Revision 883646 of "Republiko Macedonia" on iowiki

{{PA|Macedonia (homonimi)}}
{{Landi|
| Nomo   = Republiko Macedonia
| Lokala_nomo   = Република Македонија<br />Republika Makedonija
| Flago   = Flag of Macedonia.svg
| Blazono   = Coat_of_arms_of_the_Republic_of_Macedonia.svg
| Imajo_mapo   = Europe location MKD.png
| Chefurbo   = [[Skopje]]
| Lojanti_chefurbo   = {{formatnum:668518}}<ref>[http://skopje.com/page.php?id=48 Skopje - capital of the Republic of Macedonia]</ref> ([[2006]])
| Precipua_urbo   = [[Skopje]]
| Oficala_lingui   =  [[Macedoniana linguo|Macedoniana]]<ref>Noto:[[Albaniana linguo|Albaniana]] esas parolata en westo di lando, kun Macedoniana. [[Turkiana linguo|Turkiana]], [[Aromaniana linguo|Aromaniana]] e [[Serbiana linguo|Serbiana]] anke esas parolata en kelka regioni</ref>
| Guvernerio   = [[Republiko]]
| Nomo_listo_chefo_stato         = Listo di prezidanti di la Republiko Macedonia
| Titulo_chefo_stato             = Prezidanto
| Chefo_di_stato                 = [[Gjorge Ivanov]]
| Nomo_listo_chefo_guverno   = Listo di chefministri di la Republiko Macedonia
| Titulo_chefo_guverno       = Chefministro
| chefo_guverno              = [[Nikola Gruevski]]
| Surfaco   = {{formatnum:25713}}
| Rango_surfaco   = 148
| Surfaco_aquo   = 1,9
| Lojanti             = {{formatnum:2114550}}
| Rango_lojanti  = 142
| Yaro                 = 2009
| Lojanto-denseso   = 82,2
| Reto_kodo   = .mk
| Nomo_himno   = ''Denes Nad Makedonija''
| Pekunio   = [[Dinaro di Macedonia]]
| Religii     = [[kristanismo]], 64%
}}
'''Republiko Macedonia''' ('''FYROM'''), esas lando en sud-estala [[Europa]]. Lua vicina landi esas:
* [[Kosovo]] en nord-westo
* [[Serbia]] en nordo
* [[Bulgaria]] en esto
* [[Grekia]] en sudo
* [[Albania]] en westo.

'''Bazala fakti pri Republiko Macedonia.'''
=== Historio ===
{{PA|Historio di Republiko Macedonia}}
En [[Antiqueso]] granda parto di la teritorio di nuna Republiko Macedonia esis parto di la rejio di Peonia, populo qua originis de [[Trakia]]<ref>Bauer, Susan Wise: The History of the Ancient World: From the Earliest Accounts to the Fall of Rome (2007), ISBN 0-393-05974-X, page 518: "... Italy); to the north, Thracian tribes known collectively as the Paeonians."</ref>, ma anke de [[Iliria]] e Dardania. En [[336 aK]] [[Filip 2ma di Macedonia|Filip 2ma]] konquestis [[Supra Macedonia]], inkluze la regiono di nuna Republiko Macedonia<ref>[http://books.google.com/books?id=ppbuavUZKEwC&pg=PA187&dq=dardania+today+republic+of+macedonia&lr=&hl=bg#PPA14,M1 ''Who are the Macedonians?'' C. Hurst & Co. Publishers, 2000, ISBN 1-85065-534-0, p. 14</ref>. Lia filiulo, [[Alexandros la Magna]] konquestis la restajo di la regiono.

Dum [[mez-epoko]] la regiono subisis influi de [[Bizancana Imperio]] e de [[slavi]]. Dum [[10ma yarcento]] la regiono divenis la centro di l'[[Unesma Bulgarian imperio]], sub la guvernerio di caro [[Samuil 1ma di Bulgaria|Samuil 1ma]]. Nova chef-urbo esis establisita en [[Ohrid]].

Dum l'unesma duimo di [[15ma yarcento]] [[Otoman imperio|Otomani]] konquestis la regiono, qua divenis parto di Otoman imperio dum preske 500 yari. Dum Otomana dominaco, la regiono recevis expresoza minoritato di Turki en lua populo. Dum Otomana guvernerio, [[Skopje]] e Monastir (nune Bitola) divenis chef-urbi di separita regioni.

[[Serbia]] kaptis la regiono dum l'[[unesma Balkana milito]] en [[1912]]. Dum Serbiana guvernerio, la regiono ne havis autonomio. Pos l'[[unesma mondomilito]] Serbia divenis parto di [[Rejio di Serbiani, Kroatiani e Sloveniani]]. En [[1929]] la regio esis rinomizita Rejio di Yugoslavia.

Pos referendo, Republiko Macedonia divenis nedependanta de [[Yugoslavia]] en [[8 di septembro]] [[1991]]. Lando ne sufris kun interna milito pos nedependo, kontraste kun altra ex-Yugoslaviana republiki.

=== Politiko ===
{{PA|Macedoniana nacionalismo}}
Republiko Macedonia esas parlamentala [[republiko]]. La prezidanto esas elektita da populo por 5 yari. La [[Parlamento]] havas 1 chambro ed esas kompozata da 120 membri, elektata por 4 yari da populo. Nuna [[konstituco]] adoptesis en [[2001]]<ref>[http://news.bbc.co.uk/2/hi/europe/1659132.stm BBC NEWS|Europe|Macedonia adopts new Constitution]</ref>.

=== Geografio ===
[[Arkivo:R.o.Macedonia topography.svg|thumb|200px|Topografiala mapo di Republiko Macedonia kun lua precipua urbi.]]
Republiko Macedonia ne havas [[litoro]]. Ol reprezentas 35,5% di historiala regiono di [[Macedonia (historio)|Macedonia]]. Lando havas 62 km di frontieri kun [[Serbia]] en nordo, 148 km kun [[Bulgaria]] en esto, 228 km kun [[Grekia]] en sudo, 151 km kun [[Albania]] en westo e 159 km kun [[Kosovo]] en nord-westo. Lando esas generale montoza, e [[Monto Korab]], kun {{formatnum:2764}} metri di [[altitudo]] en la frontiero kun Albania esas lua maxim alta monto.

Lua [[klimato]] esas transito inter [[Mediteranea klimato|Mediteranea]] e [[kontinentala klimato|kontinentala]]. Averajala [[pluvo]] varias de {{formatnum:1700}} mm en westa montala zono til 500 mm en sud-esto.

=== Ekonomio ===
{{PA|Ekonomio di Republiko Macedonia}}

=== Demografio ===
Macedonia havis cirkume 2.1 milion habitanti en [[2009]] di qui 58% vivis en urbi. Preske 65% esas Macedoni, 25% [[Albania|Albani]] e 3,85% [[Turkia|Turki]].

=== Kulturo ===
[[Macedoniana linguo]] esas la precipua linguo di lando, proxim ad [[Bulgariana linguo]]. Altra importanta lingui parolata en lando esas [[Albaniana linguo|Albaniana]] e Bulgariana.

[[Futbalo]] e [[handbalo]]* esas la maxim populala sporti en la Republiko Macedonia.

=== Noti e referi ===
{{reflist}}
{{commons|Македонија|Republiko Macedonia}}
{{Yugoslavia}}
{{EU-stati}}

[[Kategorio:Macedonia]]
[[Kategorio:Republiko Macedonia| ]]