Difference between revisions 3341 and 3342 on kbpwiki

< previous diff
next diff >
Kɩɖaʋ hendu: ɖɔ-cɔzɔnaa tɛtʋ
Pɩnaɣ 1960, ɖomaɣ fenaɣ kɩyakʋ 27 ñɩŋgʋ wiye, Togo laba sɔnzɩ nɛ ajɛya kpeekpe nɩɩ se kɩwɛ kɩ-dɩ yɔɔ. Ɛjaɖɛ wenɖi ɖɩwɛ ɖɩ-dɩ yɔɔ yɔ, ɖɩwɛna kɩɖaʋwondu natʋyʋ nɛ ɖɩ nɛ naɖɩyɛ patakaa wondu tʋndʋ : kɩɖaʋkɛdɛɛka, kɩɖaʋhendu nɛ kɩɖaʋtɔmʋʋ. Ɖomaɣ fenaɣ kɩyakʋ 27 ñɩŋgʋ wiye pɩnaɣ 1960, pɩlaba pɩnzɩ 54 yɔ, pete Togo kɩɖaʋhendu fransɩɩ taa nɛ ahʋna taa. Pɩ́sɩɩna sɔnɔ yɔ, tɩfɛyɩ ɖɔɖɔ yɔɔdaɣ nakɛyɛ taa nɛ pɩtasɩ.

Pʋyɔɔ malaba lɩmaɣza nɛ malɩzɩ-tʋ nɛ kabɩyɛ taa. Ɖomaɣ kɩyakʋ 28 ñɩŋgʋ wiye pɩnaɣ 2012, mente-tʋ nɛ pɩnɩɩ Togo kpeekpe se pɩkpaɣʋna mbʋyɔ yɔ, paa anɩ, ɛpɩzɩɣ ɛkpɛlɛkɩ nɛ étee hendu tʋndʋ nɛ kabɩyɛ taa. Ɛkpaɣ-tʋ ɛcɛlɛ Kabɩyɛ Akademii se kʋcɔna kɩna se ɛlɩzʋʋ nɛ kabɩyɛ taa yɔ, pɩmaɣaa. Kabɩyɛ Akademii na, kɩtɛzɩ ñɔɔzʋʋ nɛ pɩcaɣ camɩyɛ.
'''
Tindimiye I'''
Ɖɩsɛɣ-ŋ ɖeu, ɖɔ-Cɔzɔnaa Tɛtʋ
Ñɔ-yɔɔ paawɛ ɖoŋ, 
Hɛzɩyɛ’n’ Laŋhʋlʋmɩyɛ taa
Ɖɩkandɩ kɩbandʋ nɛ abal’tʋ
Pɔ-yɔɔ nɛ pɩtal’na ɖɛ-sɛyɩnaa
Ɛyaanuutiyaa ɛɛkpaɣ-ŋ sɔɔndʋ
Pɛɛyɛɛlila kam ña-laŋgɩyɛ taa
Togo kʋyɩ ŋsɩŋ,
Ɖʋlʋkɩ ñɔ-yɔɔ kaalɛyɩtʋ
Paa ɖɩwaba yaa ɖɩdawa
Ñɔ-yɔɔ ɖɩsɩkɩ sɩm kiya
‘Sɔ sɔsɔ ñe-ɖ’ke ŋseɣtiɣna-ɖʋ
Se Togo ewobina ɛsɩndaa
Togobɩɣa kɔɔ nɛ ɖɩma ɖɛ-ɛjaɖɛ

'''Tindimiye II'''
Nɔɔkʋɖʋmaɣ taa ɖɩlakɩ ña-tʋmɩyɛ
Mbʋ kɛna ɖɔ-sɔɔlɩm,
Ɖɔ-sɔɔlɩm kɩkɩlɩm
Ɖɩkpalɩ kubuka nɛ ɖʋtɔ ɖa-kɩɖaʋtɔmʋʋ
Nabʋyʋ ɛɛpɩzɩɣ pɩcamɩ-kʋ
Ɖe-ɖeke ɖ’kɛna ño-koboyaɣ
Nɛ ñɛ-ɛsɩndaawobuyɔɔkandɩyaa
Ɖɩcɛkɩ, paa le,
P’daaladanwaañɩŋgbasɩ
Ɖuɖukina Ɛsɔ
Ɖɩwɛ ña-‘ayɩ paa ɖooye kpam
Ɖɩsɔɔla-ŋ, ɖɩkpaɣ ɖa-tɩ ɖɩcɛlɛ-ŋ
Nɛ ɖʋlʋkɩ ñɔ-yɔɔ kaahɛzaɣ se
Togo, ŋɖe, nɛ ŋkɛ k’deŋga ñɩɣlɩm

'''Tindimiye III'''
Sɛɛ ɖeu, sɛɛ ɖeu, kedeŋga kpeekpe, ɖɩsɛ-ŋ
Ɖa-tɩŋgɛ ɖɩñaɣ pana 
Tʋmɩyɛ kɩbaɣlɩyɛ yɔɔ
Nɖɩ Ɛyʋ Camɩyɛwɛt’ Kɩvatʋ
Kaɣ ɖ’-cɔlɔ lɩnaʋ yɔ.
Ɖenɖe kʋñɔndʋtʋ ɛwɛɛ lɛ,
Ɖɩkɔna koboyaɣ maatɛŋ
Ɖamamɔɔnseɣu
Ɛɛdaatasɩ wɛʋ ‘jaɖɛ yɔɔ
Yomiye nɛ pakpan’ɖoŋ
Pɔ-tɔm tɛm’lɛɛlɛɛyɔ
Tɩyɔɔwɛʋ tɩɩŋga ɛñɩlɩsaa’lɛ
Ɖɩtɔzɩ ajɛya hɛkʋdaa
Ɖamasɩnaʋ nɛ koobiye pɔ-tɔm yɔɔ

[[Category:!Main category]]