'''საქართუელო''' — საჴელმწიფოჲ ევრაზიასა შინა, კავკასისა, ნაპირსა აღმოსავალსა [[Wp/oge/ზღუაჲ პონტოჲსა|პონტოჲსა ზღჳსა]]. ჰსამზღურობს მას ჩრდილოჲთგან [[Wp/oge/რუსეთი|რუსეთი]], სამხრითგან – [[Wp/oge/თურქეთი|თურქეთი]] და [[Wp/oge/სომხეთი|სომხეთი]], ხოლო სამხრითა და აღმოსავალით ადერბეჯანი. მყართაშორისი ქუეყანაჲ არს ესე და მდებარებს გასაყარსა მას ევროპისა და ასიისა, გარნა მატიანითა თჳსითა წილი აქუს ევროპასა შინა.
კაცთა ნათესავი ჰსახლობს ქუეყანასა ამას ზედა საქართუელოჲსასა პირველ ქჳსა ჟამითგან. უძუელესთა ჟამთა იქმნენ პირუელნი ქართულნი სამეფონი [[Wp/oge/ეგრისი|ეგრისისა]] და [[Wp/oge/ქართლი|ქართლისა]], რომლისა შემდგომად დასაბამ მიეცა ყოფასა და საჴელმწიფოებრიობასა ქართულსა. [[Wp/oge/სჯული_ქრისტესი|სჯულითა ქრისტესითა]] ნათესავი ესე ქართუელთა განათლდა ჟამთა [[Wp/oge/მოციქული|მოციქულთათა]], ხოლო დ-სა საუკუნესა იქმნა იგი, ვითარცა სჯული საჴელმწიფოჲსა. სამეფონი და სამთავრონი ქართულნი ერთ იქმნენ 1008-სა წელსა ქრისტჱთგან. შემდგომად ამისა იქმნა უმეტესი აღორძინებაჲ საქართუელოსა შინა. შემდგომად ივ-სა საუკუნესა იწყების დაცემაჲ და განყოფაჲ საქართუელოჲსა და მიწასა ზედა საქართუელოჲსასა იქმნენ ახალნი სამეფონი და სამთავრონი ქართლისა, კახეთისა და იმერეთისა და საათაბაგოჲ სამცხე.
დასაბამსა ით საუკუნისასა პირუელ სამეფოჲ ქართლისა და კახეთისა, ხოლო შემდგომად მისა სხუანიცა იგი სამთავრონი ქართულნი იპყრა მეფისა რუსეთმან, იწყო 1801 წლითგან და განასრულა 1866-სა წელსა. რუსეთისა მეფისა ქუეშე საქართუელოჲ იწოდებოდა ღუბერნიად ტფილისისად და ქუთათისისად.
1917-სა წელსა, ღჳნობისთთუეს რუსეთსა შინა იქმნა გარდატრიალებაჲ და მეფობისა წილ დამყარდა მთავრობაჲ [[Wp/oge/ერობაჲ|ერობისაჲ]]. შემდგომად ამისა საქართუელომანცა განაცხადა აღორძინებაჲ საჴელმწიფოჲსა საქართუელოჲსა და ქუეყანაჲცა ეგე განცხადებულ იქმნა ერობად. ერობაჲ დიმოკრატიკული საქართუელოჲსა იყოფებოდა 1918-21 წლებსა შინა. გარნა პყრობილ ჰყო იგიცა რუსეთმან საბჭოთამან და საქართუელოჲცა იქმნა წილ კავშირისა საბჭოთაჲსა ვიდრე 1991 წლამდის.
1991 წელსა, თთუესა იგრიკასა, დღესა 9-სა საბჭომან უმაღლესმან საქართუელოჲსა ერობისამან განაცხადა წინაშე სოფლისა საქართუელო საჴელმწიფოდ თავის უფალად. შემდგომსა თთუესა აღრჩეულ იქნა მთავარი საქართუელოჲსა. [[Wp/oge/ზჳად_გამსახურდია|გამსახურდია ზჳად]] იქმნა პირუელ აღრჩეულ მთავრად. შემდგომად მისა მთავარნი იყუნენ [[Wp/oge/ედუარდ_შევარდნაძე|შევარდნაძე ედუარდ]] და [[Wp/oge/მიხეილ_სააკაშვილი|სააკაშვილი მიხეილ]].
საქართუელო არს [[Wp/oge/დიმოკრატია|დიმოკრატია]] წარმომადგენელთაჲ, ხოლო წყობაჲ მისი არს ერთობითი, გუერდ-სამთავროჲ ერობაჲ აქუს. ქუეყანაჲ ჟამსა ამას არს წევრი რაოდენთამე ერთაშორისთა შეერთებათა, რომელ არნ გაერო, საბჭოჲ ევროპისა, სუამი, სოფლიოჲ შეერთებაჲ სავაჭროჲ. ნათესავსა საქართუელოჲსასა ჰსურს წევრობად კავშირსა შინა ევროპისასა და ერთობასა ჩრდილოჲსა ატლანტიკისასა.
This site is not affiliated with or endorsed in any way by the Wikimedia Foundation or any of its affiliates. In fact, we fucking despise them.
|
