Revision 106890 of "Հայկազ Գ. Ժամկոչեան" on hywwiki

{{ԱՀ}}

{{Տեղեկաքարտ Անձ (արեւմտահայերէն)
| անուն ազգանուն = Հայկազ Գ. Ժամկոչեան
| բնագիր ԱԱՀ = 
| պատկեր = Haygaz K. Jamgochian.png
| չափ = 
| նկարագրութիւն = 
| ծնած է = [[10 Հոկտեմբեր]] [[1909 թուական|1909]] 
| ծննդավայր = Մալաթիա
| վախճանած է = [[5 Մարտ]] [[1981 թուական|1981]]
| վախճանի վայրը = 
| քաղաքացիութիւն = 
| հպատակութիւն = 
| ազգութիւն = 
| ալմա մատեր =
| կրօնք = 
| ազդուած է = 
| ազդած է = 
| գրքեր = 
| աշխատանք = 
| կարողութիւն = 
| մասնագիտութիւն =
| ամուսին = 
| ծնողներ = 
| երեխաներ = 
| պարգեւներ և մրցանակներ = 
| կայքէջ = 
| ստորագրութիւն =
}}

'''Հայկազ Գ. Ժամկոչեան''' ([[10 Հոկտեմբեր]] [[1909 թուական|1909]], Մալաթիա, [[Արեւմտեան Հայաստան|Արեւմ.Հայաստան]] - [[5 Մարտ]] [[1981 թուական|1981]], [[Երեւան]]),  հայ պատմաբան, պատմական գիտութիւններու թեկնածու ([[1941]]), գիտութեան վաստակաւոր գործիչ ([[1970]]):

== Կենսագրութիւն ==

[[Համաշխարհային Առաջին Պատերազմ (արեւմտահայերէն)|Առաջին համաշխարհային պատերազմին]] հրաշքով կ'ազատուի թրքական եաթաղանէն, ու կ'ապաստանի [[Լիբանան (արեւմտահայերէն)|Լիբանան]], ուր մուտք կը գործէ Անթիլիասի ամերիկեան որբանոցը, ուր նաեւ կը ստանայ իր նախակրթութիւնը: 1925-ին կը տեղափոխուի Վալանս ([[Ֆրանսա]]), իսկ 1928-ին՝ կ'անցնի Պելճիքա: Վալանսի, [[Փարիզ (արեւմտահայերէն)|Փարիզի]] եւ Պրուքսելի մէջ իր տարիները բանուորութեամբ անցընելէ ետք, 1929-ին կը ներգաղթէ Հայաստան, եւ 1930-ին մուտք կը գործէ Երեւանի Պետական Համալսարանի Պատմութեան բաժանմունքը,որուն ընթացքը կ'աւարտէ գերազանց յաջողութեամբ:1935-1938 Հ. Ժամկոչեան ասպիրանդական ուսանող է նոյն համալսարանին մէջ:Ուսման զուգընթաց ան հայ ժողովուրդի պատմութիւն կը դասաւանդէ Երեւանի միջնակարգ դպրոցներուն մէջ:1938-էն մինչեւ իր կեանքին վերջին օրը,իբրեւ հայ ժողովուրդի պատմութեան դասախօս կը պաշտօնավարէ համալսարանի Հայ Ժողովուրդի Պատմութեան Ամբիոնին մէջ:1941-1944 ան կը ստանձնէ նոյն ամբիոնի վարիչի պաշտօնը: Տասնհինգ տարի (1945-1960) որպէս դեկան կը ղեկավարէ Համալսարանի Պատմութեան Բաժանմունքը:Հ. Ժամկոչեանի երկարատեւ եւ անբասիր գիտա-մանկավարժական աշխատանքը կը գնահատուի գիտութեան Վաստակաւոր գործիչի կոչումով (1970-ին) եւ բազմաթիւ պատուոգրելով:

Հայ ժողովուրդի հին եւ միջին դարերու պատմութեան լաւագոյն մասնագէտներէն մէկը՝ Հ. Ժամկոչեան հեղինակն է որոշ թիւով հետազօտութիւններու, որոնց մէջ առանձնապէս ուշագրաւ են.12-13 ԴԱՐԵՐԻ ԱԶԴԵՑՈՒԹԻՒՆԸ «ՍԱՍՈՒՆՑԻ ԴԱՒԻԹ»ԷՊՈՍԻ ՎԱՐԻԱՆՏՆԵՐՈՒՄ (սասունցի դաւիթ, Յոբելինական ժողովածու, Երեւան, 1939), «ՊԱՏՄՈՒԹԻՒՆ ՎԱՍՆ ԱԶԳԻ ՆԵՏՈՂԱՑ»ԵՐԿԻ ՀԵՂԻՆԱԿԸ (պետական Համալսարանի Գիտական Աշխատութիւններ, 23-րդ հտր, Երեւան, 1946), ԱՆԻ ՔԱՂԱՔԻ 13 ՏԱՐԻ ԵՐԿՈՒ ԱՐՁԱՆԱԳՐՈՒԹԵԱՆ ՄԱՍԻՆ (Երեւան, 1955),ՖՐԻԿԻ ԵՐԵՔ ՏԱՂԵՐԻ ՄԱՍԻՆ (Սովետական գրականութիւն, Երեւան, 1956, թիւ 12), ՊԱՏՄԱԲԱՆԱՍԻՐԱԿԱՆ ԴԻՏՈՂՈՒԹԻՒՆՆԵՐ ՖՐԻԿԻ ԵՒ ՆՐԱ ՏԱՂԵՐԻ ՄԱՍԻՆ (պատմա-բանասիրական հանդէս, Երեւան, 1958, թիւ 1)աշխատութիւնները:Առանձին հատորով լոյս տեսած է Հ. Ժամկոչեանի ՀԱՅԱՍՏԱՆԸ ՆԱԽՆԱԴԱՐԵԱՆ ՀԱՄԱՅՆԱԿԱՆ ՀԱՍԱՐԱԿՈՒԹԵԱՆ ԵՒ ՍՏՐԿԱՏԻՐԱԿԱՆ ՇՐՋԱՆՈՒՄ (Երեւան, 1961) մենագրութիւնը, որ քանիցս վերահրատարակուած է Երեւանի Պետական Համալսարանի Հայ ժողովուրդի պատմութիւն ձեռնարկին մէջ:

Հայկազ Ժամկոչեան կը մահանայ [[5 Մարտ]] [[1981]]-ին:

== Աղբիւրներ ==
* Հայկազեան Հայագիտական Հանդէս,[[Պէյրութ]] 1981, էջ (356-357)

[[Կատեգորիա:1909 ծնունդներ (արւմտ․)]]
[[Կատեգորիա:10 Հոկտեմբերի ծնածներ]]
[[Կատեգորիա:1981 մահեր (արւմտ․)]]
[[Կատեգորիա:5 Մարտի մահացածներ]]