Difference between revisions 9578 and 12621 on kbpwiki

[[Fichier:Watt_James_von_Breda.jpg|vignette|Watt James von Breda]]⏎
James Watt kɛ ɛjaɖɛ nɖɩ payaɣ-ɖɩ size [[Ekɔsɩ]] yɔ ɖɩ-tɛtʋ taa pɩɣa yaa ɖɩ-ɛjaɖɛ taa tʋ. Ɛkɛ abalʋ sɔsɔ nɔɔyʋ Ekɔsɩ ɛjaɖɛ taa peeɖe. Palʋla-ɩ [[kɔlaɣ fenaɣ]] taa kɛ evemiye yaa kɩyakʋ hiu (19) nɛ nakʋ n̄ɩŋgʋ wiye. Egeetiye yaa lone nɖɩ ɖɩ-tɛtʋ taa palʋla-ɩ yɔɔ payaɣ size Greenock, tɛtʋ ndʋ tɩwɛ Ekɔsɩ ɛjaɖɛ taa.
[[Fichier:James_Watt_Memorial_College.jpg|vignette|James Watt Memorial College]]
[[Fichier:James_Watt's_Workshop.jpg|vignette|James Watt's Workshop]]
Ɛsɩba [[kɩyɛɛna fenaɣ]] taa kɛ evemiye yaa kɩyakʋ nɛɛlɛ nɛ kagbanzɩ yaa hiŋ naalɛ nɛ kagbanzɩ (25) n̄ɩŋgʋ wiye kɛ pɩnaɣ 1819 n̄ɩŋga taa. Egeetiye ndɩ payaɣ-ɖɩ size Heathfield Hall yɔ ɖɩ-taa ɛsɩba ɛ-ɖaɣ maɣmaɣ taa. Ɛ-ɖaɣ ŋga pɛcɛlɩ hɩɖɛ size Handsworth yɔ ka-taa ɛsɩba pɩnzɩ hiŋ lutozo nɛ naadozo taa.

Ɛ-ɖaɣ ŋga, lɛɛlɛɛ yɔ, kɛ-tɛtʋ sʋ Birmingham egeetiye taa kɛ Iglisi ɛjaɖɛ taa. Ɖajaa Ekɔsɩ abalʋ ɛnɛ, ɛkɛ pana n̄aɣyʋʋ sɔsɔ yaa tamaɣ lɩzɩyʋʋ taa sɔsɔ nɔɔyʋ siŋŋ kɛ Ekɔsɩ ɛjaɖɛ taa peeɖe. Ekɔsɩ tʋ ɛnɛ, ɛcɛyɩna ɛ-tɩ nɛ ɛtasɩ n̄ɔzʋʋ camɩyɛ anasaayɩ n̄ɩɣyʋ ŋgʋ kɩlakɩ tʋmɩyɛ nɛ fefeku yɔ.

Ɖajaa sɔsɔ James ɛnɛ, ɖajaa naa panɛ : Joseph Black nɛ John Roebuck pa-tʋma ɖɔdɔ sɩnana-ɩ nɛ ɛpɩozɩ ɛlu yaa ɛla camɩyɛ anasaayɩ n̄ɩɣyʋ ŋgʋ kɩlakɩ tʋmɩyɛ nɛ fefeku yɔ. Mbʋ yɔ, ɛ-taabalaa panɛ paakɛ kpɛlɩ kpɛlɛkɩyaa tʋmɩyɛ mba paamʋ tɩlɩtʋ nimye yɔ.

Ɛlaba nɛ tʋma ndɩ ndɩ ŋgbɛyɛ nɖɩ payaɣ-ɖɩ size Lunar Society yɔ, ɖɩwɛ ɖoŋ nɛ patɩlɩ ɖɩ-tʋmaa poliŋ taa. Ɖajaa Birmingham tɩnɛ ŋgbɛ nɖɩ. Ɖajaa James Watt caa kaakɛ lɔbʋyʋʋ sɔsɔ nɔɔyʋ. Lɔbʋtʋ tʋmɩyɛ ɛ-caa kaakpɛlɛka.

[[Category:!Main category]]
[[Category:Lɩzɩyaa]]
[[Category:Ɛyaa sɔsaa]]	
[[Category:Abalaa sɔsaa]]	
[[Category:Eekɔɔsɩ]]