը դասընթացքի ձեւով, ինչպէս ՄԵԼՔՈՆԵԱՆ հաստատութիւնը, որմէ շրջանաւարտ ելած էր ինք՝ Պրն. Երուանդ Ակիշեանը:|Թագուհի Աթոքեան}}

Թագուհի Աթոքեանին կը տրուի նախակրթարանի բարձրագոյն երկու կարգերուն Հայերէն լեզուի, մաթեմաթիկայի եւ գիտութեան նիւթերը: Այսպէս շարունակելով միւս տարիները, մինչեւ [[1969]]-[[1970]] տարեշրջանը, երբ Թագուհի Աթոքեանին կը տրուի ընդհանուր տեսուչի պաշտօն:

[[1973]]-[[1974]] թուականին կ՛անցնի Կիլիկեան Ճեմարան, ուր կը ստանձնէ հայերէն լեզուի եւ գրականութեան դասեր՝ 8 րդ., 9 րդ.,10 րդ. եւ 11 րդ. դասարաններուն: 
Մէկ տարի ետք դպրոցին ընդհանուր պատասխանատուի պաշտօնով կը վերադարնայ նախակրթարան, միշտ իր հետ շալկելով հայերէն լեզուի դասաւանդութիւնը:

Թագուհի Աթոքեան կը շարունակէ իր ասպարէզը Կիլիկեանի մէջ մինչեւ [[1977]] թուականը: Սոյն տարուան վերամուտին էր, երբ Հայ Աւետարանական Համայնքի համայնքապետ՝ Վերապատուելի Յովհաննէս Գարճեան զինք կանչած էր հանդիպումի մը համար յայտնելով իր մտահոգութիւնը ըսելով՝ թէ հայերէն լեզուի ուսուցման մէջ, բծախնդիր ուսուցչուհիի մը պէտքը ունին Հայ Աւետարանական Էմմանուէլ Վարժարանի մէջ:

Չորս տարի պաշտօնավարելով Հայ Աւետարանական Էմմանուէլ վարժարանի մէջ, [[1977]]-էն մինչեւ [[1981]] թուականը, որուն երկու տարին ունենալով վերապատուելի Համայնքապետ Յովհաննէս Գարճեանի ներկայութիւնը. իր ճամբորդութենէն ետք, փոխարինաբար համայնքապետութիւնը կը ստանձնէ Վերապատուելի Պարգեւ Աբարդեանը:

Հայ աշակերտներու թիւը նուազելուն պատճառով՝ [[1981]]-[[1982]] տարեշրջանին, Թագուհի Աթոքեան կ՛անցնի Հայ Աւետարանական Բեթել վարժարան, ուր արդէն հայ աշակերտներու թիւը իր նպատակին հասած էր. հոն ալ մնալով 22 տարի, մինչեւ թոշակի անցնիլը:

== Մանկավարժական դասընթացքներ Հայաստանի մէջ ==

Ուսուցչական երկարատեւ տարիներուն ընթացքին, երկու ամառնային շրջան կը մասնակցի մանկավարժական դասընթացքի՝ Հայաստանի մէջ:

== Աշխատակցութիւն ==

Ուսուցչական ասպարէզի տարիներուն, Թագուհի Աթոքեան դասաւանդած է Պրն. Կարապետ Ճուհարեանի պատրաստած՝ ՄՐԳԱՍՏԱՆ եւ ԳՐԱՒՈՐ ՎԱՐԺՈՒԹԵԱՆ ԴԱՍԱԳԻՐՔԵՐՈՒ ՇԱՐՔԸ՝ մանկապարտէզի եւ նախակրթարանի բոլոր դասարաններուն համար եւ երկրորդականի կարգ մը դասարաններու:

Հետագային՝ այս գիրքերուն նիւթերու փոփոխման եւ վերահրատարակման կարիքը զգալով Պրն. Ճուհարեան, նայած այդ ժամանակաշրջանին երկրին մէջ տիրող պայմաններուն եւ գիրքերը վերստին պատրաստելու աշխատանքին մէջ, իր նախընտրութեամբ Թագուհի Աթոքեան բախտը կ՛ունենայ իր հետ աշխատակցելու նիւթերու ընտրութեան, դասաւորման եւ անոնցմէ կարգ մը գիրքերու գրաշարութիւնը կատարելու աշխատանքին մէջ:

== Կիլիկեան Վարժարանի Ընտանիքը Յիշատակեց Ուսուցչաց Տօնը ==

Եր­կու­շաբ­թի, 15 Մար­տ, 2017-ին, հո­վա­նա­ւո­րու­թեամբ Տխ­րու­նի Ու­սա­նո­ղա­կան- Երի­տա­սար­դա­կան Միու­թեան Վար­չու­թեան, կազ­մա­կեր­պու­թեամբ Ու­սա­նո­ղա­կան Յանձ­նա­խում­բին, Նոր Սե­րունդ Մշա­կու­թա­յին Միու­թեան սրա­հէն հայ ու­սու­ցի­չը մե­ծա­րե­լու եւ անոր վաս­տա­կը գնա­հա­տե­լու նպա­տա­կով «Վարձքդ Կա­տա՛ր, Հա՛յ Ու­սու­ցիչ» խո­րագր­եալ ձեռ­նարկ մը տե­ղի ու­նե­ցաւ:

