Kondoloko (Pont)
Kondoloko kɛnɛ matʋ ndʋ, tɩwazʋʋ siŋŋ yɔ. Tɩwazaɣ kɛlɛ size paɖɩʋ kaʋ nabʋyʋ ɛzɩ-ɩ kaɖɛ n̄ɩm yɔ. Kondoloko wazɩ lɩm kikpem cikpem nɛ sɔsɔm hɔɔlʋʋ taa ɖɔɖɔ kɛ mbɩ yɔ. Lɩm mbʋ payaɣna fransɩ kʋnʋŋ taa size "cours d'eau" kɛ mbɩ yɔ.
Pɩtasɩɩna lɩm ɖikpenɖe ɖɩlɩyɛ ɛlɛ, kondoloko wazɩʋ ɖɔɖɔ kɛ polindaa tɔm heyuu yaa tɔm susuu hɔɔlʋʋ taa. Palakɩ kondolokonaa ɖɔɖɔ kɛ fɛɛŋ yaa kɛdɛnzɩ taa. Lona nayɩ wɛɛ ɖɔɖɔ nɛ payayɛ nɛ fransɩ kʋnʋŋ taa size "ravin" nɛ "canyon", a-taa ɖɔɖɔ palakɩ pɩtɛ kondolokonaa mba.
Kondoloko sɩʋna sakɩyɛ, kɛ ɛyaa ɖɔm, nɛ lɔɔɖa saʋʋ ɖeɖe, nɛ pɩsɩʋna kɩyaɣkʋ pɛtɩyaa nɛ pɛɖɛzɩnaa po-wondu kɩpɛdɩnatʋ nɛ ajɛɛ ajɛɛ. Kondolokonaa wɛɛ kɛ mbʋ payaɣna fransɩ kʋnʋŋ taa size "ouvrages d'art". Kondoloko matʋ wɛ kaɖɛ pɩtatɩɩ fɛyɩu size pɔyɔɔdɩ.
Pɩtɛkɛ paa weyi ɛpɩzʋʋna nɛ ɛma kondoloko. Pɩcɔ nɛ ŋpɩzɩ ŋwɛna waɖɛ nɛ ɖoŋ nɛ pɩtasɩna lɛɣtʋ size ŋpɩzɩ ŋma kondoloko sɔsɔʋ camɩyɛ lɛ, pɩpɔzʋʋ size ŋmla pɩtɛ sukuli. Pɩtɛ sukuli kɛ payaɣna fransɩ kʋnʋŋ taa size "génie civi".
Ɖɛfɛɛ ɖɛfɛɛ yaa pazɩ pazɩ nɛ kondolokonaa matʋ huu. Ɛlɛ, kondolokonaa matʋ tɛya pɩtɩ tam naabʋlɛ. Kajalaɣ lɛ, wɛɛ kɩpanɖɛ ɛzɩ fransɩ tʋ ya-ɩ size "période romaine" nɛ wɛɛ kɩfaɖɛ yaa lɛɛlɛɛ taa n̄ɩnɖɛ nɖɩ fransɩ kʋnʋŋ n̄aya size "période contemporaine".
This site is not affiliated with or endorsed in any way by the Wikimedia Foundation or any of its affiliates. In fact, we fucking despise them.
|
