Difference between revisions 6362 and 11526 on kbpwiki

ndɩndɩ pʋɖɔɔ pɩdɩɩfɛyɩ. Pʋwɛ ɛjaɖɛ kpeekpe taa yʋʋʋ, ɛlɛ, wɛtʋ natʋyʋ lɩna ɛsɔ cɔlɔ, natʋyʋ lɩɩna ɛyʋ maɣmaɣ nesi cɔlɔ, lɛɛtʋ ñalɩɩna paa ɛjaɖɛ nɖɩ ɖɩ-tɔm nɛ  ɖɩ-lakasɩ pɔ-cɔlɔ.
Ñɛ, ɛzɩyɛ egbena lone, “Yadè-Kpéloudè ɖɛɣa nɛ ka-taa wondu” ñɔnɩna yɔ. Ña-pɩyalʋ kɩbanʋ BAGNANZI Yoma Patoupoko nesi ŋñɔnaa se ñɛ-ɛyaa nɛ ajɛya lɛɛna samaɣ ɩsɩmɩ-ŋ.

Ɛzɩyɛ egbena lone lɩzʋʋ nɛ ɖɩ-wɩlʋʋ 

Kpéloudè wɛ Yadè Kantɔŋ piyaɣ nakɛyɛ yɔɔ, Koyosaɣ egeetiye taa Kara hɔɔlʋʋ taa. Ɛyʋ ɛlɩ Kara tɛtʋ taa, ɛtɩŋɩɣ habɩyɛ sɔsɔɖɛ kpaʋ yɔɔ se ɛɖɛɣna Dapaong kiŋ lɛ, ɛɖɔŋ ɛzɩ Kmwaa 10 yɔ; ɛtalɩɣ Yadɛ kɩyakʋ taa lɛ, Kpéloudè wɛnɩ wɩsɩɖɩlɩyɛ hɔɔlʋʋ taa, ɛɖɔ ɛzɩ m 500 lɛ, ɛtalaa lɛ. Lone nɖɩ ɖɩ-taa pama caanaʋ kuduyuŋ ndɩndɩ, ɩ-taa wɛ caanaʋ wondu ndɩndɩ nɛ mbʋ pʋwɛ wazaɣ nɛ cɔnʋʋ yɔ (kudijamɩŋ, tɩŋ, pɛ, wɛtʋ ndɩndɩ nɛ sɔnzɩ lona ndɩndɩ, pɩ...).
Caanaʋ ɖɛɣ. Ŋdɩɩtalɩɣ YADÈ-KPÉLOUDÈ lɛ, lone nɖɩ ɖɩ-taa ɛzɩyɛ egbena hɔɔlʋʋ nakʋyʋ yɔ caanaʋ ɖɛɣ ŋga ŋlayɩɣ lesuu yɔ. Pama-kɛ caanaʋ tɛtʋ yɔɔ. Ɖɛɣ ŋga, ɖɩnaɣ ka-taa : kʋjɔŋ, kɩ-tɛɛ ŋtɩŋɩɣna nɛ ŋsʋʋ ɖɛɣ taa taɣ yɔɔ; nʋmʋʋ, ŋsʋʋ kaaŋa taa pʋcɔ ŋsʋʋ nʋmʋʋ tɛɛ; nemeɣa; pɩlʋʋ; namɩyɛ; kpou. Pama kolonzi nɛ sɩtamsɩɣ kuduyuŋ nɛ ɖama. Mbʋ mbʋ pʋwɛ ɖɛɣ taa yɔ, pʋwɛna   pʋ-wazaɣ.

ƐZƖYƐ EGBENA lone wɛʋ yɔ, pɩkɛnɩ lone nɖɩ paa anɩ ɛkɔŋ se ɛna ɛzɩma kabɩyɛdʋ ɛzakuliye wondu kaawɛɛ yɔ, nɛ pʋtɔzʋʋ-ɩ kabɩyɛdʋ lakasɩ nɛ ɛ-ɛzakuliye tɔm. Kɔɔnɔɔ lɛ, wondu ndɩndɩ ndʋ kabɩyɛdʋ kaalakaɣnɩ tʋmɩyɛ nɛ tɩcaɣ mʋʋ yɔ pasɩ-tʋ hɔɔlɩŋ ndɩndɩ taa caanaʋ ɖɛɣ taa: ɖɩnaɣ mɩzaɣ wondu, lakʋ nɛ you wondu, wondu ndʋ ɛyʋ kaɖɩɣnɩ ɛ-tɩ yɔɔ yɔ, haɖaʋ wondu, sɔnzɩ wondu nɛ lɛsɩ wondu. Nabʋlɛ taa lɛ, ɖɩnaɣ lona sɔsɔna ndɩndɩ wena palakɩ a-taa sɔnzɩ nɛ lɛsɩ yɔ.