Ձեռ­նար­կին հրա­ւիր­ուած էին վար­ժա­րա­նի ու­սուց­չա­կան կազմն ու անց­եա­լին պաշ­տօ­նա­վա­րած երէց ու­սուց­չու­հի­նե­րը: Ապա տե­ղի ու­նե­ցաւ տե­սե­րի­զի ցու­ցադ­րու­թիւն մը, որուն ըն­թաց­քին վե­րա­թար­մա­ցան վար­ժա­րա­նի բե­ղուն գոր­ծու­նէ­ու­թեան յի­շա­տա­կե­լի օրե­րը:

{{քաղվածք|Ապա ու­սուց­չու­հի­նե­րուն առիթ տր­ուե­ցաւ ներ­կա­յացնե­լու իրենց յու­շերն ու դր­ուագ­ներ պատ­մե­լու եր­բեմ­նի քաղց­րա­բոյր օրե­րէն: Աւար­տին, վար­չու­թեան ատե­նա­պետ Գէ­որգ Խա­չոյ­եա­նի`  յանձ­նա­խում­բի ատե­նա­պետ Ֆի­լիպ Յա­րու­թիւն­եա­նի ձե­ռամբ խորհր­դանշա­կան յու­շան­ուէր­նե­րով պար­գե­ւատ­րու­եցան ու­սուց­չու­հի­ներ` Թա­գու­հի Աթոք­եան, Արաք­սի Քա­սիս, Մարի­էթ Սար­գիս­եան-Յա­րու­թիւն­եան,  Ար­մի­նէ Ֆէր­ման­եան, Մատ­լէն Մել­ի­քսէ­թեան, Մա­րալ Քիւ­փէլ­եան-Սնու­նու, Վար­դուկ Չա­թալ­պաշ­եան, Սալ­բի Գաս­պար­եան, Կրաս­իա Հալ­լաճ­եան-Խո­շապճ­եան:<ref name="ահա">[http://www.kantsasar.com/news/2017/04/08/%D5%AF%D5%AB%D5%AC%D5%AB%D5%AF%D5%A5%D5%A1%D5%B6-%D5%BE%D5%A1%D6%80%D5%AA%D5%A1%D6%80%D5%A1%D5%B6%D5%AB-%D5%A8%D5%B6%D5%BF%D5%A1%D5%B6%D5%AB%D6%84%D5%A8-%D5%B5%D5%AB%D5%B7%D5%A1%D5%BF%D5%A1%D5%AF/ Կիլիկեան Վարժարանի Ընտանիքը Յիշատակեց Ուսուցչաց Տօնը]</ref>| ԳԱՆՁԱՍԱՐ ՊԱՇՏՕՆԱԹԵՐԹ}}

== Թարգմանութիւններ ==

Թագուհի Աթոքեան կատարած է բազմաթիւ թարգմանութիւններ՝ անգլերէնէ հայերէն եւ արաբերէնէ հայերէն թարգմանութիւններու ցանկին մէջ կը տեսնենք.-

ՆԻԶԱՐ ՔԱՊՊԱՆԻԻ բանաստեղծութիւնները, Մահմուտ Տարուիշի «ՄՈՌՑՈՒԱԾ ՅԻՇԱՏԱԿՆԵՐԸ» արձակ գրութիւնը, որ Պէյրութի՝ իր ապրած 1975 - 1990 թուականներու միջեւ տեղի ունեցած քաղաքացիական կռիւներու մասին է

Հատընտիր քերթուածներ ընտրեալ բանաստեղծներէ:- 
1-	Ճպրան Խալիլ Ճպրան 
2-	Իլիյա Ապու Մատի 
3-	Մահմուտ Տարուիշ 
4-	Ահմատ Շաուքի 
5-	Ապու Քասէմ Ըլ Շապի
6-	Սուլէյման Ըլ Իսա

Թագուհի Աթոքեան հայերէնէ արաբերէն թարգմանած է 75 էջանի ՈՍԿԻ ՏՂԱՆ խորագիրով գիրքը, հեղինակութեամբ՝ Լիւսի Սիւլահեանի եւ մէկ հատ ալ Զաւէն Զաքարեանէն՝ իր առաջարկով:

