Revision 492141 of "Neptuno" on iawiki

:''Iste pagina esse re Neptuno, le planeta. Pro altere usages del termine Neptuno, mira [[Neptuno (disambiguation)]].''
[[File:Neptune.jpg|thumb|Right|Imagine de Neptuno facite per le nave spatial [[Voyager 2]] ([[16 de augusto|16]] e [[17 de augusto]] [[1989]])]] '''Neptuno''' esse le octave [[planeta]] al partir del Sol in nostre [[systema solar]]. Neptuno esseva nominate pro le deo roman del mar, [[Neptuno (mythologia)|Neptuno]]. Neptuno esse le quarte plus grande planeta per diametro, e le tertie plus grande per massa; le massa de Neptuno esse c. 10<sup>26</sup> kilogrammas, sia un pauc plus massive que su gemino [[Urano (planeta)|Urano]]. Neptuno orbita le [[Sol]] al distantia medie de 30.1 [[unitate astronomic|ua]]. Su symbolo astronomic esse ♆, un version stilisate del tridente del deo Neptuno.

Discoperite le [[23 de septembre]] [[1846]], Neptuno esseva le prime planeta incontrate per prediction mathematic, e non per observation empiric. Cambios non expectate in le orbita de Urano causava astronomos a deducer que su orbita esseva cambiate per le influentia [[gravitation]]al de un altere planeta non cognoscite. Neptuno esseva discoperite intra de un grado de su position predicite, e su plus grande luna ([[Triton]]) esseva discoperite tosto postea. (Su altere 12 lunas essera locate telescopicamente in le [[seculo 20]].) Neptuno ha essite visitate per solo un [[nave spatial]], [[Voyager 2]], que passava le planeta le [[25 de augusto]] [[1989]].

Neptuno esse similar in composition a Urano, e ambes habe compositiones que differe del compositiones del plus grande [[gigante gasose|gigantes gasose]], [[Jupiter]] e [[Saturno]]. Le atmosphera de Neptuno, similar al atmospheras in su composition ([[hydrogeno]], [[helium]], [[hydrocarbon]]es, e tracias de [[nitrogeno]]), differe del gigantes gasose in su proportion elevate de [[aqua]], [[ammoniaco]], e [[methano]]; il esse le nivello elevate de methano que da a Neptuno su color azur notabile. Iste differentias a veces causa astronomos a categorisar Urano e Neptuno como "gigantes frigide" pro poner emphase in iste distinctiones. Le interior de Neptuno, como la de Urano, esse principalmente [[gelato]]s e roccas.

A contrario de su "fratre" Urano, le atmosphera de Neptuno esse notabile pro su meteorologia active e visibile. Pro exemplo, al tempore del visita per Voyager 2 in 1989, le hemispherio del sud habeva un "grande macula obscur" similar al [[Grande Macula Rubie]] de Jupiter. Le tempore in Neptuno esse causate per le plus forte ventos de ulle planeta in le systema solar, con ventos mensurate attingite le nivello de 2'100 km/h. Gratias al distantia del Sol, le atmosphera de Neptuno esse frigide, con le temperatura supra le nubilos cerca de -218&nbsp;°C (55 K).

Neptuno ha un systema anular multo obscur, que esseva detegite in le [[annos 1960]] e confirmate in 1989 per Voyager 2.

{{Planetas}}

[[Categoria:Planetas]]