Difference between revisions 10235 and 12761 on kbpwiki

 
James Joyce hɩɖɛ keekee kɛlɛ size James Augustine Aloysius Joyce. Ɖajaa sɔsɔ James Joyce ɛnɛ, ɛkɛ [[Irɩlandɩ (Irlande)|Irɩlandɩ]] ɛjaɖɛ tɛtʋ taa tʋ. Ɛkɛ abalʋ weyi ɛfɛyɩ felendu kpataa yaa kaʋ yɔ. Ŋna-ɩ kɔyɔ, ŋna size ɛkɛ tandaʋ tʋ nɔɔyʋ siŋŋɔ.

Palʋla ɖajaa sɔsɔ James Joyce ɛnʋ kɛ [[lɛlaɣ fenaɣ]] taa kɛ evemiye yaa kɩyakʋ naalɛ (2) n̄ɩŋgʋ wiye kɛ pɩnaɣ 1882 n̄ɩŋga taa. E-egeetiye kʋlʋlɩyɛ yaa lone ɖeɖe ndɩ ɖɩ-taa palʋla-ɩ yɔ, nɖɩ payaɣ size Dublin egeetiye. Ɛkɛ n̄amtʋ pɩɣa ɛ-taabalaa nɛ ɛ-samaɣ ŋga ɛwɛ ka-taa yɔ kɛ-sɩnda.

Ɛ-pɩcatʋ taa ɛɛkɛ pɩɣa ŋga kɛwɛ lɛɣtʋ siŋŋ yɔ. Ɛsɩba [[kɔlaɣ fenaɣ]] taa kɛ evemiye yaa kɩyakʋ hiu nɛ naadozo (13) n̄ɩŋgʋ wiye kɛ pɩnaɣ 1941 n̄ɩŋga taa. Egeetiye nɖɩ ɖɩ-taa ɛsɩba yɔ, nɖɩ payaɣ size Zurich. Ɖajaa sɔsɔ James Joyce ɛnɛ, ɛkɛ maɣzɩm takayasɩ kɩkalasɩ mayʋ sɔsɔ nɔɔyʋ siŋŋ kɛ ɛ-ɛjaɖɛ nɖɩ ɖɩ-tɛtʋ taa.
 
Ɛnʋ ɖɔɖɔ ɛ-kɛna koowa maɖʋ sɔsɔ siŋŋ nɔɔyʋ kɛ ɛ-ɛjaɖɛ Iɖɩlandɩ tɛtʋ taa peeɖe. Ɛsɩkaɣ lɛ, ɛɛwɛna pɩnzɩ hiŋ kagbanzɩ nɛ nakʋ (59) kɛ mbʋ yɔ. Ɖajaa sɔsɔ koosi maɖʋ nɛ maɣzɩm takayasɩ kɩkalasɩ mayʋ ɛnɛ, ɛkɛ abalʋ weyi paaɖɔɔnɛyɩ ɛ-ɛjaɖɛ tɛtʋ taa yɔ. Sakɩyɛ kpaɣ-ɩ size, ɛnʋ kɛna maɣzɩm takayasɩ kɩkalasɩ mayʋ kɔɔnɔɔ tʋ yaa maŋgbaɖa sɩm kɛ kpaɖʋ nɛɛlɛ (20) n̄ɩŋgʋ taa.  

Ɛ-takayasɩ maɣzɩm n̄ɩnzɩ kɩkalasɩ nasɩyɛ kɔ-yɔ nɛ [[Fransɩɩ kʊnʊŋ|Fransɩ kʋnʋŋ]] taa matʋ taa : ''Les Gens de Dublin'' kɛ pɩnaɣ 1914 n̄ɩŋga taa, nɛ ''Portrait de l'artiste en jeune homme'' kɛ pɩnaɣ 1916 n̄ɩŋga taa, nɛ pɩtasɩna ''Ulysse'' kɛ pɩnaɣ 1922 n̄ɩŋga taa, nɛ pɩtɛmna ''Finnegans Wake'' kɛ 1939 n̄ɩŋga taa. Ɖɩɖɔkɩ, sɩze ɛ-takayasɩ kɩmamasɩ ɖɔwa siŋŋ.⏎
⏎
[[Category:!Main category]]
[[Category:Takayɩsɩ mayaa]]
[[Category:Ɛyaa sɔsaa]]	
[[Category:Abalaa sɔsaa]]	
[[Category:Irɩlandɩ]]