ƐZƖYƐ EGBENA lone taa cɔʋ nɛ ɖɩ–taa wondu naʋ

Nʋmɔʋ tɩŋʋʋ tɔm taa lɛ, pasɩ ɛyʋ nɔɔyʋ lone nɖɩ ɖɩ-taa nɛ ɛwɩlɩɣ ƐZƖYƐ EGBENA ñɩma pasʋʋnɩ le nɛ palɩɩna le nɛ pana mbʋ pʋwɛɛ lona taa yɔ. Nʋmʋʋ tɛɛ ɖɩzʋyɛ nɛ pɩlʋʋ taa kpaʋ paalɛɣ naataŋgbala. Paalɩzɩɣ fotonaa nʋmʋʋ tɛɛ. Samaɣ ŋga kakpɩtɩnɩ lone nɖɩ yɔ, pɩkɛnɩ-kɛ kɩjɛyʋʋ se kamʋ ƐZƖYƐ EGBENA ñɩma camɩyɛ. Pʋpɔzʋʋ se paa ƐZƖYƐ EGBENA lone taa woɖu weyi ɛtalɩɣ lone nɖɩ ɖɩ-taa lɛ, ɛhɛyɩ kobo nakʋyʋ kɔmiitee ŋgʋ kʋcɔŋnɩ lone nɖɩ ɖɩ-yɔɔ yɔ; papɩzɩɣ panɩna ɖama kobo ŋgʋ kʋ-ñʋʋ ɖɩhɛyɩyɛ. Ɛlɛ, ƐZƖYƐ EGBENA lone taa woɖu pɩzɩɣ ɛ-ɖɩcɔyɛ taa ɛpɛɖɩ nabʋyʋ ñanzɩ taa ɖɔɖɔ. 

Paɣtʋ natʋdoozo wɛɛ se ɛyʋ ɛɖɔ tʋ-yɔɔ nɛ pʋcɔ ewolo lone nɖɩ ɖɩ-taa. Pʋcɔ ŋwolo lone nɖɩ ɖɩ-taa lɛ, pʋpɔzʋʋ se : Ŋma takayaɣ yaa ŋwolo ŋheyi ɛsakuliye tɔm tʋmɩyɛ taa ñɩmba nɛ paha-ŋ nʋmɔʋ; Kɔmiitee ŋgʋ kʋmʋʋ ɛyʋ ɛnɛ yɔ, peheyi-kʋ; Pɩtɛzɩnɩ lone naʋ ; ɖɛɣ nɛ ka-taa wondu (ɖenɖe ɖenɖe pʋwɛɛ se pawɩlɩ-ɩ nɛ ɛna yɔ, “piyaɣ kɩsɛɛmaɣ” lone maɣmaɣ, caanaʋ ɖɛɣ). Pawɩlɩɣ-ŋ lona ana nɛ a-taa wondu ndɩndɩ nɛ pɩtɛ lɛ, kɔmiitee kɔŋnɩ-ŋ ɛsakuliye takayaɣ ŋma ña-hɩɖɛ nɛ ŋtɛ ŋma ndʋ ña-taa wɛɛ se ŋheyiɣ lone nɖɩ ɖɩ-lɩmaɣza laɖaa yɔ. Nɩmaŋ kɩtɩŋɩŋ kɛna se: Pamʋʋ mba pɔkɔŋ se pana yɔ piyaɣ liudɛɛ kèdèvoda; Powoni-wɛ caanaʋ ɖɛɣ taa. Pʋwayɩ lɛ, pawɩlɩ-wɛ wondu ndɩndɩ. Lona lɛɛna taa cɔʋ  ñawɩlɩɣna Kpéloudè kooka taa yuŋ : Akpéma nʋmɔʋ, teliŋ weyi ɩkɛ sɩɩnaa ɖooo waɣsɩ nɛ waɣsɩ yɔ, POYODI nemeɣa ŋga kɛwɛ pɩnzɩ nɛ pɩnzɩ yɔ, ɖenɖe payaɣ se “Ndènkpèzahalouda” pʋcɔnʋʋ wɩlɩɣ hɔɔlʋʋ taa keɖeɣa. Ɛyaa ɖʋmʋyɛ taa lɛ, nɔɔyʋ wɛɛ koŋŋ nɛ ɛlɛ mʋʋ ɛyaa; ɛnʋ heyiɣna mba pɔkɔŋ yɔ kabɩyɛdʋ tɔm nɛ Yadè-Kpéloudè tɔm (ɛyaa mba pɛwɛ Yadè-Kpéloudè yɔ, pɔ-sɔnzɩ nɛ pɛ-lɛsɩ labʋ tɔm). Patalɩɣ lone maɣmaɣ taa lɛ, pɛkɛdɩ-wɛ Yadè-Kpéloudè ñɔ ñɔʋ mbʋ yɔ, kɔɔnɔɔ caanaʋ taa ɛyʋ weyi ɛlayɩ caɣʋ peeɖe yɔ, ɛzɩma pɔtɔɔzʋʋ Ɛvalaa nɛ pekpeziɣ Akpema yɔ, pɛkɛdɩ-wɛ halɩkpaɣyɛ tɔm (pɩtasɩnɩ pɛlɛ sutu)nɛ  lɛsɩ labʋ. Paɖɩɣnɩ wɩlʋʋ lone taa wondu ndɩndɩ lɛ, papɩzɩɣ patʋlɩ ñɩɣyʋʋ kɩyɔɔdʋʋ nɛ ŋnɩɩ yaa panɩɩ mʋya nɛ koosi .

[[Category:!Main category]]⏎
[[Category:Candidates for speedy deletion]]