Difference between revisions 5180 and 5181 on kbpwiki

Samuel de Champlain kɛ ɛjaɖɛ nɖɩ payaɣ-ɖɩ size Fransɩ yɔ, ɖɩ-tɛtʋ taa pɩɣa yaa ɖɩ-ɛjaɖɛ taa tʋ. Ɛkɛ abalʋ weyi ɛwɛna tandaʋ kɛ ɛtamaɣ tɛɛ yɔ, pʋtɔbʋ size ɛzɩ ɛ-tandaʋ. Sakɩyɛ maɣzɩm taa keɣkeɣ lɛ, paa pɩɩla ɛzɩmaa yɔ, palʋla-ɩ pɩnaɣ 1567 n̄ɩŋga hɛkʋ nɛ pɩnaɣ 1574 n̄ɩŋga hɛkʋ taa kɛnɛ mbɩ yɔ. Egeetiye yaa lone nɖɩ ɖɩ-taa palʋla-ɩ yɔ, nɖɩ payaɣ size Brouage.

Brouage tɛtʋ yaa egeetiye,kɛna, tɛtʋ ndʋ tɩwɛ ɛwadɩyɛ Charente cɔlɔ kpam yɔ. Ɛyaa sakɩyɛ tɔŋ ɖɔɖɔ size pamaɣzɩm taa wɛ mbɩ yɔ, pamaɣzɩ size ehiu Ɛsɔ tɛ lɩm sɔʋ kɛ aloma fenaɣ taa kɩyakʋ yaa efemiye hiu nɛ naadozo (18) n̄ɩŋgʋ wiye pɩnaɣ 1574 n̄ɩŋga taa mbɩ yɔ. Lone yaa ɖeɖe palaba-ɩ lɩm sɔʋ mbʋ pʋ-sɔnzɩ yɔ payaɣ size Rochelle.

Rochelle lone nɖɩ, ɖɩ-taa kɛ ɖɩnaɣ Yon-Kiɖeɖeu tɛ Ɛsɔ kuduyuu sɔsɔʋ. Ɖajaa sɔsɔ Samuel de Champlain ɛnɛ, ɛsɩba saŋayɩŋ fenaɣ taa kɛ efemiye yaa kɩyakʋ nɛɛlɛ yaa hiŋ naalɛ nɛ kagbanzɩ (25) n̄ɩŋgʋ wiye kɛ pɩnaɣ 1635 n̄ɩŋga taa. Egeetiye nɖɩ ɖɩ-tɛtʋ taa ɛsɩba yɔ, ndɩ payaɣ size Québec. Pɩɩkɛ krɩstʋ mba tɛ efemiye nɖɩ, pɔtɔkaɣ Yesu krɩstʋ tɛ lʋlʋkʋ yɔɔ tɔzʋʋ tɛ kazandʋ efemiye wiye yɔ.

Ɖajaa Samuel kɛna tʋma sakɩyɛ laɖʋʋ wɛtʋ ndɩ ndɩ taa. Kɔɔnɔɔ yaa kajalaɣ taa lɛ, ɖajaa ɛnɛ, ɛkɛ lɩm yɔɔ nʋmɔʋ wobuyu yaa woɖu yaa ɛzɩ ɛsɔdaa heɣlim taa saɣʋ sɔsɔ nɔɔyʋ. Ɛkɛ ɖɔɖɔ, tɛtʋ tɛlɛnzɩ laɖʋ yaa tɛlɛnzɩ yɔɔ niye mʋyʋ sɔsɔ siŋŋ nɔɔyʋ. Ɛlakɩ sɔjɛtʋ tʋmɩyɛ ɖɔɖɔ, pʋtɔbʋʋ size, ɛkɛ sɔja sɔsɔ nɔɔyʋ. ɛlakɩ ajɛɛ taa wobu kpɛlɛkʋ tɛtʋ tɩlɩyʋ tʋmɩyɛ ɖɔɖɔ.
     
Fransɩ ɛjaɖɛ abalʋ ɛnɛ, ɛlakɩ ɖɔɖɔ, tɛtʋ wɛɖʋ taa tʋʋzʋʋ kpɛlɛkʋ tʋma nɛ, ɛkpɛlɛkʋ tɛtʋ tɩlɩɣ camɩyɛ siŋŋ. Ɛkɛ sɔja sɔsɔ n̄azɩyʋ siŋŋ nɔɔyʋ. Ɛ-tʋmɩyɛ lɛɛɖɛ kɛlɛ, pɔdɔma size yaa sɔnɔ sɔnɔ sawɩlaa takayɩsɩ tɔm mayʋ sɔsɔ nɔɔyʋ. Ɖɩtaasɔɔ size, ɛnʋ lɩzana egeetiye yaa tɛtʋ ndʋ payaɣ tʋ size  Québec.⏎
⏎
[[Category:!Main category]]