== Աղբիւրներ ==
* [http://ragmamoul.net/hy/news-in-english/articles-interviews/2019/04/01/%D5%BD%D6%80%D5%BF%D5%AB-%D5%AD%D6%85%D5%BD%D6%84%D5%9D-%D6%85%D6%80-%D5%A9%D5%A1%D5%A3%D5%B8%D6%82%D5%B0%D5%AB-%D5%A1%D5%A9%D5%B8%D6%84%D5%A5%D5%A1%D5%B6%D5%AB-%D5%BF%D5%A1%D6%80%D5%AB%D5%B6%D5%A5/ Սրտի Խօսք՝ Օր. Թագուհի Աթոքեանի Տարիներու Վաստակին]
* [https://www.yerepouni-news.com/2019/03/28/%D5%BD%D6%80%D5%BF%D5%AB-%D5%AD%D6%85%D5%BD%D6%84%D5%9D-%D6%85%D6%80-%D5%A9%D5%A1%D5%A3%D5%B8%D6%82%D5%B0%D5%AB-%D5%A1%D5%A9%D5%B8%D6%84%D5%A5%D5%A1%D5%B6%D5%AB-%D5%BF%D5%A1%D6%80%D5%AB%D5%B6%D5%A5/Սրտի Խօսք՝ Օր. Թագուհի Աթոքեանի Տարիներու Վաստակին]
* [http://www.araraddaily.com/Araradnew/DailyNews-%D5%B0%D5%A1%D5%B5%D5%AF%D5%A1%D5%AF%D5%A1%D5%B6-%D5%AC%D5%B8%D6%82%D6%80%D5%A5%D6%80-Lebanese-Political-News/4437/article/30/Lebanese-Armenian-News/ ՑԵՂԱՍՊԱՆՈՒԹԵԱՆ ՕՐԵՐՈՒ ՄՕՐՍ ՅԻՇՈՂՈՒԹԻՒՆՆԵՐԷՆ]
* [http://www.jamanak.com/content/%D5%B0%D5%A1%D6%80%D5%A9%D5%A1%D5%AF/3-01-2017-%D5%A1%C2%AD%D5%A6%D5%A1%C2%AD%D5%BF%D5%A1%D5%A3%C2%AD%D6%80%D5%B8%D6%82%D5%B4-%D5%B0%D5%A1%C2%AD%D5%AC%D5%A7%D5%BA-%D6%84%D5%A1%C2%AD%D5%B2%D5%A1%C2%AD%D6%84%D5%AB Ա­ԶԱ­ՏԱԳ­ՐՈՒՄ ՀԱ­ԼԷՊ ՔԱ­ՂԱ­ՔԻ]
* [http://www.kantsasar.com/news/2017/04/08/%D5%AF%D5%AB%D5%AC%D5%AB%D5%AF%D5%A5%D5%A1%D5%B6-%D5%BE%D5%A1%D6%80%D5%AA%D5%A1%D6%80%D5%A1%D5%B6%D5%AB-%D5%A8%D5%B6%D5%BF%D5%A1%D5%B6%D5%AB%D6%84%D5%A8-%D5%B5%D5%AB%D5%B7%D5%A1%D5%BF%D5%A1%D5%AF/Կիլիկեան Վարժարանի Ընտանիքը Յիշատակեց Ուսուցչաց Տօնը]
* [https://hairenikweekly.com/2016/12/27/30783 ՀԱԼԷՊԻ ՀԻՒՂԱՒԱՆՆԵՐԸ]
* [https://hayerenblog.wordpress.com/2016/05/24/%D5%AD%D5%A1%D5%A9%D5%B8%D6%82%D5%B6-%D5%BA%D5%A1%D5%B3%D5%AB%D5%B6/?fbclid=IwAR2p5wN0oQxy2J70vMBCNy-mSgDWGbQhKqMrSB6y97jhN_ZR_AqVVp4aRXE ԽԱԹՈՒՆ ՊԱՃԻՆ]
* [https://hayerenblog.wordpress.com/2016/10/11/%D5%AB%D5%B7%D5%AD%D5%A1%D5%B6%D5%B8%D6%82%D5%B0%D5%AB%D5%B6/?fbclid=IwAR2xzNfyenVGZTzJK_N5O-61-DMubsZxCtllnMQOPqeYBBCS3SlGrCGMw8o ԻՇԽԱՆՈՒՀԻՆ]
* [https://hayerenblog.wordpress.com/2016/06/04/%D5%AD%D5%A1%D6%82%D5%A1%D6%80%D5%A1%D5%B4%D5%BF%D5%B8%D6%82%D5%A9%D5%AB%D6%82%D5%B6/ ԽԱՒԱՐԱՄՏՈՒԹԻՒՆ]
* [https://aadmag.am/%D5%B0%D5%A1%D5%B5%D5%AF%D5%A1%D5%AF%D5%A1%D5%B6-%D5%BF%D5%B8%D5%B4%D5%A1%D6%80/ ՀԱՅԿԱԿԱՆ ՏՈՄԱՐ]

== Ծանօթագրութիւններ ==
{{Ծնթ․ցանկ}}

== Տես նաև ==

* [[Կիլիկյան ճեմարան]]

{{DEFAULTSORT:Աթոքեան,Թագուհի }}
[[Կատեգորիա:Ծնունդներ (արւմտ․)]]
[[Կատեգորիա:Հալէպ ծնածներ]]
[[Կատեգորիա:Ծնածներ]]
[[Կատեգորիա:Կրթական մշակ (արւմտ․)]]
[[Կատեգորիա:Մանկավարժ (արւմտ․)]]
[[Կատեգորիա:Յօդուածագիր (արւմտ․)]]
[[Կատեգորիա:Գրող (արւմտ․)]]
[[Կատեգորիա:Թարգմանիչ (արւմտ․)]]
[[Կատեգորիա:Հրապարակագիրներ (արւմտ․)]]