Revision 56082 of "Aǧeǧǧig" on kabwiki

'''Aǧeǧǧig'''

Ah a yegma uǧeǧǧig di lefjer

yecreq yitij f ṣṣifas

ayɣar ɣas yiwen wass kan ig dder

cfan akw medden fellas

ur yessin meskin umgar

armi yekcem ɣer iger

igezmit di tnaṣfas

ɣas yemmut mačči yenger

azekka ar ad yekker gmas



teẓram acḥal d aǧeǧǧig yemɣin

twejda yulin

asmi yebbwed uḥemal

nufa ziɣ kra ibedden ittmal



ur nuki mi g wwet lebraq

tersed tafat seg iggeni

yenhez udrar yeterdeq

s zhir ur ɣiban ansi

d aǧeǧǧig iɣab

yaaraq dayyen iruḥ

awi ẓran sani

ah refdent iṣeggaden n tafat

wid izdeɣn akin i wagu

d imnayen ar at umzur yedda ar tuyat

d lebreq seg fus la ileḥḥu

fkant iwaggur bu lmeryat ger itran irrat

garasen ad yedhu

la ireq deg iggeni nwallat

meskin yuggad at nettu



itran uran ismis di tegnawt

ayyen ur izmir ḥed at yemḥu

ma twallam itri iwmi tzad tafat

ẓerted ttiɣd asefru

ma twallam itriw mi tzad tafat

cfut ttiɣd asefru

[[Category:Tamedyazt]]